الفصل الثالث 3
” مصطفي غاب من الشغل وقرر ياخد ليلي وسلمي ويروحو زياره لبيت العيله واتصلو عرفوهم وجهزو نفسهم وراحو ”
” في منزل عيلة الجبراني ”
” ريحة الفراخ المشويه اللي غالب بيشويها جوا البيت ملهااش وصف ولا حتي تعبير الريحه قلبه البيت والحاره كلها ”
بسمله جابت طبق فيه بصل وطماطم : غاالب هد حط دوول في قلب الشويه من جواا علشان يخدوو طعم الفحم
غالب بغمزه : هااتي يا قشطهه ” واخدهم منها وحطهم في الفحم ”
ومصطفي دخل علي البيت وعلي ايده سلمي : السلااام عليكم وعلي ريحتكممم ايهاا القووم
غالب ضحك وبصله : مفيش واحد يوحد ربنا في القووم طايقك ؟
غالي من غير ما يبص ليه : هو اتنقل بيته وخلاص هيجي ليه هنا ولا كأن ليه اهل ولا حاجه ؟
مصطفي راح باس دماغه : دا الجبراني الكبير ذات نفسه شاايل مني في قلبه وزعلاان لالا مقدرش علي كدااا
غالي حــ,,ـــــضنه : وحشتني يابن الكلب كدا ولا تسأل ولا تطل علينااا
” مصطفي سلم عليهم كلهم وسلم علي امه كتير اووي واكتشف انهم كانو وحشينه اووي وحس ان كان بعيد هو ومراته اللي عماله تتكلم مع الكل بسعاده ”
اميمه : كدا يا نن عيني ولا تيجي ولا تشوفنااا اخص عليك
مصطفي : والله العظيم يمااا باجي من الشغل مببقاش شايف قدامي باجي انام ولا بحس بحاجه في الدنياا
غالب اللي شايل سلمي بيلعبها وهي بتضحك : واااد يا ديشااا البت دي طالعه حلوه اووي كدا لمين
مصطفي : طلعالك اكييد امال هتطلع لياا يعني لاسمح الله ؟
” ليلي عماله تنش الناموس عن رجلها بديل العبايه اللي كل شويه تترفع ورجلها تبان مصطفي بصلها بنظره خليتها غطت رجلها وقعدت ساكته ”
فاطمه : الناااموس والكهربااا هرينااا الواحد من كتر الحر مش قادر ياهد نفسه
مصطفي : الناموس هنا كتير فعلاا
خالد : بنولع بليل نــ,,ـــــار علشان نعرف نعد من الناموس حااجه صعبهه
كنز وقفت : ليلي انتي وبسملهه تعالو عوزاكمم
” قامت ليلي وبسمله راحوو معاها وقعدوو في المندره ”
ليلي : مااالك يابت فيي ايه ؟
كنز بتوتر : الصبح في رقم رن بياا ولما رديت مانت اماندا بنت سليم وطلبت تشوفني وانا قولتلها هقابلك في مول الصفااا
بسمله : سلييم يااااه والله وحشتني ايااامه واكيد مدام هتشوفي اماندا يبقي هتشوفي ابوو اماندا
ليلي بصلتها : كنز انتي مش موافقه بسليم لييه يعني مثلا معقول مش حسه بأي مشاعر من نحيته خالص راحل شيك مثقف متعلم هيعيشك ملكه متوجه عوزه ايه تاني ؟
بسمله : عوزه واحد من البلد الله اعلم اهله عملين ايه تصحي من 7 الصبح تنضفي وتكنسي وتغسلي وتتبهدلي متخلكيش خايبه ؟
كنز : يا جماااعه هو كان متجوز اتجوز واحد كان متجوز قبل كدا لييه ؟
ليلي : وايه يعني لما يكون كان متجوز دا اللي هيكون فاهمك وهيقدرك وهيشيلك علي كفوف الراحه صفوان جوز اسراء بيشتغل معاه في السعوديه وربنا فتحها عليه من واسعه بطلي غباء
بسمله بغمزه : والاهم من دااا كله هيكون خبررره وفاهم الدنيااا كلهااا والله انا لو منك عمري ما افوته من ايدي.
كنز اقتنعت بكلامهم فعلا هو كان متجوز بس خلاص هي اللي هتبقي في حياته مفيش حد هيشاركه فيه هتعيش حياتها براحتها وهتعيش مرتاحه ودا اللي هي عوزاه وقررت انه لو اتكلم في موضوع الجواز هتوافق ”
انصاف دخلت عليهم المندره : قوومي يابنتي انتي وهي سعدونا في في حااجه
بسمله : طب انا جوزي بيشوي الفراخ وانتي عملتي السلطه والرز والطحينه احنا هنعمل اييه يوليه
انصاف : لسااانك اطول من لساان جوزك
ليلي بضحك : من عااشر القوم ياا خالتي انصاااف
انصاف بضحك : طب يلا تعالو الطبليه اتحطت والكل اتحط يلا قوومو
” ليلي راحت قعدت جنب مصطفي وبسمله حنب جوزها والعيله اكتملت تاني بوجود مصطفي وليلي ضحك وهزار هو بس اللي مسيطر علي اليوم ومصطفي قرر يبات الليله معاهم في شقته ”
” بعد ادان المغرب الكهربااا قطعت والعيله كلها طلعت تعد قدام البيت علي حصيره ”
سلمي الناموس عمال يقرصها ودراعها بقا عباره عن نقط حمرا راحت عند مصطفي : بابا شووف الجاموس بياكولني من ايدي
” الكل ضحك علي كلامهاا بما فيهم مصطفي ”
مصطفي باس دراعها : الف سلامه عليكي يا عيون بابا تعالي في حــ,,ـــــضني علشان مش ياكلك
غالي : قووم خد مراتك وريها اسطبل الخيل الجديد اللي وراا
مصطفي : ايوااا صح دا انا ناسي الحوار خاالص ليلي تعالي معاايا ” واخد لمبه بجاز في ايده وراح علي اسطبل الخيل وليلي معاها ”
ليلي اول ما شافت الخيل انبهرت بالجمال : واووو ايه الروعهه دي شاايف الحصان الاسود داا جم امتي دورل
مصطفي ببتسامه : دول يا ستي جم ليلة امبارح تعالي افرجك عليهم
ليلي شدة ايده : لاء اخاف ممكن اتعور منهم انا اصلا بخاف من الخيل
مصطفي مسكها من وسطها : لازم تحبي الخيل وترتاحي ليه علشان يحبك ويرتاحلك طول ما هو حاسس بخوفك منه هيستغل النقطه دي تعالي متخافيش
” دخل بيها علي الاسطبل وبدء مصطفي يخلي الحصان يطمن ليه ويعرفه انه جاي يلعب معاه مش هيأذيه وليلي خوفهاا راح وحبت الاحصنه اووي ”
ليلي : منظرهم تحفههه يا مصطفي ايه الجمال دا بجد
” غالب جيه هو وبسمله وفضلو يلعبو مع الخيل ”
غالب حاوط بسمله بينه هو والشجره : هو الحلوو محلوو النهارده لييه كدا
بسمله : اتلم يا غالب مصطفي وليلي هنااا
غالب : ما اللي هنا هنااا دا تلاقي مصطفي عايش هو وليلي دلوقتي
بسمله بكسوف : اتلمم يا غالب وبطل قلة ادب انا قولتلك اهوو
غالب بغمزه : يعني هو يعيش وانا لاء ؟
بسمله : عاوز اييه يعني ؟
غالب : بوووسه
بسمله : لما نطلع الشقه هبوسك ؟
غالب : تلاته بالله العظيم ابدا هاخد البوسه هنا يعني هنااا
مصطفي من ورااه : احمم اتلممم يابن الجزمه احنا في الشاررع
” ليلي وبسمله بيتمنو الارض تنشق وتبلعهم في الوقت دا ”
غالب بغيظ : يبااااي انت ورايااا دُنيا واخره ياا جدع مش كدااا
مصطفي : ما تهدي علي نفسكك يبااا ما دلوقتي تروح
غالب : بووسة الشارع دي محدش عارف قيمتهاا اسكتت
” ليلي عملت نفسها مشغوله بتعدل دبلة جوازها من كتر الكسوف والاحراج ”
بسمله : يلاااا يا ليلي علشان لو وقفت ثانيه كمان هروح فيهااا ” ومسكت ايد ليلي وراحو علي البيت ووراهم غالب ومصطفي راحو ولعو شيشه وفضلو بشربوو كل دا والكهرباا لسه قاطعه والبلد كلها صاحيه ”
غالي قام وقف : وقتكم معايا كدا انتهي الساعه دخله علي 10 والكهربا لسه قطعه بس الواحد مبقاش قادر يفتح يلا تصبحو علي خير
مصطفي : وانت من اهله يا حج ” وفعلا كل واخد اخد مراته وطلع علي شقته بما فيهم مصطفي وليلي ”
” في شقة مصطفي القديمه ”
” الكهربا لسه قطعه والجو حر موووت في شقة مصطفي القديمه وهو نايم بكل راحه هو وسلمي وليلي ولا قادره تنام من الحر ولا من الناموس ”
ليلي بغيظ : ودا نايم ولا حاسس بأي حاجه سعااات بتمني ان ارزعه بالقلم علي برووده دا بس بخاف بعدها ملحقش اربي بنتي الجوو صهددد نايمم ازاي مصطفييييي
مصطفي فتح عينه بنوم : عايزه ايه علي المساا يا ليلي
ليلي بغيظ : الكهرباا قطعه والجوو حرر والناموس بيقرصني وانت نايم ولا همك حر ولا غيره وانا شويه وهقطع نفسي من الحررر
مصطفي : اعمل اييه دلوقتي ما انا حران زيي زيك بس ساكت علشان مفيش حاجه اعملها الكهرباا قطعه في البلد كلها ولو طلعتي البلكونه الناموس هياكلك نامي نامي
ليلي بضيق : يا مصطفي مش عرفهه اناام يعني من يوم ما نقلنا البيت الجديد وانا عماله اقولك تعالي نروح نبات هناك يوم تقوم جاي في اليوم الزفت دا وتقول حااضر
سلمي صحيت بضيق من الحر : مامااا الرضعه فيين ؟
ليلي بغيظ اكتر : قاابل بقااا ” واشتالت سلمي ”
مصطفي فتح كشاف فونه : قوومي تعالي شوفي الرضعه دي بتتعمل ازاي
ليلي : الكهرباا قطعه والبوتجاز بالكهرباا هنولعه ازايي
مصطفي مسح وشه بضيق : استغفر الله العلي العظيم واتوب اليه … هنولع بميتين ام الولاعه قوومي
” ليلي قامت وراحت معاه وهي شايله سلمي وبدأت تعنل الرضعه لسلمي ومصطفي شايل سلمي وسمعو صوت عمر بيعيط ”
ليلي : والله الواد دا صعبان عليا عايش في جهنم هنا ازااي والناموس حاجه رهيبه
مصطفي وهو بيتاوب : علشان الاراضي الزراعيه محاوطه البيت المهم انجزي عاوز اناام
ليلي جابت الرضعه ومشيت : تنام فيين انت هتفضل صاحي لحد ما الكهرباا تيجي
سلمي بضيق وهي بتهرش في دراعها : بابا الجاموس بيقرص ايدي ؟
مصطفي بضحك : جاموس قليل الادب بيقرص بنتي الحلوه
ليلي : قوليلو والنبي اصل مش مصدقنييي
مصطفي قلع التيشيرت اللي كان لابسه : لاء دي حقيقه مفيش حاجه تطاق هناا
ليلي : البس حاجه الناموس هيتفطر بيك دلوقتي
سلمي مدت اديها لليلي وهي بترضع : ارهشي ” اهرشي”
ليلي بصت علي اديها الحمرا : نهااار ابيض مصطفي شوف منظر ايد سلمي
مصطفي اخد سلمي ودخل الحمام غسل اديها وطلع : عقلي بيقولي قوم روح علي البيت الحياه هنا صعبههه بجد
” فضلو قعدين كدا لحد الساعه 6 الصبح لحد ما الكهربا جت ”
مصطفي بعدم تصديق : بيتهيئ لياا صح اكيدد ما انا تخيلت انها جت اربع مرات ؟
ليلي قامت تشغل المروحه ووقفت قدامها : اخيراااا رجعتت توووبه ان جينا وبيتناا هنا في الصيف تاااني مصطفي انا هدخل اخد شور
مصطفي قام ووقف بسرعه : والله ابدا انا الاول
ليلي : متحاولش انا قايله قبلك جسمي كله متقرص وعرقان خلي عندك ذووق وسيبني اخد الشور
مصطفي بخــ,,ـــــبث : حلوو ناخده سوااا بقااا ؟
ليلي : انت الاول الست لازم تتنازل خلص شور لو عاوز تبات في الحمام بات بيتك ومطرحك ” وراحت قعدت علي السرير قدام المروحه والغيظ هيمــ,,ـــــوتهاا ” يااارب المايه تقطع عليك يابعيد
………………………………
” في شقة جمال ومروه ”
” مروه نايمه في حصن جمال اللي عمال بيلعب في شعرها وهما بيتفرجو علي التلفزيون جت مشهد في الفيلم البطل عنل للبطله مفاجأة في كافيه وورد وشموع وحاجات جميله ”
مروه : جمال انت مبتعملش ليا كدا ليه يعني تأجر كافيه وتعمل فيه بلالين وشمع وورد وجو رومانسي بعدين تجيب ليا فستان هنا علي السرير وتقولي الساعه 6 المغرب عربيه هتيجي تخدك من تحت البيت وتعملي مفاجأه كدا بقاا
مروه بغيظ : خلاص مش ضروري كافيه اعمل الورد والشموع والكلام دا في الشقه هنا ؟
جمال : اناي فااصيه يا مروه اسكتي يا حبيبتي اسكتي دا انتي مش حسه بالدنياااا دا علبة السجاير بقت ب 85 جنيه اسكتي
مروه بصلته : طبعا علبة السجاير هتيجي غصب عن الكل علشان دي لو مجتش الدنيا تبووظ
جمال : يا حول الله يارب انتي يابنتي بتقولي فينك يا خناااق مش لسه جايب تكيف ب 12 الف جنيه من اسبوعين
مروه : زل في اهلي كل ما اطلب حاجه زلني بالتكييف وبعدين ما انت بتتهوي منه انت كمان اهوو
جمال : انا كنت اشتكيت من المروحه امتي كانت زي الفل وشغاله وعسل الدنيا عليهااا التكييف دا بقا هيخرب بيتي في الكهربااا
مروه : يخربيت البخل يااااربي ياااربييي نااام يا جمال نااام ” واتعدلت علي السرير ونامت وهو قفل الشاشه وحــ,,ـــــضنها ونام وخي ابتسمت عليه “
الفصل الرابع 4
” صباح تاني يوم ليلي ومصطفي تقريبا مش قادرين يفتحو عينهم من قلة النوم والبهدله اللي شافوها في اليوم دا نزلو الصبح فطرو مع العيله وقعدو في المندره ”
مصطفي : غالب عندي مؤتمر يوم الخميس الجاي تقريبا في القاهره الشغل كله هيبقي تحت ايدك
غالب : متقلقش يا ديشااا في ايد امينه يا باشا
” ليلي وكنز وبسمله قعده في والبنات بيتكلمو في التعامل مع الحيوانات ”
ليلي : في جروب عارض كورس يوم الخميس في المنصوره هيجي دكتور بيطري كبير متعود علي التعامل مع كل الحيوانات وهيعلم البنات اللي غاويه الخيل بس عدد محدد هعرف مصطفي وهروح بس لازم اروح
بسمله : جووزك انتي اللي هيوافق والنبي اتنيلي يا ليلي دا لو طايل يحبسك هيعملهاا
ليلي : والله بكلمك بجد انا هروح القرص دا حتي لو حكمت من ورا مصطفي انا همووت واتعلم ازاي اتعامل مع الخيل من غير خوف بس هعمل اللي علياا وهعرف مصطفي بس لما نروح
” كنز قعده بتاكل في ضوافرها بضيق ومستغربه ليه سليم متصلش عاتبها انها مراحتش امبارح “
كنز : ممكن اكون مش مهمه عنده اصلا ولا في دماغه انا شاغله نفسي بيه ليه انااا
ليلي بصت لبسمله : البت اتجننت رسمي نقولها روحي يا كنز تقولك لاء لازم اكون صعبة المنال بلا خيبه عليكي هتضيعي شاب زي الورده من ايدك
ليلي : انا زهقت منها ومن دماغها تعمل اللي هي عوزاه بقا
مصطفي بص لليلي : ليلي يلا احنااا بقا
ليلي قامت وقفت : حاضرر
فاطمه جابت شنطه كبيره فيها طلبات ليلي : حطي السمنه في قالب بلاستك وحطيها في التلاجه مش الفريزر يا نن عيني
ليلي حــ,,ـــــضنتها : متحرمش منك يا حبيبة قلبي ياارب ” واخدت الشطه وسلمو علي العيله كلهم ومشيو ”
” في عربية مصطفي ”
مصطفي : ليلو عندي مؤتمر بعد بكرا في القاهره احتمال ابات وبنسبه كبيره اجي
ليلي : تيجي بسلامه يا حبيبي ” وكملت بتوتر ” انا كنت عوزه اقولك علي حاجه كدا ؟
مصطفي بصلها : قولي سامعك ؟
ليلي : بصراحه في كورس تدريب التعامل مع الخيل والحيوانات وانا عوزه اروح اتدرب ؟
” مصطفي سكت ومتكلمش ولا حرف ودا قلق ليلي ”
ليلي بتلطيف الجو : السكووت علامة الرضاا
مصطفي : لاء بالعكس احيانا السكوت بيكون قفل باب خناقه كبيره ملهاش تلاتين لازمه تلقائي بسكت لأن حقيقي مبحبش جو الخناق
ليلي : يا مصطفي انت تكره ان مراتك تكون عوزه تتعلم حجات جديده ؟
مصطفي : مراتي انا عاوزها جاهله انا عاوز مراتي لما ارجع مطحوون من شغلي تيجي تحــ,,ـــــضني وتهون عليا تعب اليوم عاوز ارجع اللاقيها نجفه بتنور في البيت مش بتنضف هنا وتعمل هنا اصل طول اليوم كانت مشغوله بحوار ملوش لازمه انا راضي بيها ولا تعرف ولا تعلم انا حبيت ليلي وعارف انها اصغر مني بكتيررر بس عارف انها مش طايشه ولا نكديه وانا عاوزها كدا مش عاوزها تتغير
ليلي : حاضر يا مصطفي
مصطفي : جتك القرف في حلوتك وانتي قمر كداا
” ليلي ابتسمت ليه ولكن هي لسه مازالت بتفكر في القرص ومصممه علي رأيها انها تاخده فكرت في فكره في دماغها وسكتت ”
مصطفي مسك اديها وباسها برقه : مبحبش الدماغ الحلوه دي تسرح ولا تفكر في حاجه غيري عاوزها ديما معايا وبس ممكن ولا لاء ؟
ليلي ببتسامه : الدماغ دي مبتقكرش غير فيك اصلا ومش مسموح ليها تفكر في حاجه غيرك ” وقربت من خده وباسته برقه وسندت علي كتفه ”
…………………………………..
” في بيت عيلة الحبايبه ”
” مروه وقفه في شقة احلام وبيعملو فك الكبسه ومروه وقفه مستغربه وقلقانه ”
مروه : ماما احلام يعني الحجات الغريبه اللي بنعملها دي معقول هتخليني احمل ؟
احلام وهي بتسخن العواقه علي النــ,,ـــــار : مفيش حاجه اسمها هتخليني احمل دي حاجه بتاعت ربنا احنا بنحاول ممكن اه وممكن لاء وفي الحالتين اهو جربنا
مروه بقلق : افرض محملتش بعديهاا يبقي كل اللي عملته ملوش لازمه صح ؟
احلام : انتي مستعجله علي الحمل اووي ليه كدا كنتي عيشي شويه مع جوزك اتبسطي واتمتعي شويه
مروه بضيق : يوووه انتي هتكلمي زي جمال يا ماما احلام انا عوزه اخلف عوزه يكون عندي عيل ايه المشكله في كدا يناااس
احلام : ولا مشكله ولا حاجه بس انتي لسه متجوزه من شهور يعني مفيش حاجه تقلق ولا تخوف
مروه بتوهان : ازاي بس دا في بنات بتحمل من اول ليله يا ماما اشمعناا انا طيب المشكله مني ولا من جمال ولو كانت مني جمال هيعمل معاياا اييه هيتجوز عليا صح
احلام بصدمه من تفكيرها : يخربيتك علي بيت تفكيرك ايييه اللي انتي بتقوليه دا يا مروه دا جمال روحه فيكي دا الرجاله بتبقي متلهفه علي العيال وجوزك متلهف عليكي
مروه بضيق : اعمل ايه يا ماما امي قرفاني وكل شويه تقولي جوزك فيه حاجه تقلقني وترعبني ؟
احلام بستغراب : دا ايه دا دا الام هي اللي بتبقي تقول لبنتها عيشي واحمدي ربنا لما ربنا يرزقك بالي نفسك فيه متزعليش من كلامي بس امك مش عوزالك الخير كدا مدام عرفه ان الموضوع بيضايقك المفروض تسكت ومتتكلمش فيه
مروه : اهوووو دا اللي حصل وعماله اقولها حاضر وطيب واتكلم مع جمال عكسه وبتنقل بين الاتنين شبه الحيه
احلام : قومي بس نفك الكبسه دي ونعد نتكلم براحتناا قومي ” وقامت وبدؤ يعملوو فك الكبسه ”
…………………………………..
” في مول الصفات سليم واقف لابس بنطالون ابيض وقميص مخطط ابيض في اسود وجزمه سودا وساعه فضي اللون ونضاره سودا وشكله شييك اووي وماسك اماندا في ايده ”
اماندا بزهق : بابا احنا وقفين جنب العربيه لييه تعالي دخلني عند الالعاب لحد ما كنز توصل
سليم : اصبري يا قلب بابا اول ما توصل هخليكي تسلمي عليها وتروحي تلعبي براحتك
اماندا بصت علي الطريق وقالت بفرحه : اهييي كنز وصلتتت
” سليم بص وراه ونزل النضاره شويه وبص عليها وهي جايا باين عليها التوتر والكسوف كانت لابسه دريس ازرق تحته قميص ابيض وهيلز ابيض عالي وطرحه بيضه وشكلهااا شيك اووي ”
اماندا سابت سليم وجريت عليها بسرعه وكنز اشتالتها في حــ,,ـــــضنها : وحشتيني يا كنزز
كنز : روح كنز وقلبهااا اللي وحشتها اووي ” وراحت عند سليم مدت اديها ” ازيك يا استاذ سليم اخبارك ايه
سليم ببتسامه : بخير الحمدالله انتي اخبارك اييه ؟
كنز ببتسامه : الحمدالله كويسه ومتوتره وخايفه وحشه ان الناس كلهاا بتبص عليا بتقولي البت دي خارجه من ورا اهلها تقابلك
سليم : علي فكره كان في ايدك ان عادي جدا يقولو البت دي خارجه مع جوزها يوم اجازته فسحهه ؟
كنز : وافرض البنت دي عوزه حد يحبها مش يتجوزاها انه يكمل نص دينه وخلاص ؟
سليم بستنكار : وانتي مين قالك انه مش بيحبهاا لعلمك بقاا دي خطفت قلبه من اول نظره واول كلمه دا نام بيحلم بيها دا راح حج والدعوه الوحيده اللي اتمناها ان ربنا يجمعه بيهااا
كنز بصدمه من كلامه : هي مين داا ؟
سليم ابتسم : البنت مااالك ؟ ” ومسك ايد اماندا ومشي ”
كنز فضلت وقفه مكانها تستوعب الكلام عليها ولا علي مين ولا في ايه وهي بصه عليه وهو ماشي راحت جريت وقفت قدامه : سلييم انا زهقت خليك جد واتكلم وقول ؟
سليم ببتسامه : اقول ايه ؟
كنز بلخبطه : قول اي حاجه ؟ قول الكلام اللي قولته دا كنت تقصد بيه مين ؟
سليم : كنت اقصد البنت ؟
كنز بغيظ : بنتت ميين يعني ؟
سليم بتنهيده : بنت اسمها كنز مشقلبه قلبي وحياتي كداا ومغلبااني من يووم معرفتهااا
كنز رفعت حواجبها بتوهان وقالت : كنز مينن ..؟
سليم مسك اديها : هو فيه كنز غيرك هنااا
كنز بتوهان : هاااااا
سليم ببتسامه عاشق : انا طلبت منك قبل كدا تتجوزيني علشان كنت مُعجب فقط لكن حاليا بطلب منك تتجوزيني وانا مُغرم بيكي بجد تقبليني زوج ليكي يا كنز ؟!
كنز دموعهاا نزلت من الفرحه والكسوف : انا مش عرفه ارد عليك اقولك ايييه يا سليم ؟
سليم ساب اديها وبعد شويه فكرها بتعيط مش عوزاه : لاء متقوليش الانسان ملوش حكم علي قلبه يا كنز ووو
كنز حطت اديها علي شفايفه : اسكتت بقاا قلب اييه دا انا مش مُغرمه بيك دا انا دايبه حتي في حرووف اسمك
سليم ابتسم من قلبه بجد : احــ,,ـــــضنك طيب ولا اعمل معااكي اييه يشيخهه
كنز مسكت ايد اماندا اللي مش فاهمه حاجه ومشيت بتكبر : تحــ,,ـــــضن اييه يا باباا بعد كتب الكتاااب اتلم كدااا وتعالي اكلني علشان جعاانه
سليم بضحك : وخده بنتي ورايحه فيين بس ؟
كنز بصتله : ما هي هتبقي بنتي انا كمان يعني اخدها مكان ما انا عوزه صح يا مانجااا
اماندا بفرحه : بقااا عندي ماما زي العيااال اخيرااا
كنز فتحت شنطتها وطلعت كيس كبير في توك كتيرر اول : ودول اول هديه من ماما لأجمل بنوته في الدنياا كلهااا
اماندا حــ,,ـــــضنت كنز بحب : انا بحبك اووي وعمري ما هزعلك ولا هعمل دوشه ليكي بس تخليكي معايا علطول
كنز : وانا اوعدك ان في اقرب وقت هتنامي في حــ,,ـــــضني
سليم جيه جنبها وهمس في ودنها : وانتي في حــ,,ـــــضني ” واشتال اماندا ومشي قبل ردة فعلهااا ”
” وهي وقفت مكانها مصدمه من كلمته بس جواها مبتسم وفرحانه ”
…………………………..
” في شقة غالب ”
” غالب كان نايم شويه الضهر من الحر وبسمله في المطبخ بتغسل المواعين وبتكلم ليلي و مروه مكالمه جماعيه ”
بسمله : اكبس علي نفسه لحد ما يوافق ؟
مروه : لاء بلاش كبس علي النفس احنا عوزين نصيف مش ن.هم ليلي انتي هتقنعي مصطفي ازااي ؟
ليلي : والله انا هدلع جوزي وههشتكه وهروق عليه وافتحه في الموضوع علطول
بسمله : الساااافله طوول عمرك تمووتي في السفاله
ليلي : مدام السفاله مع مصطفي عادشي انا موافقه اتسافل
بسمله : شوفي البت انا حسه ان لما مصطفي بيكون عاوز يقرب منك يا ليلي مش بيحتاج مجهود هو بيلاقيكي جاهزه علطول
ليلي : جووووزي لو انا مدلعتووش ميين يدلعهه اسيبه لما حربايه تانيه تيجي تاخد مكاني
مروه : البت دي تمام والله العظيم تمام وهي الوحيده فينا اللي جوزهاا هيوافق انهم يروحو واحنا هنفضل
بسمله بتفكير : يعني ايييه ندلعه ؟
مروه بتأكيد : ندلعهه هو الراجل اييه غير شويه احساس ومشاااعر
ليلي : باااي بقااا علشان اروح انيم سلمي ” وقفلوو التلاته ”
بسمله وقفت وحطه اديها في وسطهاا بتفكير : طب والعمل ادلع غالب ازااي دا شغل السهوكه مبجيش معاه وش بس التجربهه مطلوبه بردوو ” ودخلت علي اوضة النوم براحه جابت قميص نوم بنفسجي واخدت البرفان وكل اللي هتحتاجه وطلعت برا براحه لبست وجهزت نفسها واطمنت علي عمر
اللي نايم ودخلت علي الاوضه ”
بسمله بهمس لغالب : حبيبي غالب ؟
غالب وهو نايم : مفيش فلوس ارتاحي واطفي النور وسيبيني اتخمد ؟
بسمله بغيظ وهمس : ادلع في دااا اييه والنبي دا ميدلعش دا يترزع في وشه وخلااص ” وثالت بصوت عالي ” مش عوزه فلوس علي فكره ؟
غالب : امال بتتسهوكي ليه كداا فيي اييه ؟
بسمله ضــ,,ـــــربته في كتفه : هوو الدلع والاهتمام اسمهم سهوكه … عارف يا غالب انا نفسي في اييه بجد ؟
غالب وهو مغمض : امممم نفسك في ايه يماا
بسمله : نفسي نروح البحر ايي مكان انشالله دمياط الجديده حتي او راس البرر المهم اخرج من الجو الحار داا
غالب قام واتعدل : اولا الجوو الحر الاوووي داا مع الميه هتتسلقي وهتتبهدلي ؟
بسمله برجاء : بالله عليك انا عوزه اشتوي مش اتسلق بس وديني البحر عوزه اشوووف الميه وحشتني ياجدع
غالب وهو بيتاوب : املي البانيو ونامي فيه بسيطه اهي ؟
بسمله بصتله : يا غااالب متهزرش بقاااا
غالب بضيق : بسمله انتي اللي متهزريش بخر ايه وابنك اللي عنده 6 شهور دا يروح فين ومين ياخد باله منه وشغلي اللي مش قادر اخلصه دا مين يقف مكاني وانا مش هخليكي تنزلي البحر العدوم تلصق علي جسمك وتطلعي تقولي يا حلوو اتفرج ميتين دي شغلانه طلعي حوار المصيف دا من دماغك غلشان حوار ميت بنسبالي
بسمله : طب فكر شويه ؟
غالب مسح وشه بضيق : لا حول ولا قوة الا بالله العلي العظيم هتسبيني اتخمد ولا انزل انام عند امي
بسمله بغيظ : ناااام يا غااالب والله خساره فيك القميص اللي لبسته ؟
غالب ادرك انها لابسه قميص ومتشيكه بصلها شويه بعدين اتكلم : وانتي مفكره ان انا بكدا هضعف و هقتنع ؟
بسمله بتوتر : لاء انا لبست عادي مش علشان تقتنع ولا حاجه
غالب بصلها : طب اطلعي يا بسمله علشان انا تعبان ومش قادر ” واتغطي بغضب وضيق منهاا ومن تصرفاتها ”
……………………………….
