بسمله بقلق : دا بيصرخ يا ليلي هقفل كدا انزل لماما فاطمه واجي هي اللي هتفهم فيه ايه ” وقفلت ولبست اسدال ونزلت علي تحت لفاطمه ”
فاطمه اشتالت عمر حسست علي جسمه كان قايد ناــ,,ـر : يا ساتر يارب ماله سخن كدا لييه بسمله قومي ابوكي خالد ولا جدك نروح المستشفي بسرعه
بسمله بعياط : ماما هو فيه ايه قلقتيني ؟
فاطمه : مفيش فيه حاجه يا حبيبتي هنروح نطمن بس ونرجع علطول يلا يلا روحي نادي ليهم
” بسمله نادت الجد غالي واخدو بعضهم وراحو علي المستشفي ”
فاطمه وهي شايله عمر اللي بيصرخ : غالب فين يا حج الساعه 12 نص الليل وسايب مراته وابنه لوحدهم
غالي : هتيجي علي غالب بس مصطفي سايب مراته وبنته في البيت لوحدهم ومشي هو التاني
فاطمه بصبر : نروح نطمن علي عمر بس الاول
” وبعد شويه وصلو المستشفي والدكتور بدء يكشف علي عمر ”
الدكتور بصلهم : عنده تشنج حراري حاليا هعلقله محلول واكسجين
” بسمله دموعها زادت وقعدت حضــ,,ـنه ابنها اللي لسه بيصرخ وفجأه صوته اتقطع ومبقاش يعيط ولا يتنفس وازرق جدا بسمله حست ان روحها بتطلع وهش شايفه طفلها بمنظره دا الدكتور اخده منها بسرعه ”
الدكتور بصوت عالي : مش عاوز حد معايا في الاوضه
” الكل طلع بسمله بتصوت مش بتعيط في حضــ,,ـن فاطمه والكل قلقان وغالي نازل اتصال ب غالب مبيردش ”
غالي : والحيوان غالب مبيردش
بسمله بصويت : مش عوزاه يجي ولا عاوزه اشوفه قداميييي ابني بيروح مني يا مااامااااا
فاطمه : اهدي يا قلبي والله هيبقي زي العسل اهدي
” ساعة كامله مرت عليهن وهما بره ما بين بسمله اللي تعتبر ميته من شده الخوف والقلق علي ابنها الدكتور اول ما طلع حست الدنيا بتلف بيها ابنها فين ؟ كويس ولا ماله ؟ مش حاسه بيه ليه ولا سامعه صوت عياطه ؟ ”
الدكتور بصلهم وقال :
الفصل الحادي عشر 11
الدكتور بصلهم : اسمعي يا مدام ابن حضرتك انقذنا حالته بعجوبه لازم تهتمي بدرجة حرارته تفتهمي بصوت الكحه تهتمي بأصغر التفاصيل دي لانها بتكون سبب لكارثه عند الطفل هو ممكن يكون بيتألم ومش قادر يعبر دورك ك ام تفهمي هو عاوز ايه
بسمله بصوت مبحوح من شدة العياط : ابني فين يا دكتور كويس صح ابني عايش صح ؟
الدكتور : ابن حضرتك كويس المحلول يخلص وتقدري تخديه وتمشي وارجوكي جهاز الاكسجين يكون معاكي ديما واول ما تحسي ان نفسه تقيل او بيقل جهاز الاكسجين يتحط فوراً
غالي سلم علي الدكتور بشكر : متشكرين جدا يا دكتور
الدكتور سلم بحترام : علي ايه يا حج دا شغلي مع الف سلامه والف سلامه عليه ربنا يشفيه ويعافيه ” ومشي ”
” بسمله دخلت الاوضه وجريت علي السرير اللي ابنها نايم عليه و عيونها مش مبطله عياط باست ايده وحضــ,,ـنته ”
بسمله بدموع : حقك عليا يا نور عيوني حقك عليا يا قلبي انا اللي قصرت في حقك انا السبب في انك تيجي هنا اسفههه ” وعيطت اكتر ”
فاطمه : سبيه يا بسمله ينام كدا هيصحي والنوم ليه حلو علشان ميتحركش والمحلول في ايده يا قلبي
بسمله بعياط : صعبان عليا عيوني عليه لسه صغير وياخد محلول كدا
فاطمه : الحمدالله انها جت علي قد كدا احمدي ربنا
بسمله بهمس : الحمدالله انه لسه معايا وفي حضــ,,ـني بس انا عوزه اروح عند ماما بيه يا ماما فاطمه
فاطمه راحت جنبها وحطت اديها علي شعرها : انا عرفه انك زعلانه من غالب وانا كمان زعلانه منه بس مينفعش تسيبي لجوزك البيت من غير ما يعرف كدا بتغلطي نفسك
بسمله بعياط : وهو فين يا ماما ابنه كان هيمــ,,ـوت وهو ولا حتي فكر يرن عليا
غالي دخل ليهم : يلا انا دفعت الحساب هاتي المحلول دا نكمله في البيت يلا
” وفعلا الممرضه شالت المحلول وراحو علي البيت عمر في حضــ,,ـن بسمله وــ,,ـفاطمه اللي بتطبطب علي بسمله وغالي اللي هيتجنن ويعرف فين مصطفي وغالب وصلو عند البيت ”
فاطمه : يا تخليكي تباتي معانا الليله يا تطلعي تنامي واجي معاكي هتعملي ايه
بسمله بتعب : عمر كدا كدا نايم والساعه بقت 2 اهي هطلع انام لصبح اروح بيه لدكتور اطفال متخصص ارتاحي انتي يا ماما
فاطمه : طيب يا حبيبتي اطلعي ولو في اي حاجه هاتي بعضك وانزلي تحت لياا
” بسمله طلعت شقتها ونيمت ابنهاا واتفتحت في العياط جنبه لحد ما نامت علي نفسها ”
……………………….
” في راس البر وخصوصا في سفينه في النيل ”
” غالب وجمال نزلين رقص علي الاغنيه اللي شغاله في المركب ومصطفي قاعد بيضحك عليهم اووي ”
غالب بص لمصطفي :رضااا البحراوي بيقول بيت العويل لو دهب ميجبش غير جرابيع و صدققق
جمال مسك ايده بضحك : ناس مني ومن دمييي محدش فيهم شال همييي
غالب :ومحدش كان غيره عليااا فين خالي وفين عمي ” ومد ايده لمصطفي ” قوم يا جدع ارقص شويه متبقاش خنيق
مصطفي برفع حاجب : خدلك جنب يلااا رقص ايه اللي اقوم ارقصه يلا انجزو عوزين نروح الله اعلم الدنيا هناك عمله ايه
جمال راح قعد جنب مصطفي : اكيد مرات كل واحد فينا رفعت عليه قضية خلع واضحه وضوح الشمس يعني
مصطفي : مش عارف الوضع هيبقي عامل ازاي هناك بس مش متفائل يعني
غالب بضيق : لاء بصو علشان مش عاوز انكد علي نفسي تاني سيبو الكل حاليا وخلونا نتبسط
مصطفي : هننزل من هنا ناكل بقلويظ ” قواقع البحر يعني ”
جمال : ايوااا كدا ادخلي علي الفسفور
” واخيرا نزلو من السفينه راحو علي عربية البقلويظ وفضلو ياكلو لحد ما تعبوو قررو يرجعو راحو ركبو في العربيه ومصطفي ساق ”
جمال : يوم زي العسل اقسم بالله
غالب : علشان مش متحدد ليه عارف لو كنا محددين وديني ما كنا هنفرح كدا
مصطفي فتح فونه ولقي اكتر من خمسين اتصال من ليلي وجده والعيله كلها : يا نهااار ابيض كل دول اتصالات في حاجه ولا ايه
غالب : يا جدع لاء مفيش حاجه تلاقي مراتك قلقت بس انا عن نفسي مش فاتح فوني غير لما اوصل المهم هريح لحد ما نوصل صحوني ” واتعدل ورجع راسه ورا ونام ”
…………………………….
” في شقة ليلي الساعه اصبحت 3 بليل وليلي مش عرفه تنام من كتر القلق والعياط عقلها بيصورلها ان جوزها حصله حاجه ”
ليلي بنهيار : لاء يا احلام مصطفي عمره ما يتأخر عليا كدا اكيد حصله حاجه
احلام بقلق : يا بت اسكتي متقوليش كدا جوزك زي العسل محصلوش حاجه
ليلي بزعيق : ولما جوزي محصلوش حاجه مرجعش لسه لحد دلوقتي ليه
مروه بعياط علي رجل احلام : وانا جوزي فين حصله اييه هما راحو فين
احلام بمشي ايدها علي شعر مروه اللي غرقانه في دموعها وبتكلم ليلي في الفون : طب اسكت مين فيكم دلوقتي قسماً بالله هتلاقيهم خرجو مع بعض
مروه بدموع : عوزين نتصل بماما انصاف وبابا سالم زمانهم وصلو عند بسمله نطمن علي عمر منهم
ليلي مسحت دموعها : كلمت بسمله منهاره علي ابنها عمر تعبان عنده تشنج حراري مبتفكرش في غالب اللي شاغل تفكيرها عمر
احلام : طيب استهدو بالله كدا بدل ما ازعلكم انتو الاتنين بنتك فين يا ليلي
ليلي باست راس بنتها اللي علي ص.درها : نايمه في حضــ,,ـني اهي
احلام : طب يلا اقفلي وادخلي نامي جنب بنتك ولما جوزك يرجع اتكلمي معاه
ليلي : لما جوزي يرجع مش هبص في وشه هاجي عليكي مش هعد معاه ثانيه واحده
احلام بصرامه : سمعتي قولتلك ايه اتكلمي مع جوزك الاول متبقيش مدفع بيرمي كلام دي القنابل
ليلي مسحت دموعها : طيب تمام تصبحي علي خير ” وقفلت معاهم وحضــ,,ـنت سلمي اكتر بس معرفتش تنام دموعها نزلت ” زعلانه منه اووي والله بس مرعوبه عليه ان شاء الله هيرجع بألف خير
” حاولت تنام اكتر من مره معرفتش سابت سلمي نايمه وطلعت البلكونه ودموعها مش واقفه بصت للبلكونه لقت صوت عربيته تحت البيت غمضت عيونها لما شافته قدام عيونها كويس وفضلت وقفه ”
مصطفي قفل بوابة البيت وطلع علي الشقه ودخل علي الاوضه براحه لقاها واقفه في البلكونه : احم حبيبي واقفه كدا ليه ؟
” ليلي دموعها نزلت بصمت وضهرها ليه ومتكلمتش ولا حرف ”
مصطفي قرب منها وحط ايده علي كتفها : مبترديش عليا ليه يا ليلي ؟
ليلي بصتله بوشها الاحمر من شدة العياط وقالت بصوت مبحوح : الساعه كام معاك يا ابو سلمي
مصطفي اتنهد : كنت مخنوق شويه من ضغط الشغل واخدت بعضي انا وغالب وجمال وروحنا راس البر شويه وجينا
ليلي بنفعال : في حاجه اسمهااا موبايل في حاجه اسمها رسااااله في حاجه اسمها اطمن الست اللي متجوزها مش اخد بعضي واروح اتفسح واتبسط وهي تولع بجاز تسيبني من 9 الصبح ل 3 الفجر معرفش فينك وانا ميته من قلقي وخوفي عليك دا اسمهه ايه يا دكتور ” وخبتطه في ص.دره ”
مصطفي بصلها وسكت ثواني بعدين اتكلم : هو انا كنت بايت برا البيت ما انا رجعت قبل الصبح اهوو وفعلا كنت مضغوط ومحتاج ابعد عن كل حاجه كنت قرفان
ليلي بضحكة مصدومه وهي بتسمح دموعها : قرفان ومضغوط لاء الف مليون سلامه عليك يا دكتور تصبح علي خير ” وجت تمشي مسك دراعها ”
مصطفي بصلها : رايحه فين يا ليلي بقولك كنت مضغوط وروحت فكيت عن نفسي قدري شويه بعدين مبحبش اسلوب السخريه دا كلميني زي ما بكلمك
ليلي بصت علي ايده اللي مسكه دراعها : سيب دراعي لو عاوزني ابات في البيت يا مصطفي ؟
مصطفي بصدمه مسك دراعها جامد : سوري مسمعتش سمعيني كدا بتقولي ايه تاني
ليلي بصراخ فزع سلمي : بقولك سيب دراعي بدلما اتصل بحد من اهلي يجي ياخدني ” وشدت دراعها منه واخدت سلمي اللي بتعيط وراحت اوضة الاطفال تنام وهي منهاره من العياط ”
” مصطفي بقا واقف مبقاش قادر يعمل ايه واصل لأقصي درجه من غضبه وعصبيته بص قدامه للقي ازازة برفان مسكها وبكل غل رزعها في الارض اتفتفت حتت الخبطه جت في قلب ليلي خليت شهقاتها تزيد وتغمض عنيها وتضم سلمي ليها اكتر ”
……………………………….
” في شقة جمال ”
” طلع علي شقته فتح ودخل لاقي مروه قعده علي الكنبه بتاعت الصاله بتعيط ”
جمال بستغراب : مروه بتعيطي ليه في اييه ” وجري عليها ”
مروه اترمت في حضــ,,ـنه وعيطت اووي : كنت فين يا جمال كنت فين وسايبني لوحدي في قلقي وخوفي كنت فين وانا بتخيل الف روايه في دماغي
جمال اخدها في حضــ,,ـنه ومشي ايده علي شعرها : هشش اهدي يا حبيبتي انا كويس ومعاكي اهو بس اهدي بطلي عياط ” وفضلت يمسح في عيونها ”
مروه بشهقات : راجع الساعه 4 الفجر وتقولي انا معاكي كنت فين يا جمال
جمال : يا حبيبتي مفيش روحت انا والشباب راس البر قعدنا شويه ورجعنا
مروه بغضب : من غير رساله ولا كلمه تطمني بيهاا هو لما تيجي تقولي انا هفك عن نفسي شويه هل انا هقولك لاء بس اكون عرفه جوزي فين بدل ما انا كنت عمله شبه الاعمي
مروه بدوخه شديده : عاوزه انام مش قادره اقاوم
“جمال اشتالها ودخل الاوضه ونيمها علي السرير ومجرد ما دماغها لمس المخده كانت في سابع نومه ”
جمال بصلها : الظاهر ان الموضوع مش هيعدي بسهال ” ودخل اخد شور وغير هدومه ونام جنبها ”
……………………………
” في شقة غالب ”
” دخل غالب الشقه بعد ما لاقي البيت كله نايم تحت ودا كان المتوقع اصلا دخل الشقه سمع عياط مراته استغرب جدا فيه ايه وفتح الاوضه ودخل وشاف منظر مكنتش يتوقعه نهائي ”
غالب بصدمه :
الفصل الثاني عشر 12
” غالب شاف بسمله ميته عياط ونايمه جنب ابنها اللي متعلقله المحلول ”
غالب بصدمه : عمر ماله يا بسمله ” وقرب منه بخضه ” ابني ماله ردي
بسمله بتريقه : حمدالله علي السلامه يا ابو عمر مفيش ابنك كان هيمــ,,ـوت بس ربك سترها ” ودموعها نزلت ”
غالب بعدم فهم : اهدي متعيطيش وفهميني علشان انا مش قادر افهم في ايه يا بسمله
بسمله بعياط : كان عنده تشنج حراري في جسمه وتعب وروحنا المستشفي وزي ما انت شايف كدا
” غالب قرب من ابنه وهو زعلان من نفسه اووي انه ساب مراته وابنه في الحاله دي ”
غالب بص لبسمله : بسمله انا
بسمله بمقاطعه : متقولش حاجه يا غالب انا مش قادره الومك ولا اتكلم ولا حتي قادره افتح عيني انا كل اللي شاغل بالي هو ابني دلوقتي
غالب فعلا لقي ان الكلام ملوش اي لازمه بصلها كتير وسكت ثواني : علي العموم انا كنت في راس البر انا والشباب
بسمله وهي بتشيل الغطا وبتتغطي جنب ابنها : حمدالله علي السلامه يا غالب الصبح هوروح بعمر عند دكتور متخصصه في حالته علشان اعرف عنده ايه بالظبط
غالب : ان شاء الله بكرا هخدك وهاخده ونروح لدكتور نطمن عليه بس انا حابب اتكلم معاكي يا بسمله
بسمله من غير ما تبص عليه : بس انا معنديش اي طاقه اتكلم معاك عاوزه انام وبس
غالب : مش عاوزه تعرفي كنت فين ؟
بسمله غمضت عيونها اووي وردت بصوت مبحوح : ميهمنيش اعرف كنت فين علشان انا وابنك اخر اهتمامك لو كنا نهمك كنت اطمنت علي الاقل علي عمر لو مره واحده بس دي حاجه مش بتطلب
غالب غمض عينه بندم لان هي معاها حق في كل حرف وكل كلمه هي قالتها اتنفس بصوت وبصلها : ماشي يا بسمله نامي وارتاحي ونتكلم بكرا ” ودخل علي الحمام وقفل الباب ”
بسمله دموعها نزلت : ولا عمرنا هنهمك يا غالب وهنفضل احر اهتمامك بردو
………………………..
” صباح يوم الجمعه الساعه اصبحت 10 الصبح ليلي قامت وربطه راسها بربطه بيضه نفس لون قميصها البيتي وبتعمل الفطار في المطبخ ”
مصطفي صحي وكان لابس بنطالون اسود وعربان الص.در بص عليها في المطبخ سند علي الباب : صباح الخير
ليلي من غير ما تبص ليه : صباح النور شويه و الفطار يكون جاهز
مصطفي قرب منها وقف جنبها : هتفضلي كدا كتير ولا ايه الوضع ؟
ليلي حطت المنديل علي بوقها وعطست : انا كويسه يا مصطفي مفيش حاجه
مصطفي حط ايده علي راسها حس بحرارتها : درجة حرارة جسمك عاليه ليه كدا تعالي اعدي متوقفيش
ليلي دموعها نزلت ومسكت راسها : انا مش قادره اقف علي رجلي وراسي مصدعه اووي
مصطفي سندها علي ص.دره وشالها وراح علي الاوضه : ولما انتي تعبانه واقفه علي رجلك ليه
ليلي بدموع : انا مش قادره اتكلم ولا ابرر حاجه سيبني انام
” مصطفي راح جاب مايه سقعه وفوطه وقعد جنبها يعملها كمدات علي راسها لحد ما راحت في النوم لبس هدومه واخد سلمي ونزل الصيدليه جاب علاج ليها وطلع الشقه تاني ”
ليلي كانت في الحمام بتغسل وشها طلعت لقت سلمي بتجري عليها : روحي مش عارفه اشيلك هتعبك روحي لبابا يا قلبي
مصطفي شال سلمي : ليلي ادخلي الاوضه يا حبيبتي علي ما اعملك اكل تكلي علشان تخدي العلاج
ليلي بصت ليه بتعب : مش جعانه خالص ومش هقدر اكل انا عاوزه اشم هوا
مصطفي حضــ,,ـنها : طب نعمل ايه تلبسي ونخرج ولا نعمل ايه
ليلي بدموع : تعبانهه يا مصطفي مش قادره اتنفس خالص
مصطفي حضــ,,ـنها اووي : طب البسي هنتمشي بالعربيه في البلد يلا تشمي هوا
ليلي : تعالي نروح علي الجبل عوزه افضل هناك مش مرتاحه هنا
مصطفي مشي ايده علي شعرها وهو بيبوس راسها : تعالي نروح نفضل هناك يومين يحبيبتي يلا تعالي
ليلي بتعب : جهز اللبس اللي هناخده معانا يا مصطفي مش قادره اجهز حاجه
مصطفي قرب منها وحط خده علي خدها لاقي الحراره عاليه : الحراره عاليه لسه تعالي كُلي وخدي علاجك الاول بعدين نبقي نمشي
ليلي غمضت عيونها من حركة مصطفي وقالت بهمس : وحشتني ؟!
مصطفي بصلها كتير ومش قادر يفهم دماغها فيها ايه قرب منها وضمها لص.دره : نامي وارتاحي يا ليلي انا معاكي اهو مش رايح بعدين بس عوزك ترتاحي
ليلي بهمس : عاوزه انام في حضــ,,ـنك اشكيلك حاجه
مصطفي بص علي سلمي كانت بتلعب ومنسجمه شال ليلي واخدها نيمها علي السرير وحضــ,,ـنها : اشكي اللي نفسك فيه يا ستي سمعك
ليلي دفــ,,ـنت راسها في رقابته : جوزي مزعلني سابني لوحدي في قلقي وخوفي ورعبي عليه وراح خرج يتفسح اللي مزعلني مش انه راح لاء اللي مزعلني انه مقالش ليا انا عمري ما قولتله علي حاجه لاء ديما بقوله اللي يريحك يا حبيبي سابني انا وبنته لوحدنا ومشي دا يرضيك
مصطفي باس خدها : جوزك بيقولك انا اسف وحقك عليا ” وباس خدها التاني ” وبيقولك هو غلطان ويستاهل ان القمر مراته تزعل منه ” وباس شفايفها برقه ” بس بيقولك هو ميقدرش علي زعلها ولا يقدر يشوفها زعلانه والغلط دا مش هيتكرر تاني
ليلي باست خده برقه : قوله ان بموووت عليه وبخاف عليه من الهوا مليش غيره في الدنيا وبحبه قد اكتر من نفسي
مصطفي شدها في حضــ,,ـنه اكتر وضمها وباسها بحب واشتياق : حقك علي قلبي يا قلبي اوعدك مش هسيبك تاني لخوفك ولا هسيبك لدماغك ولو انتي بتحبيني انا بدووب فيكي
سلمي دخلت الاوضه : بابا عوزه لبن
مصطفي ببتسامه : اهو دا اللي اخدناه من الخلفه ياستي اصل جمال مستعجل اووي
ليلي ضحكت بتعب : مالها بنتي يا مصطفي ما هي زي القمر اهي
مصطفي : طالعه ليكي يا روحي قمر شبهك دا كفايه كلمه صفي منهااا بتوديني في داهيه
ليلي بضحك : ايه اللي جاب مصطفي ل صفييي همووت واعرف
مصطفي شال سلمي وطبل علي ضهرها بهزار : مين عذبك وجرح قلبك بتخلصوو فيااا
ليلي بضحك : انتتت اللي معذبني
مصطفي بصلها وضغط علي سنانه : دا اللي عملته كتير فيااا ما ترحم بقااا شويه ارحمييي بقاا
ليلي نامت علي كتفه بضحك اووي وسلمي مبسوطه وبتضحك : وهو علشان انا مش قدك تجرح تقسي عليااا
مصطفي باس خدها : حبيبي يخربيت عقلك ما كفايه تقل علياااا
سلمي مسكت وش مصطفي وسبتته وباسته من خده بضحك : عوزه اللبن يا بابا
” مصطفي باسها وشالها وراحو علي المطبخ يعملو اللبن وجابوه وجم ”
ليلي نامت علي كتف مصطفي وسلمي علي ايده : حبيبي ايه رأيك نرجع شقتنا في بيت العيله ؟
مصطفي بستغراب: دا ليه يعني اشمعناا مش مرتاحه هنا
