………………………………….
” وصل مصطفي وليلي شقتهم ”
ليلي حطت شنطة التكل في المطبخ وراحت اترمت علي الكنبه اللي في الصاله : اخيراااا الواحد برضه مش بيرتاح غير في بيته
مصطفي : قولتلك متروحيش ولا تيجي مسمعتيش الكلام بس غريبه يعني سلمي نامت علطول
ليلي : عيطت كتير النهارده ومقريفه من ساعة ما روحنا هناك علشان مش متعوده علي حد ولا متعوده علي البيت
مصطفي : عمري ما هخليكم تخرجو من البيت تاني انتي طبعا مأكلتيش وباين عليكي وسلمي جايا مفرهده وهتتعب
ليلي : انا هدخل استحمي وهبقي زي الفل دلوقتي هطلع تسرحلي شعري ونسخن اكل وناكل
مصطفي : اكل ايه اللي ام اسراء جابته ؟
ليلي : بط ومحشي وشوربه و.فاصوليا هنسخن ونامل وبعد الاكل كوباية عصير مانجه ويااااااا سلااام بقا
مصطفي بغمزه : طب ما تسيبك من المانجا والبط وتيجي نصيع حبه انا وانتي يا بطتي ؟
ليلي : دا انا مفيش فياااا نفس اقووم استحمي تقوم تقولي تعالي نصيع دا انت قلبك ماات
مصطفي برفع حاجب : انتي تعبانه مش تعبانه انا مالي قولتلك روحي عن بيت اهلك اتنفخي مع اختك مقولتش
ليلي : وانت قوولت اييه اختي يعني واجب عليا اللي بعمله دا انت بقي المفروض تقدر كل الحجات دي
مصطفي : طيب تعالي اعملك مساچ يريح جسمك ؟
ليلي : لاء برضو مساچك بيقلب بقلة ادب انا هقوم استحمي وناكل ونااااام “وقامت دخلت علي الحمام وبعد وقت طلعت لبست هدومها وكان مصطفي نام علي الكنبه سابته نايم ودخلت عملت الاكل وراحت تصحي مصطفي ”
ليلي : مصطفي يلاا قوم يا حبيبي انا جهزت الاكل كل ونام براحتك
مصطفي فتح عينه : هناكل بط ومحشي وناام يا ليلي ؟
ليلي : خلاص هناكل ونعمل شاي ونسهر شويه قي البلاكونه قوم يلا
“مصطفي قام وراح قعد علي الطربيزة اللي في المطبخ وليلي قدامه وفضلو ياكلو ”
ليلي : مصطفي انا عوزه اخد حبوب منع حمل لحد ما سلمي تكبر شويه ؟
مصطفي من غير ما يبصلها : لاء حوار حبوب منع الحمل دا لاء سبيها علي ربنا
ليلي : احم حبيبي انا سيباها علي ربنا بس ممكن احمل عادي انت دكتور و.فاهم
مصطفي : وعلشان دكتور بقولك ان حبوب منع الحمل دي خطيره ممكن تتعودي عليها زيها زي المنوم وانا مش عاوز كدا وبعدين ما تيجبي عيل واتنين وتلاته امال احنا متجوزين ليه ” وبصلها ” ولا ايه ؟
ليلي عرفت انها بتتكلم في حاجه ممنوع فيها النقاش اصلا قالت بقلة حيله : حاضر ” وقطعت البطه ” كل يا مصطفي ولا انت نفسك مش جيباك لزفر بليل ولا ايه ؟
مصطفي شد ايديها وباسها : حبيبي باكل والله كلي انتي كمان يلا ” واكلو وليلي عملت شاي وطلعو قعدو في البلكونه ”
مصطفي بضحك : طول حياتي وانا اعزب كنت بعد في البلكونه دي مكنتش بحبها ابدا من يوم ما اتجوزت وهي ليها طعم تاني ” وبصلها بحب ” الصراحه مش البلكونه لس اللي بقا ليها طعم تاني هي حياتي كلها بقا ليها طعم تاني يعني كل يوم كنت بصحي علي المنبه دلوقتي بصحي علي صوت سلمي وهي بتعيط بنسبالي طرب مع انه ازعاج
ليلي بعش.ق : انت بنسبالي كنت حلم تحقيقه مستحيل كنت كل يوم بنام وصورتك علي فوني كنت افضل هل في يوم هنام وهو جنبي فضلت احلم لحد ما فعلا في يوم نمت وراسي علي صدرك ليلي اتجوزت ابن الجبرااني
مصطفي ضمها لصدره وباسها من راسها : قلب ابن الجبراني يا بت العدو
ليلي بضحك: خلااص بقا مبقتش بنت العدو احنا بقينا عيله ولا اجمل من كدا
مصطفي : حتي لو بقينا عيله واحده هتفضلي طول عمرك اكبر حاجه حاربت علشان تكون ليا يا ليالي حلوه اللي بدوووب فيها ” قضو السهره كلها في البلكونه ضحك وهزار وحب ”
…………………………….
” صباح تاني يوم طبعاً مفيش اغاني كتب الكتاب علي الضيق علشان خاطر المرحوم غفرانجمال وصفوان جابو مزمار يرقص ويفرح العروسين وخلاص والغدا للأهل بس ”
” يوم مليان توتر خوف قلق فرحه كل المشاعر مختلطه مع بعض صفوان اخيرااا وبعد تعب هيتجوز حبيبته اللي حبها واسراء مش مصدقه ان كل اللي هي فيه دا حقيقه وخلاص هتتجوز صفوان ”
” البيت كله مقلوب علشان الراجل يعمل كوشه حلوه وشيك ”
” بسمله راحت من الصبح عند اهلها ومعاها لبسها ”
بسمله قعده في نص الاوضه : طب احنا عوزين نقول يا ام العريس يا ارنبه بس ام العريس خالتنا نعمل ايه
رشا : ياابت اسكتي احترمي نفسك دا انتي متجوزه اعقلي كدا
بسمله برفع حاجب : وعلشان متجوزه مفرحش يعني ولا ايه طب عليا النعمه لقوم ارقصلك يا بت يا اسراء
اسراء قعده وفي وحده برسم حنه علي ايدها وعلي جسمها : ايه رأيكم في الفراشه اللي علي الرقبه دي حلوه ؟
بسمله : تحفههه اووي ويا سلام بقا لو رسمتلك ورده علي ضهرك بطول العمود الفقري واوو
اسراء ببتسامه : لسه هعملها اهوو بس عوزه حد يطلع يشوف الراجل بتاع الكوشه عملها زي ما انا طلبتها ولا لاء
بسمله : وريني كدا الشكل اللي قولتيله اعمله
اسراء فتحت فونها وورتها شكل كوشه جميله اوي : انا عوزه دي في الصاله نفسهااا
بسمله : هاتي الفون هطلع اشوفه عمل ايه ” واخدت الفون وطلعت تشوف الكوشه بس صفوان رن وبسمله ردت ”
صفوان : سوسوو اطلعيلي الشقه كدا بسرعه ؟
بسمله بتبريقه : تطلعلك الشقه ؟! ولاااا البيت دا طاهر وهيفضل طول عمره طاااهر لاء
صفوان بضحك : يخربيت تفكيرك الزبااله انتي مسكه فون مراتي لييه يابت انتي ؟!
بسمله : شوف ربنا خلاني امسك الفون وارد علشان اعرف انك عاوزها تطلعلك الشقه بتتغرغر بالبت يا صفواان ماااااشي
صفوان بضحك : يا حماااره انا عاوز اسألها علي حجات في الشقه ذائد انتي مااالك مش هتجوزها النهارده
بسمله : امممم ماااشي حاليا احنا مش فاضين بنعمل حجات ابقي اسألها بليل ” وقفلت في وشه وطلعت تشوف الكوشه ”
احلام اول ما شافتها : بسمله تعالي قطعي البصل
ام صفوان : واغسلي المواعين ولفي المحشي مع شهد يلاا
بسمله : لاااء انتو فهمتو غلط انا كنت طالعه اشوف الكوشه مكنش في بالي مساعده خاالص هبعتلك امي اهوو ” وجريت علي الاوضه تاني كانت اسراء بدأت البنت ترسملها الورده علي ضهرها ”
…………………………
” في مول في البلد كنز كانت بتلف في محلات المول علشان تجيب ليها طقم للفرح وهي ماشيه لقت اللي وقف في وشها ”
سليم : لازم اتكلم معاكي ممكن ؟
كنز حطت ايديها علي قلبها : حراام عليك خضيتني
سليم ببتسامه : معلش حقك عليا هاا تيجي نعد في اي كافيه نتكلم ؟
كنز اترددت شويه بعدين قالت : تمام مفيش مشكله ” وفعلا راحو قعدو في كافيه من ضمن المول فضلو ساكتين شويه لحد ما كنز قررت تقطع الصمت دا ” اماندا عمله ايه ؟
سليم : بخير الحمدالله اتعلقت بيكي بسرعه اووي
كنز ببتسامه : اماندا عسوله وحبوبه وانا حبيتها والله
سليم اتنهد : اماندا بنتي تعتبر حياتي كلها يعني انا واهب نفسي ليها وبس شايل فكرة الجواز من دماغي علشان خاطرها وعلشان مش عاوز حد ياخد وقتي غيرها عارف كلامي غريب عليكي وبتقولي انا مالي بس من وقت ما اماندا شافتك وكل همها هي ان تيجي تعيشي معانا في بيتنا ؟
كنز بستغراب : مش فهمه وضح اكتر ممكن ؟
سليم بصلها شويه : تتجوزيني يا كنز اوعدك هعيشك ملكه مش هخلي نفسك في حاجه بس الاهم تعتبري اماندا زي بنتك ؟!
الفصل الرابع و الاربعون 44
كنز بصت ليه بعد كلامه وقالت بعدم تصديق : اعتبر بنتك بنتي ؟! اااه انت عاوز تتجوزني علشان بنتك بتحبني يعني ام مستعاره صح ؟
سليم بهدوء : ليه فهماها كدا انا لو مش متقبلك مش هطلب منك تتجوزيني ولا هكون قاعد القعده دي ؟
كنز قامت وقفت واخدت شنطته وبصت ليه بغضب : خلي تقبلك لنفسك يا استاذ سليم مش انا اللي هتجوز واحد كان متجوز قبل كدا ولا انا برضو اللي هتجوز حد متقبلني مش حاببني سلااام ” ومشيت بكل غضب وضيق وخنقه ”
” سليم بص عليها ببتسامه وهي ماشيه ”
كنز في نفسها : قال لو مش متقبلك مش هطلب اتجوزك لاء متشكر بدل ما يقولي حب من اول نظره او يقولي اعجاب بيقولي تقبل خليه لنفسك ؟
……………………………..
” ليلي وقفه في المطبخ بتاع شقتها بتغسل المواعين وسلمي مع مصطفي في الاوضه ”
ليلي بحب :إذا شايفنى مِش عم ببكِى فكرك يعنى مش مَوْجوع ؟
مصطفي جيه من وراها وحـ,ـضنها : موجوعه من ايه وانا في الدنيا يا ليلي ” وباس رقبتها ” انا عوزك طول ما انا عايش وبتنفس تكوني ديما مبسوطه وفرحانه وسعيده
ليلي لفت ليه ببتسامه : الاغنيه في دماغي من الصبح بحبها اوي
مصطفي قرب من شفايفها وباسها وقال بهمس : خليني انا بس في دماغك مش عاوز اي حاجه تشغلك عني
ليلي بصتله بضحك : اشغل نفسي بيك اكتر من كدا اتجنن بقا
مصطفي ضحك وقال بخب.ث وهو بيمشي ايده علي جسمها : سلمي نامت ما تيجي نخطف حلم صغنن جنبها
ليلي رفعت حاجبها : ورايا حجات عوزه اعملها الاكل بتاع العشا لصفولن واسراء انا اللي مسؤله عنها وزي ما انت شايفني عماله اغيل المواعين والاكل علي النا.ر بالعربي مش وقته علشان مش فاضيه
مصطفي : انا مالي انا بالكلام دا كله يا ليلي انتي مراتي وعليكي حقوق ليا مليش دعوه انا بكل الكلام دا
ليلي بستغراب : ومن امتي بينا كلمة حقوق عليكي دي يا مصطفي انا امتي منعت نفسي عنك دا علشان بقولك مش فاضيه دلوقتي انت ليه مش مقدر ظروفي
مصطفي بغضب : ظروف ايه اللي مش مقدرها انا لو فعلا مش مقدرك كنت اتجوزت عليكي
” الكلمه نزلت علي ليلي زي المايه الساقعه اللي نزلت علي حاجه سخنه ومصطفي ادرك الكلمه واضايق فعلا من نفسه ”
ليلي بزهول : تتجوز عليا قدرت تقول الكلمه عادي يا مصطفي ” بعدين ابتسمت بوجع ” حقك الشرعي مش همنعك منه روح اتجوز يا مصطفي
مصطفي بضيق : مكنش قصدي اقولها والله هي طلعت كدا في وقت نرفزه انتي عرفه ان مفيش وحده تملي عيني غيرك
ليلي دموعها نزلت وراحت طفت علي الاكل علشان استوي : عادي بقا طلعت في وقت نرفزه او وقت حب المهم انها طلعت ” ومسحت دموعها وبصت ليه ” احضرلك الغدا تاكل
مصطفي قلبه وجعه علي شكلها راح ومسك ايديها وهي عيطت : حقك علي قلبي انا عارف ان بضغط عليكي متزعليش نفسك بقا دموعك دي بتوجعني والله يا ليلي
ليلي بعياط : انا مقدرش اصلا اتخيلك جنب وحده غيري يا مصطفي دا انا بغير من مامتك لما تحـ,ـضنك تقوم تقولي اتجوز عليكي ؟
مصطفي حـ,ـضنها : لو سمعتيها بعد كدا مني حقك تعملي فيا البدع بطلي عياط
ليلي مسحت وشها : اوعدني انك تفضل ليا ومعايا يا مصطفي انا مش خايفه بس مبقتش مطمنه اوعدني ان مهما حصل بينا هتفضل جنبي وتدعمني انا مقدرش اكمل من غيرك يابن الجبراني
مصطفي باس راسها : ودا وعد من ابن الجبراني عمري ما هبعد عنك ولا هتخلي عنك مهما حصل هتفضلي مراتي وام بنتي وقبل دا كله حبيبتي اللي حاربت علشانها الدنيا واتجوزتها
ليلي ابتسمت علي كلامه : بحيث كدا بقا نحضر الغدا ونتغدا ونعد نكوي في هدومنا
مصطفي ضحك عليها : ايوااا كدا اضحكي خلي الشمس تدخل البيت يلا جهزي الاكل علي ما اكمل انا غسيل المواعين
ليلي : لاء هتزلني بشوكه والمعلقه والكوبايه دول مش مواعين انت بقا كل دقيقه هتقولي مين اللي غاسل المواعين النهارده
مصطفي : تصدقي بالله انا غلطان دا بدل ما تقوليلي كتر خيرك يا حبيبي انك هتساعدني
ليلي : مصطفي يا جبراني انا متنازله عن مساعدتك يا ابن الجبراني ” وراحت علي البوتجاز تكمل الاكل ومصطفي راح حـ,ـضنها ” هي دي المساعده ؟
مصطفي : ليكون مش عاجبك يابت ؟!
ليلي ابتسمت : ليه لما بعيط لازم تصالحني وقتها يعني مثلا متقولش هسيبك تهدي واجيلك ؟
مصطفي : الدموع دي زي النا.ر بالظبط بتاكل الحلو والوحش مبتفرقش لو انا سبتك فعلا ومشيت كدا انا بحط بنزين علي النا.ر تشعلل اكتر لكن لو احتويت النا.ر دي وطفيتها عمرها ما هتحر.ق كل حاجه كدا بتفادي الحاجات اللي ممكن كانت تتحر.ق لو مشيت ولا ايه يا ست ام سلمي
ليلي ببتسامه : ست ام سلمي مش بتمووت فيك من قليل يابن الجبراني
…………………………….
” جمال واقف قدام بيت مروه مستنيها تنزل علشان متأخر وعاوز يلحق كتب الكتاب ”
جمال بضيق : ياااربي علي التأخير انا برضو اللي غلطان المفروض كنت اقولها البسي من امبارح مش من 5 سعات بس
” مروه نزلت لجمال وكانت في قمة الشياكه لبسه دريس اسود ستان وحزامه من الحزر والؤلؤ والماس ( المصنوع مش الحقيقي ) وطرحه بيج وشنطة بيج في اسود وهيلز بيج ميكب بسيط كانت رقيقه جدا والدبله والمحبس منورين في ايديها البيضه وضوافيرها منكير اسود ”
مروه ببتسامه لجمال : ايه رأيك في خطيبتك ؟!
جمال بصلها وتاهه في شكلها ورقتها وبساطتها وجمالها : صراحه تخيلت هتلبسي حاجه هنتخانق عليها بس انا حاليا لساني مش قادر يسعفني علي اي كلمه اقولها شايف قدامي ملاك رقيق مش قادر اعبر عن مدي اعجابي بيه
مروه ببستامه : يكفي ان اشوف الفرحه في عيونك يا جمال يكفي ان اشوفك لابس الدبله وانت فرحان يكفي انك بتحبني انت وكفي يا جمال
جمال ابتسم ونسي انه في الشارع اصلا مسكها من خدودها : يابت هحبك اكتر من كدا ايييه خلصتي الحب اللي جواايا كله
مروه بصدمه : جمال شيل ايدك براحه عن وشي لو التنت باظ او الفاونديشن اتمسح احتمال ادبحك هنا بدم بارد عادي
جمال بستغراب : فاونديشن ايه دا اللي عامل شبه المحاره صح ؟
مروه : محاره ؟! محارة ايه يا جمال دا شبه الكريم كدا لو عندك حبايه في بشرتك هيخبيها كدا يعني
جمال : طب ما انا عارف وعارف كمان الكونسيلر والكحله والرماشه ايه رأيك فيا بقاا
مروه بستغراب : رماشه ايه الرماشه دي بتعمل ايه ؟
جمال : الرماشه اللي بتطول الرموش دي يعني مش عيب اكون الراجل وعارف وانتي مش عرفه حاجه خالص
مروه بضحك : ااااه انت تصدق المسكره يعني الرماشه اسمها مسكره
جمال : اركبي بس يا مروه علشان احنا اصلا متأخرين عوزين نروح قبل كتب الكتاب يلا
مروه ركبت جنبه : هاات فونك ؟
جمال بصلها : فوني عايزه منه ايه ؟
مروه بصتله بستغراب : مالك في ايه خوفت كدا ليه ؟
جمال : انا مخوفتش بس متعودتش علي حد يمسك فوني وكدا بس لو عايزاه خديه اهو
مروه بصتله : ايوا هاته ” واخدته فنحته دخلت علي الواتس والماسنجر والانستا فضلت تفتش في كل الفون وقالت في نفسها ” طيب ما انت كله فل اهو خايف امسك الفون ليه
جمال : قولتلك مش خايف بس مش متعود المهم فطرتي ولا نروح نفطر في اي مكان
مروه اتعدلت علي الكرسي ورجعت راسها ورا : لاء انا فطرت امشي علطول علشان مش عوزه اتأخر
” جمال مشي علطول علي البلد ”
……………………………………………..
” الوقت عدي والليل جيه وبيت الحبايبه يعتبر مليان ناس ومعازيم علي اخره منظر الكوشه والزينه تحفهه اووي شهد لبسه فستان رقيق اووي وبسمله لبسه فستان جميل وتحفه وليلي لبسه دريس رصاصي منفوش شويه وهيلز اسود وطرحه سودا وميكب بسيط وشايله سلمي علي ايدها وعمالين يسلمو علي الكل “
الديجي : نتشرف بأحلي عريس وعروسه ” ودخل صفوان اللي زي القمر في البدله السودا وشعره المتسرح وشكله قمر وفي ايده اسراء اللي لبسه بدله بيضه وطرحه بيضه وحزمه بيضه وميكب عروسه وشكلها رقيق اووي قعدو علي الكوشه ”
” ليلي وبسمله وشهد وكنز وزينب وقفين في جنب بيتصورو فجأة دخلت عليهم مروه ”
مروه ببتسامه : هتصوروني ولا اروح بقاااا
ليلي بفرحه وهي بتحـ,ـضنها : اااه كنت خايفه انك متجيش اووي عمله اييه وحشاني اووي اييه القمر دا يا بت
مروه بغرور وهي بتحط الدبله في وشها : اخلويت علشان اجاري حلاوة خطيبي
بسمله برفع حاجب : خفي تواضع يمااا والنبي دا محدش بيشكر فيه غيرك انتي وامي وابويا لما يحتاج منه حاجه
” البنات ضحكو والمأذون وصل وبدؤ يكتبو الكتاب فرحه وتوتر وقلق وكل المشاعر متجمعه ختم المأذون كتب الكتاب ”
صفوان بفرحه : مراااتي رسمي بقااااا اخيراااا
اسراء قربت عليه بهمس : اوعي تحضـ,ـني ولا تعمل شغل المحن دا اوووعي يا صفوان
صفوان بهمس : لاء مش هحـ,ـضن هنا انا وافرج الناس عليا لينا شقة تلمنااا
شهد : بتتهامسو بتقوولو اييه ؟
صفوان مسك اسراء من كتفها بغرور :هي من النهارده مراتي يعني يا 3 عقارب اطلعو منها بقاا كفايه كدا
” الديجي شغل اغنية حبيتك بتلاته ليلي شدت ايد اسراء وبدؤ يرقصو وانضم ليهم مروه وشهد وكنز وزينب ورقصو بجد ”
مصطفي قاعد جنب غالب اللي يعتبر نايم اصلا : غااالب اصحي يابني فضحت اهلناااا انت جاي تنام في الفرح
غالب بنوم : يا عم انت شايلني ما تسيب اهلي نايم كان فيه نموس في الشقه شلفط وشي ورجلي معرفتش انام
سليم جيه من وراه : طيب ما كنت تبخ النموس دا اي مبيد حشري ومتقرفش اهلناا
مصطفي بص عليه بفرحه : يااااربي سليم عبدالله ياااا جدع وحشني يا جدع فييينك ” وحـ,ـضنه قوي “
سليم ببتسامه : والله العظيم انتو اكتر بس لسه راجع من السعوديه من اسبوعين والله العظيم
غالب :اوعاااا بقااا علي العمله الصعبه الريال بغشره جنية يعني انت زماانك متريش
جمال جيه وبصله : دا لابس بدله لوحدها ب 3 تلاف جنيه ؟!
سليم: الله اكبر عليكن فييي ايه يا جدع مش كدا والله براحه علي نفسكم كدااا الواحد جي اجازه شهرين وراجع لشغله تااني
مصطفي شده قعده جنبه : فكك من الحوارات دي كلها انت عامل ايه اتجوزت تاني ولا لسه ولا ايه ظروفك
غالب : قوم يا جمال نروح نرقص مع صفوان ” وشده وراحو ”
سليم بتنهيده وعينه بتدور علي كنز : لسه والله يا ديشا مش لاقي حد يكون بمصفاتي ولا حد مناسب ويوم ما الاقي تكون بنت بنوت لسه
مصطفي : وايه المشكله بنت بنوت بنت بنوت انت اي حد يتمناك مش فاهم فين المشكله ؟
سليم : انا كنت متجوز وعندي بنت واي بنت حقها تتجوز حد يكون ليها وبس مفيش حد يشغله عنها وانا حياتي شغلي وبنتي والدنيا دمار والله يا مصطفي
مصطفي : ربنا يكتبلك السعاده والهنا يا سليم وانا عارف ربنا هيجبر بخاطرك وهيرزقك ببنت الحلال اللي تصونك تحمي عرضك انشاء الله
سليم اخيرا عينة شافت كنز بترقص مع اسراء وفرحانه بجد ابتسم وتلاقائي لما شافها مشيت ووقفت وراهم قال : اللهم امين ياارب مصطفي لو كلمتك علي حاجه كأنك اخ هتكلم
مصطفي : من غير تردد طبعا اتكلم
سليم : انا مثلا شوفت كنز بنت عمك اكتر من مره هل لو اتقدمت ليها منكن توافق بيا
” كنز وراهم وسامعه كل كلامهم يعتبر فرحت لما سمعت كلامه بس استنت رد مصطفي “
