” في شقة مصطفي ”
” بسمله بعتت وقالت ان الموضوع فشل وغالب زعلان ليلي قالت مش هتتكلم مع مصطقي خلاص في الحوار ودخلت علي الاوضه لقيته بيجهز هدومه ”
ليلي : مصطفي انت بتجهز هدومك لييه دلوقتي ؟
مصطفي شاور علي ودنه ان بيتكلم في السماعه : طيب تمام كدا حلوو العدد في الاول كان كتير جداا حاليا معقول …. ساعة زمن وهكون عندكم انشاء الله ” وقفل ” بتقولي اييه يا ليلوو
ليلي : بقولك بتجهز هدومك من دلوقتي لييه ؟
مصطفي مسك اديها : المؤتمر معاده اتغير ولازم اروح دلوقتي وهاجي بكرا بليل عوزك تخدي بالك من نفسك ومن سلمي لو الجرس رن متنزليش تشوفي مين وانا مش هتأخر عوزاني اخدك اوديكس عند ابويا تباتي هناك مفيش مشكله
ليلي بضيق : يعني هنام من غيرك النهارده انا مش هروح مكان هفضل في الشقه هنا لحد ما ترجع
مصطفي اخد الفون من سلمي اللي مسكت فيه اووي : عاوز فييه شااحن مش عوزه يخلص هاتي فونك يا ليلي اديهولها
” ليلي اديته الفون فضلت تجهز الشنطه مع مصطفي وقالت في نفسها احسن وقت لما مصطفي يمشي انزل اروح القرص وهو ولا هيعرف ولا هيحس
الفصل الخامس 5
” مصطفي جهز نفسه ومشي علي المؤتمر بتاعه وليلي ودعته ودخلت علي البيت كلمت احلام ”
احلام : نور عيني اللي وحشتني ؟
ليلي : حبيبة قلبي يا احلام انا كدا كدا هعدي سلمي عليكي ورايا مشوار هخلصه وهاجي اخدها ؟
احلام : ماشي يا عيوني هاتيها وهاتي هدوم بيها وسبيها زي ما انتي عوزه
ليلي : ماشي يا ماما هقفل البس والبسها واجيبها واجي ” وقفلت ودخلت لبست دريس اسود مجسم وصندل ارزق وطرحه زرقا وجهزت حجات سلمي وقفلت البيت ونزلت وقفت توكتوك وراحت علي بيت اهلها ورنت علي بسمله ”
بسمله وهي بتاكل : الوو ايه يا لولو ؟
ليلي : بسبوسه يلا انا رايحه عند احلام هسيب سلمي هناك علي ما نيجي يلا جهزه ؟
بسمله : انا لبست واكلت عمر ومستنياكي ترني اول ما توصلي عند البيت رني بياا ابوكي خالد هيوصلناا
ليلي بفزع : يخربك يا بسمله بابا خالد عرف احنا ريحين فيين يخرااابي هيقول لمصطفي والله مصطفي يمــ,,ـــــوتني فيهااا ؟
بسمله : اهدي اهدي انتي خايفه كدا ليه بابا خالد مسألش ريحين المنصوره ليه انا قولت هنجيب شوية حجات انا وليلي بس مصطفي وغالب عندهم شغل ومش هيعرفو يجو معانا بس كدا
ليلي براحه : الحمدالله اوعي يا بسمله تقولي لحد انا خلاص داخله علي البيت اهو هسيب سلمي ليهم وهاجي في نفس التوكتوك يلا ” وبصت لسواق التوكتوك ” معلش لو سمحت استناني دقيقه بس
سواق التوكتوك : طيب يا مدام
” ليلي دخلت بسرعه علي جواا واحلام اخدت سلمي منها ”
احلام : بتجري لييه يا بت استني تعالي عوزاكي ؟
ليلي بسرعه : لما ارجع يا احلام الشنطه دي فيها كل حجات سلمي خدي بالك منها مش هتأخر ” وطلعت علي التوكتوك ركبت ومشيت ”
احلام بصت عليهاا : ياتري بتعملي مصيبة اييه يا ليلي “و دخلت علي جواا ”
………………………….
” في اكبر اسطبل خيول في المنصوره كلن موجود مصطفي بيفحص الخيول وبيشوف فيهم ايه وبيتعامل معاهم بكل حنيه وحب ”
انور ودا شريك في الاسطبل : دكتور مصطفي ازاي بتقدر تفهم الحصان عاوز ايه ؟
مصطفي ببتسامه : الفرس بطبعه حساس بيفهم الشخص اللي قدامه عاوز منه ايه وهو بيتعامل علي اساس كدا لو حس منك بأمان هيسيب نفسه ليك لكن لو لقيته اداك ضهره زي الفرس اللي هناك انت لازم تبعد عنه لان هيضــ,,ـــــربك برجله وماا ادراك من ضــ,,ـــــربة الفرس بقاا
انور ببتسامه : انا استغربت لما لقيت اغلب الفرس بيتعامل معاك عادي كأنك مش غريب عنه ولا حاجه ودي حاجه في حد ذاتها مبتحصلش
مصطفي قلع الجيلفز من ايده وقال بتنهيده : انا اخدت بالي ان في احصنه محبوسه مع بعض دا اكبر غلط ليه محبوسين سواا ؟
انور وهو ماشي جنبه : رشيد ومهره دول اتربو سواا ومع بعض واتعدو يفضلو سواا اكتر من مره بعدناهم عن بعض بس النتيجه كانت ان رشيد عمل دوشه كبيره وبدء يكسر في كل حاجه ومهره تعبت ودا خلانا رجعناهم لبعض تاني ؟
” مصطفي فتح باب الاسطبل ودخل وبدء يتكلم معاهم وحسسهم بأمان وبدء يأكلهم من البرسيم وفحصهم وكانو بخير وخرج من عندهم ”
مصطفي : كل حاجه موجوده بصراحه انا مبهور بيها
انور ببتسامه : دا شرف كبير ليناا يا دكتور مصطفي تعالي اتفضل ارتاح لحد ما الدكاتره اللي هياخدو كورس منك يجو هبلغ حضرتك
مصطفي فك زراير اكمام القميص بتاعه ورفعهم : الحمام بس اتوضي لصلاة الظهر الاول وبعد كدا حابب اجرب سباق الفرس بنفسي دي حاجه بحبهاا
انور : الاسطبل تحت امرك يا دكتور والحمام فوق موجود في اوضة ضيافة حضرتك اول اوضة في الدور التاني
” طلع مصطفي علي الدور وفتح الباب وكانت اوضة كبيره مترتبه ونضيفة جداا والبلكونه مطله علي بحيرة كبيره في قلب المزرعه والخضره والرزع والاحصنه منظر ولا في الاحلام دخل مصطفي اتوضي وصلي الظهر وحط فونه علي الشاحن شويه ورن بليلي ”
مصطفي : الووو … حبيبتي
ليلي بتوتر لأنها ركبه مع خالد وبسمله : احم ايواا ايوا يا مصطفي وصلت يا حبيبي ؟
مصطفي استغرب نبرة صوتها : انتي براا البيت ولا ايه ؟
ليلي بصوت واطي : لاء انا قعده جنب سلمي بنيها علشان كدا صوتي واطي
مصطفي : اممم طيب انا وصلت من ساعه المهم اطلعي برا الاوضه لأن عاوز اكلمك فديوا ؟
ليلي بصدمه وتوتر : لاء اصل انا لسه واخده شور ولسه هلبس هدومي …. عريااانه اناا ؟
مصطفي بستغراب : طيب وفين المشكله وبعدين نايمه تحت التكيف عريانه هتتعبي اطلعي علشان هفتح فديوا انجزي؟
ليلي بتوتر : يا مصطفي هلبس وهكلمك يا حبيبي حاضر ؟
مصطفي لسه هيتكلم انور نادي عليه من تحت طلع بصله من البلكونه : في حاجه يا استاذ انور ؟
انور : ابدا يا دكتور تقريباً البنات كلهم وصلو اتنين بس اللي متأخرين وهما علي وصول ؟
مصطفي : طيب تمام نازل دلوقتي ” ودخل علي جوا ” ليلي هقفل دلوقتي وشويه وهرنلك يلا سلاام “وقفل ” يا تري يا ليلي عملة مصيبة اييه مش مرتاح ليكي ” واخد مفتاح عربيته ومحفظته وتلفونه ونزل علي تحت ”
” عند ليلي ”
ليلي بهمس لبسمله : حسه ان عملت مصيبه بخروجي من وراه ؟
بسمله : وللمره التانيه اوعي تنسي انا قولتلك عرفيه ولو وافق نروح انتي قولتي مش هيعرف بس هو اكيد حاسس والا مكنش قالك افتحي كاميرا ؟
ليلي بخوف : بابا احنا لسه قدامنا كتير … بعدناا عن البلد يعني ؟
خالد : احنا في المنصوره اهو يا ليلي خلاص وصلنا يا حبيبتي
ليلي غمضت عنيها : يختااااااي هنكمل واللي ربنا كتبه هنشوفه انا مرعوووبه وكل حاجه جوايااا بتقولي ارجعي البيت يا ليلي
بسمله بهمس : اسكتي علشان ابوكي خالد واخد باله
ليلي بصت ليه لقيته مركز معاهم وحاسس ان فيه حاجه وقال : في حاجه يا بنات ولا اييه ؟
ليلي ببتسامه : ابدا يا بابا مفيش حاجه كمل طريقك ” غمضت عيونها ودعت ربها ان يعدي اليوم علي خير ”
خالد : واخيرااا وصلناا اوديكم لحد هنا ولا فين تاني انا معاكم اللي انتو عوزينه قولو ؟
ليلي : لاء يا بابا لحد هنا وتسلملي يا حبيبي اصلا المحل مش بعيد هو قريب من هنااا
خالد : طيب يا حبايب خلصوو ورنو بيااا ارجع اخدكم ؟
بسمله نزلت : ماشي يا بابا مع الف سلامه انت ” وخالد مشي وليلي وبسمله دخلو علي الاسطبل اللي اتبهرو بجماله وروعة شكله ”
ليلي بصدمه : دي تحفهه فنيه مش اسطبل خيوول ابدااا
بسمله : المكان رهيبب فعلااا بس بصي علي كمية البنات اللي هناك دول كداا ؟
ليلي بصت وكان بنات كتير جدا ونصهم لبسهم عرياان فتحت بوقها بصدمه : نهاار ابيض البنات دول عريانين كداا ليه ؟
بسمله : مش بنات المنصوره بقااا ؟
ليلي بغرور : لعلمك بقاا احنا اجمل منهم في الشكل وفي البس ؟
بسمله مسكت اديها : طب يلااا علشان نشوفلناا مكان نعد فيه لما نشوف من الدكتور الكبير العظيم اللي جي يشرح ليناا
ليلي : والله ابدا ما انا متحركه من هناا غير لما اتصور صورة حلوه كدا
بسمله طلعت فونها : اقفي يا اخرة صبري غلشان اصورك ؟
ليلي : يا عيني علي كاميرا فون جوزي حبيب قلبي اللي لو عرف انا فين هكون في الصفحه الاولي في قايمة المتوــ,,ـــــفياات لو مــ,,ـــــوت يا بسمله خدي بالك من سلمي
بسمله ضحكت عليها : قولتلك خليكي مسيطره انتي اللي مش عرفه يا خيبهه ؟
ليلي : اسيطر علي جوزي ازااي يعني ازااااي الراجل راجل والست ست لكن اسيطر علي جوزي اللي بحبه وازعله مني ابدااا ” ووقفت بوضعيه حلوه ومحترمه واتصورت ”
بسمله : يلااااا يابنتي اخلصي خليناا ندخل بطلي مرقعه بلا صور بلا بتااع ؟
” ليلي مشيت وجنبها بسمله ومشيوو علي جوا كان كمية بنات رهيبه وضحك ومرقعه راحت ليلي وبسمله قعدو جنب بعض مستغربين من مرقعه البنات دي ”
انور دخل عليهم : هدووء يا انسات انا استاذ انور شريك في المزرعه حاليا الدكتور المتخصص في المجال هيدخل وهيفهمكم كلكم التعامل مع الخيل والحيوانات عموما اتشرفنا بوجودكم النهارده السلام عليكم ” و خرج ومصطفي قابله في الطرقه ودخل علي البنات من غير ما يبص لحد فيهم ”
مصطفي : السلام عليكم ازيكم يا دكاتره انا دكتور مصطفي الجبراني دكتور بيطري ومتخصص في ترويض وعلاج الفرس
” اكتر من صدمه بتنزل علي ليلي كفيله توقف قلبهاا حطت وشها في الارض ومبقتش عرفه ترفع راسها اصلا من شدة الخوف وشدت بسمله المبحلقه في مصطفي ”
ليلي بهمس : هو ولا انا بتخيل ؟
بسمله : هو بشحمه ولحمه ودبلتك منوره في ايده بتلعلع كداا
ليلي غمضت عيونها بألم : متقلقيش الدبله مش هتلعلع كتيرر دا لو طلقني وانا سليمه يبقي عملي اكرااام … بطني وجعتني من الصدمه يا بسمله
بسمله مسحت وشها : شوفي من تحت الرجلين واطلعي علي برا براحه وبهدوء يلااا
ليلي : مش قادره اتحرك يا بسمله ؟
مصطفي بستغراب : دكاتره يعني لو سمحتو مش عاوز الصوت الجانبي دا لانه بيعصبني ” وبص بعيد شويه ” البنتين اللي راسهم في الارض دول معلش ارفعو راسكم ليا يا دكاتره
” بسمله وليلي رفعو راسهم وكانت الصدمه كبيره علي مصطفي ليلي مراته موجوده طيب ازاي مش دا المورس اللي قالها عليه لاء لتاني مره بتكسر كلمته سكت ومتكلمش ولا نطق ”
مصطفي بجمود : تمام نقول بسم الله ونبدء الكورس بتاعنا عاوز الكل مركز وكل اللي عنده سؤال يقوله علطول ” وبدء مصطفي يندمج في الكورس ويكتب والبنات كلهم يكتبو وراه بكل سعاده بشرحه حتي ليلي كانت فخوره جدا بجوزها وبمركزه ”
” لحد اخر الحصه ”
مصطفي ببتسامه : يلا مع الف سلامه يا بنات اي اسأله تاني ؟
البنت اللي جنب ليلي علطول : دكتور مصطفي هو حضرتك خاطب ولا متجوز لأن في ايد حضرتك دبله ؟
مصطفي ببتسامه : متجوز وعندي سلمي عندها سنتين ؟
ليلي بغيره قالت للبت بهمس : هو حضرتك هتفرق معاكي في ايه لو متجوز ولا خاطب ؟
البنت ببتسامه ومكر : افهم منك انك مش معجبه بيه دا البنات كلها هتمــ,,ـــــوت عليه كفايه ادبه وبعدين حساكي غيرانه ليكون بتحبيه في السرر ؟
ليلي بغيره ابتسم وقامت وقفت ومشيت لحد ما وصلت عند مصطفي مسكت ايده : لاء يا حبيبتي مش محتاجه احبه في السر علشانه هو جوزي عرفتي غيرانه عليه ليه بقاا ؟
” البنات كلها حرفيا بقت تحسدها عيني عينك كدا وكل واحده اتمنت لو هي مكانها والحصه انتهت والبنات مشيو ومصطفي جواه نــ,,ـــــار وغضب لو طلعو هيحــ,,ـــــرق الكل لكن من صفاته الصبر ”
انور استغرب البنت اللي واقفه جنبه دي مين : السلام عليكم ايه يا دكتور من معارفك ولا ايه ؟
مصطفي ببتسامه : المدام ؟
انور ببتسامه : يا اهلا وسهلا المزرعه نورت والله العظيم طب اتفضلو جواا
مصطفي مسك ايد ليلي: لاء المكان هنا تحفه حابب اتكلم انا والمدام بس في حوار هنتكلم فيه كدا وهاجي ” وشد ليلي مشي بيها في مكان بعيد عن الصوت ”
ليلي : اهدي اهدي ؟
مصطفي حط ايده في جيبه بهدوء : سلمي فين يا ام سلمي ؟
ليلي : عند ماما احلام ؟
مصطفي بهدوء : طيب كويس علشان منلفش كتير بردوو …. الكورس دا انا قولت عليه ايه يا ليلي ؟
ليلي : قولتلي لاء ؟
مصطفي : وانتي عملتي ايه قولتي هو مال ميتين اهله ما انا اقرطسه واخرج من وراه ولا كأن الراجل اللي انا متجوزاه دا ليه كلمه عليااا
” ليلي بصت للأرض لان مفيش عندها كلام ولا تبرير لعملتها ففضلت السكوت ”
مصطفي اتنهد تنهيده كبيره : الموقف اتعاد مره وهيتعاد تاني وتالت والف لأنك مستهتره في كلمتي ومستهتره فياا انا شخصيااا ف ملوش لازمه الكلام بقاا يلا علشان اروحكم وياتري غالب عارف ان مراته جايا هنا ولا زي حالتي كدا
ليلي دموعها بدأت تنزل : لاء عارف ؟
مصطفي : علشان مراته بتحترمه وعماله ليه مليوون حساب ولو كان قالها لاء يا بسمله مفيش خروج الكلمع مكنتش هتتعاد لكن انا مراتي مش معتبراني حاجه في حياتها اصلا يلا يا ليلي
ليلي مسكت ايده بتوسل : اسفه حقك علياا والله انا عرفه ان غلط بس كنت عوزه اخد الكورس دا مهم بنسبالي يا مصطفي
مصطفي بهدوء : يلاا يا ليلي خليني اروحك ورايا شغل مش فاضي مش هلاحق اشوفك بتروحي فين ومش هلاحق علي الشغل لوحدي والله مش هقدر علي كل دا ” ومشي قال لأنور انه هيخرج ساعتين وراجع وفعلا مشي وليلي ركبت جنبه وبسمله ورا ومفيش ولا صوت في العربيه لدرجة ان ليلي حست انها بتتخنق بسبب الصمت دا مش عرفه مصطفي هيتصرف معاها ازاي واكتر من سينــ,,ـــــاريو بيترتب قي دماغها لحد ما وصل بسمله علي بيتهم ومشي علي بيت اهل ليلي ”
ركن العربيه ونزل وبصلها : انزلي مستنيه اييه ؟
ليلي بصتله : انت جايبني هناا ليه انا عوزه اروح بيتناا
مصطفي : وبنتك نسياها ؟ ولا ناويه تسبيها عند الناس شويه كمان
” ليلي دخلت معاه عند اهلها وقابلته شهد اللي شايله سلمي اللي ميته من العياط اخدها مصطفي علطول وبص لليلي بعتاب وغضب ”
شهد : من ساعة ما مشيتي وهي بتعيط عوزه ماما شويه وعوزه بابا شويه
مصطفي : اعمل ايه بس في ليلي اليومين دول ناويه تحكم الدوله ووراها مهام اهم من بنتها معلش يا شهد تعبناكي
شهد حست ان بينهم حاجه قالت : لاء عادي نا هي بنت اختي ان مكنتش هي تتعبني مين هيتعبني يعني
احلام من المطبخ : يا بت يا شهد اقفلي الباب الدبان بيدخل ” وطلعت بصت ليهم ” حبايب قلبي ادخلوو وقفين برا ليه
مصطفي : معلش يا ام اسراء هنمشي احنا علشان ورايا شغل نيجي وقت تاني
احلام : كل مرة بتقول كده ومبتجيش
مصطفي : هنيجي والله نقعد معاكم شوية ضغط الشغل بتاع اليومين دول بس يخلص وهاجي يلا مع السلامه
” مشي وليلي مشيت وراه واحلام عرفه ومتأكده ان ليلي عملت حاجه ضايقت مصطفي ”
احلام بتنهيده : ربنا يهديهم لبعض ؟
شهد : حسه ان الاجواء بينهم مش تمام يا احلام في حاجه غلط ؟
احلام بتنهيده : وانا قلبي عمره ما خيب ظني واكيد في بينهم حاجه ربنا يعديها علي خير ادخلي صحي امك وابوكي يلاا
شهد بضحك : لاااء ابويا مشرط عليااا معديش من قدام الشقه حتي
احلام ضحكت : طيب تعالي ادخلي سعديني في غسيل المواعين علي ما مروه تنزل انا عرفه بتغسل ايه كل دا يختي مكنوش شويه هدوم
شهد : غسالة مروه بتشل علي ما بتخلص وجمال فوف صح
احلام : ايوا طلع من شويه ينام الحر بهدله النهارده
شهد : الجوو مووت والله يمااا احلام الواحد نفسه يصيف اووي
احلام : اغسلي يا بت وبطلي مرقعه يلااا
………………………
” في شقة جمال ”
مروه : يا حبيبي هاخد الملايه بس وناام براحتك عوزه اغسلهااا ؟
جمال بإرهااق : ياستي انشالله عنها ما اتغسلت هتسبيني انام ولا انزل انام تحت في ام اليوم دا
مروه : يا جمال الملايه مش نضيفه عوزه اغسلهاا هشيلها وكمل نوم براحتك فيهاا ايه دي يا ناااس
مروه اخدت الملايه بغيظ وطلعت وقفلت الباب : نااام نوم الظالم عباده يا اخيي ” وراحت حطيتها في الغساله تتغسل واخدت الدور اللي في النشاف تنشره بعد ما لبست الاسدال بدأت تنشر الهدوم بترتيب وبنظام “
الفصل الساس 6
” في شقة مصطفي ”
” دخلت ليلي وهي شايله سلمي ومصطفي ركن العربيه و قفل البوابه وطلع علي الشقه قفل الباب وقلع التيشيرت بتاعه ودخل علي اوضة النوم ”
مصطفي : قومي طلعيلي هدووم انجزي ؟
ليلي بصتله : هدوم خروج ولا هتفضل في البيت
مصطفي : خروج يا مدام ليلي
ليلي فتحت الدولاب وطلعتله طقم خروج ولبس داخلي : كدا كويس ولا ايه ؟
” مصطفي شدهم من اديها ودخل علي الحمام يستحمي من غير ولا كلمه ليهاا ”
ليلي بهدوء : تيجي علي قد كداا ياارب اقف معايا انا مش حمل ابن الجبراني ” وغيرت لسلمي وخليتها زي القمر ونيمتها وغيرت هدومها وراحت علي المطبخ تجهز اكل ”
” مصطفي طلع ولبس بنطالون اسود فقط ومسك الحزام في ايده وطلع ليها المطبخ وبيلبس الحزام ”
ليلي بصتله والحزام في ايده :احمم اناا جهزت الاكل تاكل ولا شويه كدا ؟
مصطفي : مش جعان حاليا افضيلي عوزك ؟!
ليلي بصتله : سمعاك اتكلم عرفه ان غلطت بس والله الكورس دا كان مهم بنسبه لياا اوي انا عرفه ان غلطت لما كسرت كلمتك بس اخر مره ومش هتتكرر والله
” مصطفي بجمود شدها من وسطها وباسها بكل عنــ,,ـــــف ودي الطريقه اللي بتجنن ليلي وبتخليها تضايق ”
ليلي بضيق : مصطفي ابعد بلاااش كداا عاقبني بأي حاجه الا كداا
مصطفي بعضب : كل حاجه بضايقني انتي بتعمليها كل حاجه انا بتعصب منهاا انتي عملتيها اراعي شعورك ازاي وانتي اصلا مش مراعيه ان جوزك !؟
ليلي بضيق : وانا معترفه بغلطي بس مش عوزه الطريقه دي بذات انت عارف ان مش بستحمل كدا بلاش تعاقبني بكداا انا مراتك اللي بتحبك واللي مستعده تكون ليك زي ما انت عاوز بس مش في وقت انت زعلان مني فيه علشان هكون عرفه ان دا عقاب بيناا ارجووك بلاش ؟!
” مصطفي بعد عنها ودخل علي الاوضه كمل لبسه ليلي دخلت وراه ودموعها بتهددها بنزول ”
ليلي بخنقه : علي فكره مش هستحمل تخاصمني او تزعل مني والله العظيم مش هقدر صدقني ” وعيطت ”
” مصطفي مبصلهاش بس مغمض عينه مش عاوز يضعف قدامها لانه المره الاولي ضعف والغلطه اتكررت تاني ”
مصطفي بجمود وهو بيرش برفانه : لاء استحملي انتي مش بتزعلي فيااا انتي كل مره بتقوليلي انت ملكش كلمه علياا وانا هعرفك ليا ولا مليش ” وخرج برا الاوضه وبرا البيت كله ودور عربيته ومشي والندم علي معاملته ليها بياكل في قلبه ” لازم تتربي وتعرف غلطهاا
ليلي اتفتحت في العياط : طيب انا عرفه ان غلطت بس انا كنت مفكره ان هيتفهم ان الكورس دا كان مهم عندي اووي مكنتش اعرف انه هيزعل كداا ” وفونها رن وكانت بسمله مسحت وشهاا وردت ”
بسمله بقلق : انتي لسه عايشه فيكي الروووح اطلبي 122 بوليس النجده ؟
ليلي ضحكت رغم عياطها : بوليس نجدة ايه يا هبله انتي هو مصطفي هيمــ,,ـــــوتني يعني هو زعلان شويه بس هيفك وهيبقي تمام انا عرفه
بسمله : امال صوتك معيط لييه ضــ,,ـــــربك ؟!
