الفصل التاسع 9
غالي بهدوء : وانتي ليه توافقي بواحد كان متجوز ومخلف ليه ؟
كنز بهدوء : علشان انا معجبه بسليم يا جدي هو فعلا كان متجوز بس حاليا لاء مش متجوز سليم شخصيه وكويس ومحترم وهيحافظ عليا ما انا ممكن اتجوز واحد لسه متجوزش يبهدلني
غالب : بعد اذنك يا جدي هقاطعك في الكلام وهقولك سليم راجل اووي يعتمد عليه وصاحبنا انا ومصطفي من زمان ومعرفه جمده انا شايفه مناسب لكنز انا كنت قلقان كنز ترفضه علشان موضوع كان متجوز بس مدام هي موافقه انا شايف ان مفيش اي مشكله تانيه فيه
غالي بص لخالد : رأيك ايه في الموضوع دا يا ابو مصطفي ؟
خالد : والله يباا اللي فيه الخير يقدمه ربنا خليه يجي ونشوفه قعدة رجاله الاول وبعد كدا ان شاء الله خير
غالي : استعنا بالله خليه يجي بكرا بليل ونشوفه
” القلق والتوتر اللي كانو عند كنزي حل مكانهم الابتسامه والفرحه هي مش هاممها نظرتهم فيه كفايه نظرتها هي وكفايه هي شيفاه ايه ”
مصطفي دخل وعلي ايده سلمي ورفع ايده ليهم ببتسامه : السلام عليكم ورحمة الله وبركاته ؟
غالب : يا مرحب يا مرحب دا النهارده عيد مصطفي الجبراني بجلالة قدره قرر يعترف بينااا خلاص
فاطمه ببتسامه : قلب فاطمه اللي نور البيت كلهه
مصطفي راح عند فاطمه وباس دماغها : حبيبة قلبي اللي وحشاني
فاطمه ببتسامه : فين ليلي ؟
مصطفي بص وراه : هتلاقيها برا مع عمتي ناهد ونوال بنتها جم عندنا امبارح بليل باتو وجينا دلوقتي
” ليلي دخلت ومعاها شنطه ووراها نوال وسلمت علي الكل وقعدت علي الكنبه بهبطان وناهد ونوال سلمو علي الكل وقعدو ”
غالب : امال سعد اخوكي فين يا نوال مجاش معاكم ليه ؟
نوال : سعد في شغله مش فاضي قولنا هنروح البلد زياره قال روحو انا مش جاي
غالي : طب ادخلي يا ناهد يابنتي دخلي هدومك انتي وبنتك في اوضتي يلا وتعالو
” ناهد قامت هي و نوال ودخلو حجاتهم اوضتهم ”
ليلي : بسمله فين يا ابو عمر ؟
غالب : فوق يا ام سلمي اطلعي ليها
ليلي : كنز قومي معايا نطلع ليها يلا يا سلمي
سلمي جريت علي مصطفي : لاء مع بابا امشي انتي
مصطفي بصلها : سبيها واطلعي انتي
ليلي : لو عيطت نادي عليا انزل اخدها منك تعالي كدا عوزاك الاول
مصطفي قام ومشي معاها لحد السلم : في حاجه ولا ايه
ليلي : بالله العظيم لو لقيتك بس بتبص لنوال ولا بتوجهه كلام ليها هنزل انهيك انا حذرتك اهوو يابن الجبراني
مصطفي برفع حاجب : يعني انتي هتنزلي تنهيني صح ؟
ليلي بتوتر : لاء دا تهديد بس بعدين انا واثقه في جوزي روح قلبي وعرفه انه عمره ما يبص لحد غيري اناا
مصطفي قرص دراعها : ولما انتي واثقه فيااا بتنادي عليا تعمليلي محكمه ليييه
ليلي ضحكت : يا حبيبي بأكد عليك خد بالك من سلمي ومتخلهاش تبهدل لبسها ” وعلت صوتها شويه ” يلاا يا كنز
” مصطفي راح عند الرجاله و ليلي طلعت هي وكنز عند بسمله ”
ليلي بصتلها بعد ما اخدت عمر من اديها : مالك مبوزه ليييه علي الصبح في اييه
بسمله بغيظ : يا شيخه ولا جوز بيريح ولا ام بتريح ولا اخ بيريح ايه العيشه دي
ليلي : استغفر الله العظيم يارب مالك ياابنتي في ايه فاقده الامل في الحياه كدا ليه ؟
بسمله : البيت زي ما انتي شايفه كدا يضرــ,,ـب يقلب وعمر عمال يعيط ليل نهار ومش عرفه اطبخ ولا اعمل حاجه عاوزني اشتاله ليل نهار خد يا غالب اشتاله يقولي مش فاضي
ليلي : كلهم كدا اقسم بالله وبعدين شغل البيت ايه اللي عندك انا كنت برضع سلمي تنام لحد ما اخلص تنضيف وطبيخ
بسمله : برضعه ومش بينام غير دقيقه او اقل يا ليلي اقوله يا غالب انت في البيت اهو خده نيمه معاك مفيش فايده
ليلي : جت عندنا نوال بنت عمتي ناهد عمة مصطفي وغالب جت بليل وباتت عندنا مياااعه تلاقي قلة ادب تلاقي كنت هتشل منهااا
بسمله بضحك : نوال اللي كانت معجبه بمصطفي قبل ما تتجوزي ؟
كنز : انا عوزاكم تسكتوو ومشاكلكم الزوجيه دي نحلوها مع اجوازكم خليكو معايا للخبر اللي هقوله … سليم اتقدم ليا والكل وافق وهيجي بكرا علشان جدي يشوفه ؟!
ليلي بفرحه : يعني هيبقي عندنااااا فرح يعيااال اخيراا
كنز : اتنيلي دا جدي مكنش موافق ولسه مش موافق قال لما يشوفه يعني دي ولا قراءة فتحه ولا حتي روئيه شرعيه
بسمله : جاي يشوفه النهارده بكرا يوافق سليم اصلا ميترفضش ان شاء الله جدك عمره ما هيرفضه سلمي فين يا ليلي
ليلي : مع ابوها تحت سلمي بنتي متعلقه بمصطفي تعلق حتي واحنا نايمين عوزه هي اللي تحضــ,,ـنه وهي اللي تبوسه وهو خارج عليها عمايل كأنها ضرتي
بسمله بضحك : اظن مصطفي فرحان بكدا اووي
ليلي : بيقولي دي اللي مخلياكي علي زمتي لحد دلوقتي طول النهار قلب ابوكي روح ابوكي
كنز بضحك : وطبعاً انتي جواكي بتولعي مصطفي كان ليكي لوحدك دلوقتي اصبح ليكي شريك فيه
ليلي بضحك : دي حقيقه احيانا كتير بغير منها بحس ان انا وحيده كدا المهم قومي يا بسمله البسي خليناا ننزل تحت علشان مبرتحش لنوال دي يلا
كنز فونها رن وكان سليم بصت ليهم وقالت : طيب هروح ارد علي سليم وهاجي وراكم ” وراحت علي شقتهم ”
بسمله وهي بتلبس : اسراء وصفوان هينزلو اجازه بس مش عرفه امتي كلمتك
ليلي : امتي دا اسراء مقالتش لياا مكلمتهاش الفتره اللي فاتت خالص ولا احلام قالتلي
بسمله : احلام لسه عرفه امبارح اسراء كلمته بتقولها نضفي الشقه علشان نزلين اجازه
ليلي : يجو بسلامه يارب والله العظيم انا اللي عوزه انضف شقتي اللي هنا زمنها فيها تراب قد كدا
بسمله : انا اصلا معرفش انتو ايه اللي مخليكم تعقدو لوحدكم طب ما تزني علي دماغ مصطفي ترجعو علي البيت هنا تاني
ليلي : بفكر في كدا والله يا بسمله سلمي لوحدها وانا مش عوزاها كدا الطفله المتوحده دي بتبقي حاجه نيله عوزاها هنا الكل بيلاعب فيها هي عوزه كدا اصلا
بسمله طلعت بيها وهي بتلبس الشبشب : طب ما تجدعني كدا وتجيبي ليها اخ ولا اخت
ليلي : لالا مش دلوقتي خالص لما استرد صحتي من الحمل و الولاده والرضاعه سنه كمان كدا يلا ننزل ابنك نام اهوو حبيب خالتو دا ” وباسته ” ونزلو علي تحت ”
” في البيت من تحت ”
غالي : خليك يا مصطفي انت ومراتك نامو هنا النهارده
مصطفي : لالا الدنيا هنا ناموس والكهرباا بتقطع وبهدله مبعرفش انام وانا عندي شغل الصبح وسلمي عندها حساسيه من قرص الناموس جسمها بيحمر وبتتبهدل
اميمه : ما تخليك النهارده يا مصطفي قوليلو يا ليلي قضو اليوم معانا وروحو بكرا الصبح
ليلي بصت لمصطفي : والله يا ماما هو عندك اهو عاوز.نا نبات هنبات نروح هروح معرفش انا اجبره علي حاجه
غالب بهمس لمصطفي : لاء مسيطر
مصطفي برفع حاجب : امااال انت مفكر اييه يلا بس كله بالحترام والادب
غالب : اديني من خبرتك دي يا جدع اخوك مش عارف يتعامل خالص في اي حاجه في الحياه
مصطفي : انت اللي حمار كبير الستات عوزين الحنان والكلمه الحلوه والدلع وانت مفيش عندك التلاته
غالب هز دماغه : انت صح انا محتاج ادلعها ” وبصله ” ارقصلها ؟
مصطفي سكت شويه : يارب انت عالم بالحال وغني عن السؤال يارب انا مقدرش استحمل الكائن دا نهائي داا محدش يعيش معاه
نوال : انا سامعه صوت خيل هو هنا خيل ؟
فاطمه ببتسامه : عندنا اسطبل خيول
نوال بفرحه : واووو مصطفي ممكن تفرجني عليه بليزز
مصطفي بص لليلي اللي بصتها كفيله تقعده مكانه : مش قادر امشي والله يا نوال خلي غالب يفرجك
غالب : انت عاوز تبهدلني في محاكم الاسرة بقااا ؟
مصطفي مال عليه وهمس : اصل انا متراقب لو عملت حركه كدا ولا كدا انا مراتي متخلفه عليها تقوم تضرــ,,ـبني
خالد قام وقف ينقذ الوضع : سيبك من العيال دي يا حبيبة خالو تعالي افرجك اناا ” واخدها وراح عند اسطبل الخيول ”
” اليوم عدي وناهد ونوال قعدو في بيت العيله ومصطفي اخر الليل اخد مراته وبنته وروح علي بيته ”
………………………….
” في بيت مصطفي ”
” ليلي دخلت الشقه وسلمي علي اديها نايمه ”
مصطفي : حبيبي هدخل البلكونه هعمل مكالمه وجاي
ليلي : حاضر ” ودخلت علي الاوضه نيمت سلمي في سريرها ودخلت اخدت شور ولبست شورت اسود من الستان الناعم وتوب نفس اللون ”
مصطفي فتح باب الاوضه ودخل : اييه القمر اللي معايا دا ينااس
ليلي ابتسمت ليه : يلا تعالي سرحلي شعري ” وراحت قعدت علي السرير وهو قعد وراها وفضل يسرحلها شعرها ”
ليلي سألته بتوتر : مصطفي هو انت مبسوط معايا
مصطفي بستغراب : ايه السؤال الغريب دا هو انتي عندك شك ف ان مش مبسوط معاكي
ليلي : حبيبي لاء بس عوزه اسمعها منك انت
مصطفي لفها وقربها ليه اووي حتي نفسهم بقا واحد ورجع شعرها ورا ودنها برومانسيه وقال بهمس : انا مبسوط معاكي ” وباسها من خدها ” وبحبك ” وبسها من خدها التاني ” وبعشــ,,ـقك ” وباسها من شفايفها بحب وبعد بعد فتره ” كدا كفايه ولا عوزه تسمعي تاني
ليلي بهمس : دوري اعبرلك عن حبي يابن الجبراني
……………………….
” في شقة غالب ”
بسمله : غالب ميبقاش زعلك وحش كدا طب مغطي راسك لييه
غالب : اطفي النور وخلي ليلتك تعدي يا بسمله
بسمله شدت الغطي من عليه: انا مش عوزه ليلتي تعدي قوم اتكلم معايا قولي مالك متغير ليه انا مراتك حبيبتك متخبيش عني حاجه
غالب اتعدل بجديه وقال : وعلشان انتي مراتي حبيبتي انا مش عاوز اشغل بالك بأي حاجه انا لما بدخل هنا بنسي كل حاجه في الدنيا يبقي متفكرنيش بحاجه بقا
بسمله حطت اديها علي وشه بحنان : انا عوزه اشغل راسي بجوزي واشغل نفسي بمشاكله واللي بيضايقه عوزه ابقي محور حياتك يا غالب
غالب مسك اديها من علي وشه وباسها : وانتي كدا فعلا محور حياتي والله العظيم انا حاليا عوزك تنامي في حضــ,,ـني وبس
” بسمله راحت نامت في حضــ,,ـنه وهو ضمهااا اووي وغمض عيونه ونام وبسمله فضلت صاحيه هتمــ,,ـوت وتعرف ايه اللي شاغل باله اوي كدا ومن كتر التفكير نامت ”
………………………….
” في اوضة كنز ”
” كنز فتحه كاميرا لسليم بيختارو مع بعض هيلبسو ايه بكرا ”
سليم بضيق : كنزز متحرــ,,ـقيش جاز كتير انا مش لابس وردي انااا
كنز : اسمع بس انت تلبس بليز ابيض وبنطالوت وردي وانا العكس متشنج مع بعض يا سليم
سليم : انا عن نفسي هلبس بنطالون اسود وقميص ابيض وهسرح شعري واجي اقفلي علي الكلام بقا
كنز : سليم انت النقاش معاك صعبب كدا ليه
سليم بصلها بغيظ : بت متخلنيش اتغبي عليكي انا جاي علشان اهلك يشفوني يعني اول ما يشفوني يلاقوني لابس وردي تلاته بالله العظيم ما يحصل
كنز : براااحتك يا سلييم البس انا اييه بقااا
سليم : البسي دريس رقيق كدا سيبك من البناطيل والجو دا البسي الدريس اللي اتقابلنا فيه في المول كنت زي القمر خطفتيني من نظره واحده ليكي
كنز اتكسفت وضحكت : علي فكره انت كمان شكلك قمر وعسل وتخطف القلب والعقل كمان
سليم : اسمعي احنا هنتخطب شهر بكتير مش عاوز انا خطوبه طويلهه
كنز : والله اهلي عندك اهم تعالي وقول ليهم انا مش عاوز خطوبه واعمل زي مصطفي وليلي كتبو كتابهم في 3 ايام
كنز بضحك : غير ليلي ” وقضوو كل المكالمه ضحك وهزار وحب لحد ما نامو الاتنين علي نفسهم ”
……………………
” في شقة جمال ”
جمال بغضب : الخلفههه الحلفههه انا زهقت من الحوار دا في ايييه مفيش غير الموضوع دا نتكلم فيه
مروه بدموع : اروح اتكلم مع مين في الموضوع داا انت جوزي المفروض اتكلم معاك انت بس انت مش طايقلي كلمه
جمال بغضب : كل ما تشوفي خلقة اهلي جمال انا هحمل امتي جمال انا مش بحمل ليه جمال زهقق يا مروه من الموضوع دا الحاجه اللي بتزيد عن حدها بتتقلب ضدها قولتلك للمره المليون سيبي كل حاجه تيجي من نفسها بس الظاهر مفيش فايده فيكي
مروه بعياط : انا عوزه اروح لدكتور وبعدها مش هتكلم معاك كلمه واحده في الموضوع دا
جمال بنفاز صبر : حاضر الصبح هنروح لدكتور يا مروه لو سمحتي بقا ادخلي نامي علشان حقيقي مش طايق اشوفك ” وفتح البلكونه وطلع فيها يشم هواا بيفكر هل هو استعجل لما اتجوز مروه ؟ معقول بيقول استعجل ان اتجوز حبيته بس كل تصرفاتها بضايقه ومش شايفه نفسها غلطانه ودي المشكله اتنهد بصوت عالي ودخل ملقهاش في الاوضه دور عليها كانت في المطبخ بتكلم امها ”
مروه : وافق يا ماما ان اروح بكرا عند الدكتور
جمال من وراها بكل هدوء : …..
الفصل العاشر 10
جمال بكل هدوء : اعمليلي كوباية شاي يا مروه لو سمحتي ” وسابها وخرج البلكونه ”
” مروه قفلت مع مامتها وهي مضايقه ان جمال سمعهاا هي تعبت ولا قادره تراضي جوزها ولا قادره تراضي امها محطوطه بين الاتنين ومش عرفه تعمل ايه رفعر وشها لسقف وهي مغمضه وعملت الشاي وطلعتله البلكونه ”
مروه مدت اديها بكوباية الشاي: الشاي يا جمال
جمال اخدها من اديها من غير ما يبص ليها ورفع وشه لسماا وشاف القمر : تفتكري ممكن الانسان يقدر يغير طبعه يا مروه ؟
مروه : الطبع مبيتغيرش يا جمال مستحيل حد يقدر يغير طبع حد
جمال بصلها : امال انا غيرت طبعي علشانك ازاي يا مروه كل حاجه غلط كنت بعملها كل حاجه تغضب ربنا كنت بعملها ومن وقت ما شوفتك لحد الان وانا مغير كل حاجه فيا حسستيني وكأنك نص الدنيا والدين ليه انتي ماشيه ورا كلام الناس يا مروه ؟
مروه بصتله وحطت اديها علي خده : انا حقيقي مش عرفه اراضي مين واسيب مين انا بمووت فيك ومش عوزاك تزعل وفي نفس الوقت مش عوزه ماما تزعل قولي اعمل اييه
جمال مسك اديها : ماما تسأل وتدخل في اللي هي عوزاه لكن اللي بينا داا ملهاش فيه يا مروه يقدر حد من عيلتي يقولك انتي متأخره في الخلفه ليه والله انسفهولك يبقي انتي ليه مدخله دي ودي ودي في حياتناا
مروه حطت راسها علي ص.دره وقالت بهمس : حقك علياا اوعدك مش هدخل حد في حياتنا تاني
جمال ضمها لص.دره واتنهد : والله اتمني يا مروه بس صدقيني انا عندي طاقه ومش عاوزها تخلص ارجوكي سعديني في دا
” مروه غمضت عيونها وهزت راسها وفضلو قعدين في البلكونه لحد ما النوم غلبها قام جمال اشتالها وحطها علي السرير ونامو بكل هدوء وراحه ”
…………………………………
” صباح يوم جديد واحداث جديده ليلي نايمه في حضــ,,ـن مصطفي بستغراق وسلمي عماله تعيط في سريرها جنبهم ”
ليلي بهمس في ودن مصطفي : علشان خاطري قوم هاتها علشان مش قادره وعوزه اكمل نوم بأي طريقه
مصطفي بهمس نعسان : ولا انا قادر اقوم منمتش غير ساعه وورايا شغل قومي حضري الفطار علشان هفطر وامشي علطول
ليلي فتحت عيونها وبصت لسلمي ببتسامه : حبيب ماما بيعيط لييه احنا معاكي اهو ” ولبست الروب بتاعها وقفلته كويس وراحت اشتالتها ” مين اللي هياخد شور النهارده ويبقي قمر هاا مين
سلمي نامت علي كتفها : اناام
ليلي وهي بتمشي اديها علي ضهرها : ناخد الشور ونبقي قمر ونام يلا يلا هنلعب في البانيوو ” واخدتها علي الحمام ومليت البانيو شويه وفضلت تحمي فيها وتلعب معاها لحد ما خلصت لفيتها في الفوطه وطلعت تلبسها ”
مصطفي : ليلي طلعيلي هدوم وجهزي الفطار علشان مش عاوز اتأخر
ليلي : سلمي خلصت لبس وكله اهو هعملها الرضعه ترضعها علي ما اخد شور علشان مش هعرف اخد شور وهي لوحدهاا مش هتأخر ثواني ” وجريت علي المطبخ ”
مصطفي اشتال سلمي : هبله صح اهي الهبله دي بقا علشان نتجوز اتبهدلناا واتسحلناا مكنش حد موافق عليا ولا عليها والكل قالو لاء ابن الجبراني وبت الحبايبه ميتجوزوش ابدا بس انا لو مكنتش اتجوزتها كنت مــ,,ـوت فيهاا اصل سر بيني وبينك كدا انا اللي مربيهاا طول عمرها مزه كدا
ليلي جت ومعاها الرضعه : لعلمك بقا وانا كنت طفله كنت قمر ولما كبرت بيقت قمر بردو
مصطفي بصلها من فوق لتحت :من ناحية لما كبرتي بقيتي قمر ف انتي بقيتي قمر اووووي ” وغمزلها ”
ليلي اديته الرضعه : طب اتلم وخد اكل البت علي ما اخد الشور ومتخلهاش تقرب من السراحه بتوقع مكياجي ” وفتحت الدولاب طلعت هدوم ليها ودخلت الحمام تاخد شور وفون مصطفي رن ”
مصطفي : حبيب قلبي يا جيمي عامل ايه يا حبيبي
جمال : ابو سلمي الغالي بخير والله كنت عوزك في خدمه كداا
مصطفي : تحت امرك يا كبير خدمة ايه ؟
جمال : كنت عاوز منك تيجي تفحص البقر اللي في المزرعه عندنا اربعه بيمــ,,ـوتو والله يا مصطفي
مصطفي : لاء حول ولا قوة الا بالله جايلك هفطر بس واجيلك علطول مش انت في المزرعه بردو
جمال : موجود يا كبير خلص امورك وتعالي مستنيك ” وقفل ”
ليلي طلعت من الحمام لفه شعرها بفوطه : كنت بتكلم مين ؟
مصطفي : جمال ابن عمك عندهم بقر تعبان في المزرعه هروح اكشف عليه المهم عوزه حاجه اجيبها وانا راجع ؟
ليلي : لو انت رايح عند بيت اهلي هات حليب من احلام علشان مفيش يكفي سلمي وهتقوم تعيط وتفضح الدنيا بليل
مصطفي : معرفش اقول لأم اسراء هاتي لبن لمراتي هشتري انا وخلاص
ليلي بصتله : انا هكلمها يا مصطفي اللبن بتاعهم كويس ومضمون هتجيب من برا متلج والله اعلم من امتي
مصطفي : خلاص هروح اجيبلك من عندنا لكن مش واخد حاجه من عند اهلك اقفلي علي الحوار بقا
ليلي : اللي تعمله بقااا انت حر المهم متجبش لبن متلج
مصطفي : طلعيلي هدوم علي ما اطلع يلا علشان مش عاوز اتأخر ” ودخل الحمام ”
” ليلي فتحت الدولاب طلعته تيشيرت اسود وبنطالون اسود والحزام وحطيتهم علي السرير واخدت سلمي وراخت تجهز الفطار ”
” سلمي اول ما ليلي قعدتها علي الارض راحت فتحت ضلف المطبخ طلعت اللي جواها وفضلت تخبط بيهم ”
ليلي وطت الناــ,,ـر وراحت شالتهم دخلتهم مكانهم تاني : اعقدي بحتراام يا سلومه علشان ماما تحبك بطلي تطلعي الحجات كدا ” وراحت علي البوتجاز تاني ”
” سلمي راحت علي الدرج وسندت علي المطبخ لحد ما وقفت طلعت كل الحجات اللي جوااه ”
ليلي بصويت : هشددد شعرري بتت روحي لبابا خبطي عليه العبي قدام الباب اجري ” وحطت الحجات تاني في الدرج
سلمي راحت عند باب الحمام فضلت تخبط علي مصطفي : بابااا افتح خدني جواا
مصطفي :روحي العبي مع ماما يا سلمي انا طالع اهوو
” سلمي راحت الاوضه لقت علبة السجلير بتاعت مصطفي فتحتها وكسرتها كلها ورميتهاا وفتشلت تلعب فيهاا ”
مصطفي طلع من الحمام شاف المنظر : دااا ايه مالك انتي بعلبة السجاير ليكي فيهاا اييه
سلمي ببرائه : العب يا بابا
مصطفي : بتلعبي في اييه السجاير وحشه متلعبيش فيها تاني تعالي نروح لليلي يلا. ” واشتالها وراح ليلي اللي خلصت تجهيز الفطار ”
ليلي بصت لسلمي ومصطفي : وقفين كدا ليييه لعبت في السراحه بوظت المكياج صح ؟
سلمي : لاء يا ماما دا بابا
مصطفي بصلها : دا انتي بجحه بقا ” وفضل يزغزغها وهي تضحك ” الست سلمي كسرت علبة السجاير يا ستي
ليلي : طب والله بت بتفهم خايفه علي صحتك اشتال الصينيه يلا علشان متتأخرش
” مصطفي اشتال الصينيه وطلعها في الصاله وقعدو فطرو ومصطفي خلص وقام وقف ”
مصطفي : يلا سلام علشان مش عاوز اتأخر ” وباس خد سلمي وباس خد ليلي ”
ليلي قامت وقفت وحضــ,,ـنته : متتأخرش علياا
مصطفي ضمها لص.دره بعشــ,,ـق : عيوني خلي بالك من نفسك وسلمي علي ما ارجع ” وفتح الباب ونزل راح علي شغله وليلي بدأت تنضيف في البيت ”
…………………………………
” غالب نزل من شقته وكان مستعجل جدا لقي جده في وشه ”
غالب : صباح الخير .. نوال فين ؟
غالي : والله ما انا عارف راحت فين الصبح كدا
غالب بص لعمته بجديه : عمه انا عارف ان انتو كنتو في القاهره بتخرجو براحتكم لبس وكله لكن احنا هنا في ريف مفيش عندنا خروج كتير ياريت اعرفيها بكدا
ناهد : سيبها تعيش اليومين بتوعها يا غالب يا ابني
غالب بضيق : يا عمه تعيش بس تستر نفسها متلبسش لبس خارج علشان هي في وشي ووش مصطفي واكيد انتي ماقبليش ان حد يقول عننا كلمه وحشه
فاطمه دخلت عليهم وفي اديها صنيه الشاي : الستر مش عيب يا ناهد دا هي كدا هتعيش حياتها بس بأدب واحترام لبسها مش عاجبني
ناهد : انتو مكبرين الموضوع والله انا بنتي بميت راجل وانا مربياها كويس
غالب الكلام معجبوش قام وقف : طيب انا متأخر علي الشغل مع السلامه
فاطمه : اعقد افطر الاول يا غالب
غالب وهو ماشي : مش جايلي نفس ” وطلع ركب عربيته وراح علي الشغل ”
……………………………….
” مصطفي راح عند جمال وبدء يفحص كل المواشي اللي موجوده في المزرعه ”
مصطفي وهو بيغسل ايده : فيه اكتر من 3 بقرات حوامل ودول اكيد انت فاهم معامله خاصه لحد الولاده
جمال وهو بيصب الشاي في الكوبيات : خد ظبط مزاجك كدا الاول وتعالي نعقد شويه برا في الهواا
مصطفي اخد كوباية الشاي : يلا يا باشا ” وطلع معاه قعدو برا ” ايه الدنيا معاك
جمال وهو بيشرب الشاي : من اي ناحيه
مصطفي : كله مش حاجه معينه حسك مضايق كدا مش عارف ليه
جمال بتنهيده : حوار الخلفه تقريبا هيهبل مروه عوزه تحمل الساعه دي قبل التانيه
مصطفي بستغراب : انتو لحقتو علشان تدور علي الحمل من دلوقتي عيشو حياتكم شويه
جمال بصله : هي مش فاهمه كدا عوزانا نروح لدكتور ونشوف الحمل متأخر ليه
مصطفي وهو بيشرب الشاي : والدكتور هيعمل ايه غير انه هيكتب شويه منشطات ويقولها خلي نفسينك حلوه يا مدام وهتيجي انا شايف ان الدكتور ملهوش اي لازمه هي لو سابت الموضوع علي ربنا هيرزقها ويرضيها
جمال بتنهيدة تعب : امهاا ماليه دماغها بقصص انا مش عارفها
مصطفي : اكبر مشكله لما تكون الام مش عاقله المفروض امها تطمنها وتقولها تهدي لكن لو العكس الله يكون في عونك ” وفونه رن ” الوو ايوا يا غالب
غالب بضيق : فينك يا جدع مجيتش الشغل النهارده ليه ؟
مصطفي : انا عند جمال المهم هات بعضك وتعالي نروح نعقد شويه في القهوه نفك نفسناا
غالب : انا فعلا محتاج افك عن نفسي يلا جايلكم بقولك جهز نفسك انت وهو هنروح نسهر في راس البر
مصطفي بضحك : اشطااا يلا تعالي ” وقفل ” هتشارك في الجريمه ولا لاء
جمال بستغراب : جريمة ايه
مصطفي : هنروح نقضي اليوم كله في راس البر جاي ولا قاعد
جمال : ودي تيجي جاااي طبعاااا
” شويه وغالب جيه ومصطفي وجمال ركبو معاه وراحو من غير ما يعرفو حد ”
جمال : غااالب شغل لينااا حاجه فريحي بقااا عوزينك تشغلعنااا
غالب بضحك : اشطاااا يباااا
مصطفي بضحك : تصدقو الحياه من غير نسوان حلوه بردوو
جمال : دا اوووي احنا اللي مش وخدين بالناا بس
غالب : يعني اييه اطلق ولا اعيش علشان خاطر العيال ؟
مصطفي بضحك : اتكل علي الله وارفع قضية خلع
غالب : هنروح راس البر ولا دمياط الجديده ؟
جمال : بيناا علي راس البر مبحبش دمياط الجديده
غالب : فل الفل يا فل ” ومشي طريقه علي راس البر ”
” وقعدوو الوقت كله في الطريق ضحك وهزار ونزلو جابو تسالي فضلو يكلوو لحد ما وصلوو ”
……………………………
” الساعه اصبحت 12 بليل وليلي رايحه جايا في الشقه كل ما ترن علي مصطفي يقفل في وشها وسلمي قعده تخبط علي النيش وتزعق ”
ليلي بضيق وهي بتكلم بسمله علي اللاب : بيكنسل لييييه ولسه لحد الان في الشغل معقوول بسمله تفتكري راحو فين
بسمله وهي بترضع عمر اللي ميت من العياط : انا لو اعرف هما راحو فين كنت كلمتك يا ليلي بابا خالد راحلهم الشغل ومش موجودين هناك ومروه رنت علي جمال خمستلاف مره
ليلي بغضب : اتخطفو يعنيي ولا راحو فين طب ما يتصلوو يقولو هما فين يطمنونا
بسمله : اسكت بقاا يا عمر بتعيط لييه
ليلي وهي بتشيل سلمي من علي النيش : طب تعالي انتي بس لتكسري النيش امــ,,ـوت قصاده بسمله ممكن بطنه بتوجعه عندك دوا ولا ايه
