ليلي عيطت : مضــ,,ـــــربنيش بس زعلان مني يا بسمله ومخاصمني وانا مقدرش علي زعله مقدرش بليل منامش في حــ,,ـــــضنه مقدرش يرجع وميبوسش راسي مقدرش والله
بسمله : انتي هتعيطي يبقاا مش نافعه قومي كدا اغسلي وشك وجهزي اكله حلوه لجوزك علي ما يرجع واجهزي كدا والبسي واغريه هو الراجل اييه غير شويه احساس
ليلي بعياط : يا بسمله مصطفي مش كدا عمره ما بيجي بكداا دا ممكن يتعصب اكتر
بسمله : تكوني جربتي يا ليلي مش هتخسري حاجه هتبقي محاوله وخلاص
ليلي مسحت دموعها وفكرت : طيب هقفل اشوف هعمل ايه كدا ” وقفلت وقامت بصت علي سلمي النايمه بعمق فتحت الدولاب بتاعها تبص تلبس ايه مش عرفه فضلت تدور كتير لحد ما لقت شورت ستان لونه نبيتي والتوب بتاعه حبل رفيع اووي والتوب قصير مبين جزء من بطنها ”
ليلي ببتسامه : دا وارفع شعري كحكه منكووشه مع برفاناتي اللي بتجننه هبقي زي الورده مع شويه ورق العنب والكوارع اللي هعملهم مفيش بعد كدا كلاام ” وجهزت كل حاجه ممكن تحتاجهاا وقامت علي المطبخ تجهز الاكل بكل حمااس ”
……………………………….
” في شقة جمال ”
” جمال صحي اتوضي وصلي العصر وطلع لقي مروه وقفه قدام الحوض بتغسل مواعين مكان طبخ الغدا راح وحــ,,ـــــضنها وبعد شعرها وباسها من رقبتها ”
جمال : سبتيني نايم كل الوقت دا لييه
مروه سندا علي صدره براحه : انت كنت جاي دايخ سيبتك تنام لحد ما تصحي براحتك كدا كدا الاكل اتسوي هغرف وناكل ؟
جمال سندها من وسطهاا : مالك حسه بتعب ولا ايه مفرهده كدا لييه
مروه سنده علي صدره بضهرها ومغمضه عيونها : هبطانه والجوو حر ناار والمطبخ صهد من الفرن علشان بشوي الفرخه وحاسه ان هيغمي علياا بالله العظيم
جمال طفي الحنفيه واشتالها وطلع علي الاوضه تحت التكيف : بتهبدلي نفسك كدا ليه يا مروه ما انشالله ما حاجه اتعملت ولا حاجه اتنيلت بتتعبي نفسك كدا لييه
مروه وهي مستمتعه بهواا التكيف : لو معملتش كدا مين هيعمل يا جمال هدومنا لو مغسلتهاش محدش هيجي يغسلها مكاني ولو معملتش اكل محدش بردو هيجي يعملنا ولا منضفتش الشقه محدش هينضفهاا
جمال بحنان : اعملي علي قدك مش لدرجة انك تتعبي وتهبطي كداا
مروه حسست علي وشه بحنان : حاضر اخر مره ابهدل نفسي كدا هقوم اغرف علشان ناكل
جمال مسك اديها : خليكي يا عيوني انا هغرف وهظبي الاكل واجيبه علي ما تخدي شور تريحي جسمك بيه يلاا
مروه بحب : ربنا يخليك ليااا وميحرمنيش منك ابدا يا حبيبي
” جمال باس اديها وقام يجهز الاكل ومروه دخلت تاخد شور يريح اعصابها المشدوه بدون سبب قبل جسمهاا مليت البانيو ومامت فيه ”
افتكرت كلام ليلي : طول ما انتي بتفكري في الخلفه والعيال الموضوع في حد ذاته هيبقي مشكله عندك لازم تسيبي كل حاجه تيجي لوحدها الحمل مسؤليه لوحده ثم الولاده اكبر مسؤليه هتمري بيها في حياتك ثم الرضاعه مسؤليه لوحدها كل مرحله وليها وقت وليها تعب عيشي حياتك لحد ما ربنا يكرمك
مروه عمضت عيونها : هي معاها حق انا هسيب كل حاجه بظروفهااا
……………………………..
” في منزل عيلة الجبراني وخصوصا في غرفة كنز ”
” كنز كانت بتنضف في شقتهم وبتسمع اغاني بسماعه ومندمجه اووي فجأه الفون رن ”
كنز بصت علي الفون وابتسمت : حبيبي المزعج ” وفتحت ” الوو علي اللي ناسيني من صباحية ربنااا ولا سأل علياا حتي برساله
سليم بضحك : شغل والله شغل مشغول من الساعه 8 الصبح ولسه يدووب قاعد ارتاح اول حاجه عملتها رنيت بيكي صحيتي امتي ؟!
كنز ببتسامه : ربنا يعينك ياارب اناا صحيت الساعه 10 قومت فطرت وبعدين بدأت تنضيف في البيت
سليم ببتسامه : عقبال ما تنضفي في بيتنااا كدا ياارب اشوف ضحكتك وريحتك ماليه البيت كدا …. انا بقول كدا كفايه انا عاوز اكلم ابوكي وجدك واجي اتقدم بقاا
كنز بصدمه : بسرعه دي واثق من الخطوه دي ؟
سليم ببتسامه : اكتر حاجه امون واثق فيهل هي الخطوه دي انا بحبك يا كنز بس كلمة بحبك دي نبسبه لرجاله اللي شاريه مش مجرد كلمه بتتقال الكلمه دي ليها معاني حلوه اووي لما تبقي حلالي ومن حقي وقتها هتحسي بمعني الكلمه وانا عوزك ؟!
كنز ببتسامة عشق : وانا موافقه ، ومعاك ، ومش هسيبك يا سليم وتعالي كلم جدي وبابا
سليم ببتسامه : انشاء الله علي يوم الجمعه هكون في بيتكم بتكلم مع العيله ؟
” وفضلوو يتكلمو ويهزرو ويشاكسها وهي تتكسف اكتر من ساعه ”
دخلت زينب الاوضه من غير ما تخبط : كنز فين هستلف منك لبس داخلي علشان بتوعي وســ,,ـــــخين
كنز برقت ليها وقالت بهمس : اخرسي يا زفتهه ما تخدي من غير كلااام
زينب بستغراب : اخد من غير كلام ليه انتي بتكلمي مين في التلفون ؟
كنز بهمس : بكلم سليم اسكتي بقااا ؟
زينب برفع حاجب : عادي كداا بكلم سليم عاادي كداا
كنز : سليم طيب هقفل دلوقتي وهكلمك بعدين ممكن
سليم بضحك :طيب تمام ” وقفل ”
كنز : متبصليش كدا هو جاي يوم الجمعه يتقدم ليااا وكان بياخد معاد وانتي دخلتي شبهه الفيل من غير ولا احم ولا دستور
زينب : اوضتي علي فكرههه براحتي
كنز : بكرا اتجوز وسبهالك ولا عمري هاجي ليكم هنا تاااني ” واخدت المقشه وطلعت الصاله وشغلت اغاني بغيظ في زينب ” ودوني علي بيت حبيبي نعيش مع بعض فييه
زينب : ما يودوكي يختي هتروحي علي دار ابن لقماان يعني ما في داهيه هرتاااح منكك
……………………………..
” في شقة غالب ”
” الساعه اصبحت 8 بليل غالب دخل الشقه وكان حرفيا مهدود بسبب الشغل اللي كان من غير مصطفي النهارده ”
غالب : بسبوسه بسملهه
بسمله طلعت من اوضة النوم بهدوء : ايواا يا حبيبي معلش معرفتش ارد علشان كنت بنيم عمر ما صدقت انه نام ” وراحت حــ,,ـــــضنته بشتياق ” وحشتنيييي
غالب بادلها الحــ,,ـــــضن اللي كان محتاجه جدا : النهارده كان يوووم ما يعلم بيه الا ربنااا يا حبيبتي والله روحتي الكورس ؟
بسمله : روحت بس حصل حاجه مكنتش اتمناها ابداا
غالب بستغراب : خير يارب ايه اللي حصل ؟
بسمله : الدكتور اللي كان جاي يدرسلنا الكورس كان مصطفي ابن عمك وهو مكنش يعرف ان ليلي رايحه الكورس وليلي راحت من وراه وهي متعرفش ان هو دكتور الكورس
غالب وهو بيقلع هدومه : ليلي غلطانه كانت قالت لجوزها الاول بعدين تروح لكن شغل اشتغل من دماغي دا حقه يكسر دماغها
بسمله : قالت ليه قالها لاء مفيش مرواح وهي كانت هتمــ,,ـــــوت وتروح
غالب : جوزها قالها لاء يبقي لاء لكن تكسر كلمته كدا غلط وتصرفاتها اغلط المهم ما علينا فكك من دا كله انتي وحشتيني ” وشدها لحــ,,ـــــضنه ”
بسمله بهمس : وانت كماان وحشتني اووي ” وباست خده برقه ”
…………………………………
” في شقة مصطفي ”
” مصطفي دخل الشقه لاقي ريحتهاا كأنهاا شقة عريس الاكل مترتب علي السفره والحجات منظمه وكل حاجه في الشقه تخطف القلب راح علي السفره واتبسط اوي لما لاقي كوارع ”
مصطفي بإعجاب : اممم لاء مكلفه اوووي ؟
ليلي طلعت من وراه ببتسامه : وان مكلفتش لجوزي حبيبي هكلف لمين يعني
مصطفي بص عليها بإعجاب اكبر وصفر : افهم منك انك كدا بتصالحيني يعني ؟
ليلي راحت عنده وحوطت رقابته : اعتبرها ليلة حب بينااا بنعيد فيها اجمل ذكريات حياتنا جاهز ؟
مصطفي حاوط خصرها وهمس في ودنها : عوزه توصلي لإيه يا ليلي وهاتي من الاخر ؟
ليلي ببتسامع : مش عوزه اوصل لحاجه عوزاك تصالحني مبقدرش علي زعلك ولا علي عدم كلامك معايا والله المــ,,ـــــوت اهون من كدا
مصطفي برفع حاجب : عملالي كوارع ولبسالي نبيتي وقصير وعريان وتقوليلي اتلم وابطل قلة ادب طب والله دا عيب في حق الليله حتي اديني بس 10 دقايق استحمي علشان اجاري القمررر داا
ليلي مسكت ايده : انا عوزاك كدا متضيعش وقت واعد كل وقولي رأيك
” مصطفي قعد واكل من الاكل وكان تحفهه اووي ”
مصطفي : اممم رهيبه الكوارع من ايدك تحفهه
ليلي ببتسامه : بحد الاكل عجبك ؟
مصطفي بغمزه : بس اللي عمله الاكل عجباني اكتر واكتر
ليلي راحت قعدت علي رجله وحوطت رقابته وباست خده : اسفه ان زعلتك واسفه ان خرجت من غير اذنك اسفهه علي كل حاجه عملتهااا
مصطفي :……….
الفصل السابع 7
“مصطفي مسك منديل ومسح ايده بيه وبص لليلي : الحياه احترام وادب يا ليلي لما كنتي عند اهلك انتي كنتي بتحترمي الصغير والكبير مكنتيش بتخرجي من وراهم وحاليا اتجوزتي وعيشتي معايا يبقي تحترميني وتحترمي كلامي اقولك علي الحاجه دي لاء تبقي لاء هل انا هعمل حاجه ممكن تضرك ؟
ليلي بصت في عيونه : مستحيل تعمل حاجه تضرني وانا عرفه ان غلطانه ومش عرفه ابرر غلطي والله العظيم .
مصطفي بصلها : خرجتي من غير اذني ورغم ان قايل بلاش يا ليلي الموضوع دا ولبستي الدريس الضيق اللي تقريباً قولت عليه الف مره بلاش سبتي سلمي لوحدها ورغم ان منبه عليكي مليوون مره سلمي متخرجش غير معانا ومتروحش عند حد ايه عملتيه انا قولتلك اعمليه يا ليلي ليا حق ازعل ولا مزعلش ؟
ليلي بصت في الارض بندم : ليك حق تزعل وتاخد موقف كمان ” وبصت في عيونه ” نبدء صفحه جديده ومش هكسر كلامك ابداً وهتشوف
مصطفي بتنهيده : انا اتمني هعدي المره دي بمزاجي بس اقسم بالله العلي العظيم حلفان ربنا شاهد عليا فيه لو اتقررت تاني ما هعمل اعتبار لحاجه بينا علشان انا مش صغير معاكي يا ليلي مفهووم ؟
ليلي ابتسمت ومسكت ايده : مفهوم والله وصدقني مش هتتكرر ثق فيااا المرادي كماان
مصطفي قام علشان يغسل ايده : دا انااا واثق ثقه محدش ثقها في مراته قبل كداا ” وغسل ايده وملقاش فوطه ينشف ” يعني اكل ولبس شيك يدخل النــ,,ـــــار وحجات عسل ومفيش فووطه
ليلي ضحكت ودخلت جابت فوطه اديتها ليه : خد نشف علي ما اشيل الاكل من علي السفره
مصطفي شد اديها بالفوطه وحاوط وسطها : عملالي كوارع وتقوليلي هروح اشيل الاكل مش ضروري الاكل ركزي معايا اناا
ليلي حاوطت رقابته : اركز معاك اكتر من كدا هحفظ خطواتك بقاا
مصطفي اشتالها ببتسامه ببتسامه : احنا نطلع من الحمام ونكمل كلام بقااا ” ونزلها علي الشازلونج اللي في الصاله ” هاا كنا بنقول ايه بقا
ليلي ببتسامه : انا مقولتش انت اللي ديماً بتقول
مصطفي : وانا لسه قولت حاجه انا لسه هقوول ” ولسه بيقرب منها علشان يبوسها سلمي عيطتت ”
ليلي رجعت راسها بأسف : هتتفزع لو سبتهاا هي هتنام علطول متقلقش ” وجريت علي الاوضه تجيبهاا ” حبيب ماما مخضوض علشان انا مش جنبهاا ” واشتالتها وفضلت تطبطب عليها علشان تنام بس سلمي نامت كفايتهاا اخر ما زهقت طلعت بيها لمصطفي اللي قاعد في الصاله بيتفرج علي التلفزيون ”
مصطفي بصلها بغيظ : انا عاارف انه يووم مضروب من الاول
سلمي بنوم مدت اديهاا ليه علشان يشتالها : بابااا
مصطفي بصبر : ياا قلببهه ” واشتالها بحنيه وفضل يطبطب عليها وهي مبسوطه بكداا ”
ليلي بغيره : يعني اشمعنااا هياا يعني عندها حد يطبطب عليها وياخدهاا في حــ,,ـــــضنه وانا لاء
مصطفي برفع حاجب : ما انا كنت لسه هخدك بس ملكيش نصيب تعالي اركني علي كتفي تعالي
ليلي بضحك : انا عوزه انام جواا مبحبش النوم علي الشازلونج دا
مصطفي : طب قومي ننام جوا ” واخدها وهو شايل سلمي في حــ,,ـــــضنه ونامو كلهم جواا تحت التكييف ”
سلمي بنوم : اشررب
“ليلي فامت جابت مايه ومصطفي شرب سلمي ”
مصطفي : صوتك كله مليان نووم وعينك مبتناميش ليهه
سلمي دفــ,,ـــــنت نفسها في حــ,,ـــــضنه : كدهوو
” ليلي نايمه جنبهم هتولعع سلمي وخدها مكانها في حــ,,ـــــضن مصطفي ووخده حنيته كلها ووحده حبه ضحكت انها بتغير من بنتهاا ”
مصطفي بستغراب : بتضحكي علي ايه انتي كمان ؟
ليلي اتحركت نامت علي كتفه : بقول في نفسي سلمي وخده حــ,,ـــــضنك وحنيتك وحبك فضحكت ان غيرانه منها
مصطفي باس راسها واخدها في حــ,,ـــــضنه : لو انا بحبها ف انا بحبها علشان انتي امهاا ولو هي بنوتي الصغيره ف انتي بنوتي الكبيره ومراتي وحبيبتي يعني انتي اكتر منهاا شوفتي بقاا
ليلي رفعت نفسها وباست خده : وبنا يخليك لينا ومنحرمش منك ابدا
…………………………….
” في شقة غالب ”
” غالب نايم علي السرير وبسمله في حــ,,ـــــضنه فونه رن وكان سليم ”
غالب : بسمله اتحركي كدا يا حبيبي عاوز اقوم ارد
بسمله بنوم وهمس : لاء خليك اللي بيتصل هيفصل دلوقتي احنا نايمين
غالب بحنان : هرد وهاجي علطول مش هتأخر بس قومي كداا
” بسمله اتحركت في السرير وهو قام في البلكونه يرد وهي قامت ترضع عمر ”
غالب : حبيب قلبي ابو اماندا اللي وحشني
سليم ببتسامه : الغااالي اللي وحشني اكتر اخبارك ايه يا ابو عمر
غالب : الحمدالله يا حبيبي والله مبتجيش رغم انك في اجازه تعالي يعم زياره يوم نقضيه سواا
سليم : بيني وبينك انا جاي وطالب القرب منك مش عاوز اجي فجأه كداا واحط حد قدام امر واقع
غالب بستغراب : في حاجه ولا ايه اتكلم سامع
سليم : انا طالب ايد كنز اختك يا غالب ؟!
غالب لحظة صمت عديت عليه ولا عارف يرد ولا عارف ينطق واخيرا قال : انا عمري ما هلاقي ليها حد احسن منك والله يا سليم بس الكلمه كلمته في الاخر هي اللي هتعيش ولو هي موافقه يبقي شرف اناسبك يصحبي والله
سليم فرح اووي لانه متأكد من رأي كنز : حبيبي ربنا يخليك طيب كلمها كدا ورن بيا قولي اجي العيله تشوفني ونتعرف علي بعض كدا
غالب : بإذن الله بكرا هيوصلك رد ” وقفل معاه وفضل واقف شويه في البلكونه يفكر لحد ما بسمله قطعت تفكيره بإنها حطت اديها علي كتفه وقفت جنبه ”
بسمله : الموضوع مش محتاج تفكير سليم راجل يعتمد عليه هيحافظ عليها وهيحبهاا عرفه انك بتفكر دلوقتي انك لو وفقت بتظلــ,,ـــــمها غلشان كان متجوز قبل كدا وعنده بنت بس هو ملوش ذنب يا غالب في كدا هى شاف كنز وحبها ومش من دلوقتي دا من زمان اتكلم بكرا مع كنز وشوف ردهاا الاول
غالب بصلها : سليم صاحب عمرنا انا ومصطفي وقبل ما مراته تمــ,,ـــــوت كان بيعاملها بما يرضي الله وكان بيحترمها وبيحافظ عليها وميقولش عليها غير كل خير وانا متأكد ان كنز لو ضعيته من اديها هتبقي غلطانه بس علشان كان متجوز قبل كدا عمري ما اقدر اضغط عليها توافق او لاء هي حره
بسمله : انشاء الله خير يا حبيبي خليك هنا اعمل كوبايتين شاي واجي نفضل هنا شويه الجو حلو والناموس خف شويه اهوو
” غالب هز راسه وبسمله راحت تعمل الشاي ”
……………………………….
” في منزل عيلة الحبايبه ”
” جمال ومروه وسالم وانصاف وشهد واحلام قعدين قدام البيت قدام فرن القش وفرشين حصيره وبيخبزو وبياكلو قرص من اللي بيعملوها وجبنه وشاي والجو جميل والقعده كلها ضحك وهزار ”
احلام : خفي القش يا مروه الناس لما تزيد تقللي القش علشان اللي في الفرن ميتحــ,,ـــــرقش
مروه ببتسامه : حاضر ” وبصت لجمال ” جماال ايه رأيك وانا بتعلم اشتغل في الفرن القش ؟
جمال وهو بيعملها سندوتش : شطوره يا حبيبي اجدعني كدا واتعلمي كل حاجه عوزك ست بيت شطوره وكل حاجه بتعرفي تعمليها خدي كلي السندوتش دا
انصاف : ليلي اتعلمت تعد قدام الفرن القش دا وهي في تالته اعدادي ولوحدها كلناا كناا في الارض بنروي فكره يا احلام
احلام ببتسامه وهي بتخبز : فااكره وهي عوزه تعمل معمر وبتمووت فيه وهو في الفرن القش راحت حطت القش وفضلت تولع لحد ما ولعته وعملت المعمر وجابته وجت علي الارض
سالم : وكانووو شوية معمر ابويااا الله يرحمه كان يقولك اكل ليلي لا يعلي عليه
جمال : القهووه من ايد بسمله اختي بردوو ملهاش حل كل واحده في البنات هنا مميزه بحاجه
مروه بصتله : انا مميزه في ايه يا جمال ؟!
جمال غمزلها : بيني وبينك بقااا
سالم بصله : اتلم يلا وانت قاعدد وقوم هات شوية قش لمراتك القش اللي جنبها خلص
جمال : والله يباا انت بتعاملني علي ان جوز بنت من عيالك انا ابنك علي فكره
رشاا : براحه علي الواد يا سالم الاه
سالم :اسكتي يوليااا الرجاله مبتدلعش علشان لما ربنا يرزقه بحتة عيل يعرف يربيه صح
مروه : ماما احلام اطلع القرص من الفرن ازاي هتحــ,,ـــــرق
احلام : حطي القماشه علي ايدك وفي ثانيه تشدي الصاج وتمسكيه بالقماشه وتفضيه في الطبق الكبير يلااا
مروه عملت زي ما احلام قالت بالظبط : اوعااا عليا وعلي شطارتي هعمل قناه علي اليتويوب
شهد بضحك : ونسميها يوميات مروه والفرن القش
مروه بغيظ : الحقد بااان اهوو بقااا بسم الله عليا وعلي اللي حواليااا
رشاا : بتوع ليلي وبسمله فين يا احلام
احلام : في الكيس جنبي اهم جمال يروح يوديهم الصبح زمانهم نامو الوقتي بلاش نقلقهم
سالم : البت بنت تامر متعرفوش عملت ايه ؟
شهد : ااه ساره زميلتي اتجوزت من شهر ابوها مسافر السعوديه كمان اسبوع المهم اتصل بجوزها قاله تعالي انت وساره قضوو معانا اليوم قبل ما اسافر راح جوزه قاله ولا احنا نجيبك ولا انتو ليكم دعوه بينا
رشاا : يووه ازاي يعني ابوهاا ليه حق فيها دي اللي متجوزه محمد بتاع الهدوم
شهد : ايوا هوو الناس كلها بتقول عليه محترم وابن ناس يس اللي حصل دا بقاا قالولك دا برا ابن ناس وفي البيت همجي وشوارعي
احلام : طب وابوها سكت
سالم : سكتت ايه دل راح جابها بشنطة هدومها بعد ما الولا طلع برا البيت ولما رجع ملقاش البت جيه عند بيت ابوها بسكــ,,ـــــينه ونزل ضــ,,ـــــرب في اي حد يقابله
احلام : استغفر الله العظيم يارب الواد دا بيتعاطي حاجه ولا اييه
جمال جيه بالقش : لاء دا اخوه اللي بيتعاطي لكن الواد دا محترم جدا معرفش ايه اللي حصله وعمل كدا ومحبوس دلوقتي في المركز البت بلغت فيه
احلام : ربنا يسترها علي بناتنا ويهدي سرهم لازمتهاا ايه البهدله دي ما يسألو علي الواحد قبل ما يرمو بنتهم في النــ,,ـــــار
رشا : قومي يا شهد ودي الكوبيات دي المطبخ واغسليهم وحطي الجبنه في التلاجه يلااا
…………………………….
