سجي :كنت خايفة تطلقني زي ماقولت وتتجوز واحدة تانية .
مراد :ابتسم . كنت بغيظك علشان اشوف غيرتك عليا .
سجي :انا مش مصدقة ان انت مراد اللي كنت مابكرهش حد في حياتي زيه . انا حاسة انك انسان جديد . ليه كنت مخبي كل الحب والحنيه دي . ليه كنت قاسي
مراد : اتنهد بحرقة. اقولك ايه بس انا كان جوايا جـ,ـرح كبير . وكان كل يوم بيكبر وبيزيد . وهو اللي كان مخلينيةكدة
سجي : ومين اللي جـ,ـرحك الجـ,ـرح ده . انت كنت بتحب واحدة وجـ,ـرحتك وسابتك .
مراد :انا عمري ما حبيت غيرك . انا لسة قايلك انتي اول دقة قلب . يعني عمر قلبي مادق قبلك . ولا حبيت قبلك .
سجي :طيب مين
مراد :وعينه مدمعة. امي . امي هي الي جـ,ـرحتني .
سجي :ممامتك !!! ازاي ؟
مراد :انا هحكيلك . بس ده سر محدش يعرفه غيري انا وبابا وعم صالح . حتي مازن ميعرفش ومش لازم يعرف .
سجي :قول . ومحدش هيعرف حاجة صدقني . بس قول انا نفسي اداوي جـ,ـرحك .
مراد :فرد ايده . تعالي في ح.ضني وانا هحكيلك . يمكن قلبي ميوجعنيش وانا بتكلم وانتي في ح.ضني .
سجي :نامت في ح.ضنه . وابتدت تسمع . كلام مراد …………………… .
سجي :عيطت . حبيبي معقول كل ده كان في قلبك السنين دي كلها . ومتحمله لوحدك .
مراد:كنت هعمل ايه هقول لمين وهقول ايه . انا كرهت الستات من يومها . وكرهتهم اكتر لما عرفتهم كل واحدة كانت بتخون جوزها معايا كنت ببقي نفسي اق.تلها . تعرفي . اول ست عملت معاها علاقة كانت مين . كانت المدرسة بتاعتي في ثانوي كانت متجوزة . وكانت بتقعد تعاكسني وانا عندها في البيت علشان كنت باخد الدرس عندها . وكانت بتتعمد تخلي معاد الدرس وجوزها مش موجود . واول مرة هي اللي طلبتها مني وبعد كدة كانت كل ماجوزها يسافر كانت تكلمني . كنت بكرها وبقرف منها . بس كنت بعمل كدة علشان ماحسش ان في واحدة احسن من امي وانهم كلهم خاينين مش هي بس . انا مقبلتش عمري واحدة نضيفة قبلك يا سجي برائتك وطفولتك . صحت قلبي وخلتني اشوف الدنيا والناس بعين تانية
سجي :بس في ستات وبنات كتير محترمين وبيخافوا ربنا وبيحترموا اهلمهم وازواجهم . مش كلهم كدة
مراد :اكيد بس انا مقبلتش ولا شوفت ده. الوسط اللي انا فيه كان كله خيانة وغدر وكدب . البنات بتخون اهلها والستات بتخون اجوازهم . كنت شايف الدنيا سودة . بس خلاص كل ده انتهي بعد ماعرفتك وحبيتك . سجي انا عارف اني مينفعش اقلك الكلام اللي حقولهولك لاني عارفك كويس . اوعي . اوعي يا سجي تخونيني في يوم من الايام الا انتي عمري ماتحملها . لوكنت اتحملت اللي امي عملتوا. انتي مستحيل اتحمل انتي هتكوني نهايتي يا سجي . لو في يوم بطلتي تحبيني قوليلي وانا اسيبك لكن اوعي تخونيني . اوعي .
سجي :مستحيل انت حبيبي وحتفضل حبيبي لحد ما م.وت .
مراد: بعد الشر عليكي يا روحي . ده انا امو.ت من غيرك . انا بقيت بتنفسك يا سجي . مقدرش يعدي عليا يوم من غير ما اشوفك ….. امممم طب ايه بقي
سجي:ايه ايه .
مراد :الدنيا ليلت واحنا حاضنين بعض والدنيا ضلمة والشطان شاطر .
سجي :ههههههه اقصدك ايه انت مش حتتغير . لسة اللي في دماغك في دماغك.
مراد :هههههه اعمل ايه بس ما انتي اصلك حلوة وتخط.في العقل بنظرة عنيكي اللي تجنن دي .
سجي:وبعدين انت عايز ايه .
مراد :تعالي نروح وانا اقولك انا عايز ايه ……….
في الفيلا
مراد :يالا ياروحي . تصبحي علي خير.
سجي:هو انت هتنام في اوضتك وانا في أوضتي .
مراد :بخبث . اممم اومال هنام فين . مش فاهم
سجي : اتغاظت . كدة طيب . تصبح علي خير
مراد :هههههههه . استني بس هقولك .
سجي :تقول ليه انت رخم وبايخ .
مراد :ابدا والله . سجي انا همو.ت وأقضي معاكي اول ليلة لينا مع بعض بس معلش هنأجلها شوية في حاجة مهمة لازم تحصل الاول . ومش هقدر المسك الا اذا حصلت .
سجي :حاجة ايه دي اللي تمنعك عني
مراد :لما تحصل هتعرفي . اتفقني بس علشان خاطري افردي وشك ده واضحكي .
سجي :مقموسة . ومابتردش
مراد :وبعدين . انا مكنتش اعرف انك بتحبيني اوي كدة. معقول مش قادرة علي بعدي .
سجي :بطل رخامة بقي .
مراد :هههههه خلاص طيب . ممكن تدخلي تنامي بقي
سجي :طيب ممكن انام في ح.ضنك بس . زي لما كنت واخدة المنوم.فاكر لما اخدتني في ح.ضنك ساعتها ونمت
مراد :لا ده انتي عايزة تمو.تيني بقي . اخدك في ح.ضني وانام . ومن غير ما اقربلك ده انا كدة مش هنام . هفضل صاحي للصبح .
سجي :ههههههه وانا مالي احسن علشان تبقي تاجل انا معرفش حاجة ايه دي اللي تخليك تبعد عني .
مراد :اااه اااه اسكتي بقي علشان انا اصلا مش مستحمل . تعالي . نامي معايا في أوضتي وامري لله . بس تلمي نفسك وبلاش سهوكة انا بقولك اهو .
سجي :هههههه هحاول .
مراد :ليلتك سودة شكلها كدة . ربنا يستر . وتعدي علي خير . امشي يا ختي قدامي .
سجي :طيب هجيب هدومي علشان اغير .
مراد :لا كله الا كدة روحي غيري في أوضتك انا اصلا مش مستحمل ابوس ايدك .
وعدت الليلة علي خير ومراد ماسك نفسه بالعافية علشان ميقربش من سجي غير لما يعمل اللي بيحضرله . كان نفسه يفرحها اكتر ما نفسه يلمسها .
(((بريئة احيتلي قلبي)))
(((الحلقة الخامسة عشر)))
وبعد يومين .بالليل مراد في مكتبه بيكلم سجي في التليفون .
مراد :روح قلبي وحشتيني
سجي :يا سلام لو وحشتك كنت جيت من بدري . ايه اللي اخرك . كدة .
مراد :معلش عندي بس شوية شغل هخلصهم . علشان الفترة اللي جاية انا مش هكون في الشركة هكون في ح.ضن حبيبت قلبي .
سجي :بجد هو انت ناوي تاخد أجازة وتقعد معايا .
مراد :يعني حاجة زي كدة . المهم جاهزة تعرفي المفاجأة اللي انا محضرهالك .
سجي :وهي مبسوطة
طبعا ده انا هتجنن علشان اعرف . هاه قول بقي
مراد :تؤتؤ مش هينفع لازم لما ارجع علشان اشوف الفرحة في عنيكي .
سجي :شوقتني . بجد
مراد :اشتاقي شوية ما انا ياما اشتقت . وكنت همو.ت عليكي وانت كنتي تقلانة . بس خلاص من بكرة مش هبعد عنك تاني ابدا . يلا خليكي صاحية واوعي تنامي . اوك . بحبك .
سجي :وانا كمان . بحبك اووويييي .
ميادة :مراد بيه جاسر عايزك .
مراد :تعالي يا جاسر.
جاسر :هو حضرتك . هتروح امتي .
مراد :يعني ساعة كدة
ليه في حاجة .
جاسر :لا ابدا بس تعبان شوية وعايز اروح وعموما معتز والباقين موجودين مع حضرتك .
مراد :لا سلامتك . خلاص تقدر تروح .
مشي جاسر . ومراد خلص بسرعة ومكملش الساعة اللي قال عليها . ومشي هو كمان .
في فيلا مراد
سجي تليفونها بيرن …. جاسر.
سجي :جاسر وهو عايز ايه في وقت زي ده …. الو ايوة يا جاسر خير
جاسر :سجي ارجوكي انا عايزك في موضوع مهم ممكن تنزليلي الجنينة بسرعة
سجي :جاسر انت عارف الساعة كام وبعدين الموضوع ده مايتأجلش للصبح
جاسر :لا الصبح هيكون فات الاوان ارجوكي يا سجي ده موضوع حياه اومو.ت . انا مستنيكي في الجنينة الخلفية علشان عم صالح مايشوفناش ويعملها حكاية
سجي :خلاص يا جاسر . هلبس ونزلة لما اشوف انت عايز ايه …… سجي لبست ونزلت لجاسر
في الوقت ده مراد رجع وركن عربيته بس وهو داخل سمع صوت في الجنينة الخلفية .زي صوت سجي . راح بسرعة لقاها واقفة مع جاسر
مراد :اتجنن، هي ايه اللي موقفها معاه في وقت زي ده وكمان هنا وفي الضلمة دي. ليه يا سجي . مراد قرب براحة علشان يسمع بيقولوا ايه . بس من غير مايشوفوه
جاسر : ايوة ياسجي. هو ده اللي لازم يحصل انا بجبك وانتي عارفة وخلاص مش هقدر اسيبك لمراد اكتر من كدة . كفايه انتي كل يوم بتتعذبي معاه وانتي مابتحبهوش . انتي لازم تتطلقي بسرعة علشان نتجوز انتي بتوحشيني اوي . وكمان لو استنينا اكتر من كدة مراد هيخدك مني للابد .
سجي :جاسر بس …
جاسر :قاطعها. من غير كلام لازم بسرعة تطلبي الطلاق منه . انتي هتفضلي لحد امتي متعلقة كدة طيب الاول كنتي بتحطيلوا المنوم اللي جبتهولك علشان تديهولوا وبعد كدة كنتي بتتهربي منه لكن بعد كدة هتعملي ايه .
مراد :حس ان الدنيا بتلف بيه وخلاص معندوش استعداد يسمع اكتر من كدة رجع اخد عربيته ورج تاني بسرعة وسايق زي المجنون ودموعة مابتقفش . ليه ليه يا سجي تعملي فيا كدة ليه ده انا حبيتك؟ انتي! . انتي!! البريئة الملاك . تطلعي خاينة ليه ومع مين جاسر. الحارس اللي بعته يحميكي يقوم بخط.فك مني . اه اه يا سجي ليه ليه … مراد راح علي المكان اللي بيقعد فيه واللي سجي كانت معاه فيه .من يومين بس.
مراد :بيبكي . كلكم خاينين مفيش ست شريفة مفيش . بس انتي بالذات عرفتي تضحكي عليا عرفتي ازاي تدمريني . انا حبيتك وانتي خنتيني . بقي جاسر هو اللي جابلك المنوم علشان تديهولي ياتري كنتي بتعملي ايه معاه . ياتري كنتوا بتتقابلوا فين . ما انا كنت سايبك ليه يوصلك ويرجعك وانا نايم علي وداني . اتريه . كان كل شوية يغلط ويقولي أنسة سجي . وانا اقول هو ايه اللي عرفه اني مدخلتش بيكي . بس دلوقتي عرفت انتي كنتي حكيالوا كل حاجة . اكيد كنتوا بتقعدوا تصحكوا عليا وعلي غبائي . اه اه ياسجي اه . الوجع جاني منك ليه ليه انتي . دا انا حكتلك علي جـ,ـرح عمري وقلتلك الا الخيانة وانتي جيتي وحتطيتي ايدك في جـ,ـرحي وفتحتيه تاني . ليه ليه ياسجي ليه .بس المرة دي الجـ,ـرح صعب صعب اوي . الا انتي الا انتي . انا لازم اق.تلك واق.تله . وعيط مراد اكتر . بس لا انتي لا انا مقدرش ااذيكي انا بحبك . مقدرش اق.تلك زي ما ابويا ق.تل امي . مقدرش . لكن جاسر الكلب ده لازم يمو.ت مش هخليه يعيش يوم واحد بعد النهاردة . طيب اعمل معهم ايه انا مش ممكن احسسها بضعفي واني عرفت . انا هطلقها واخليها تخرج من حياتي . انا مش حستني لما اشوفها في السرير مع واحد تاني وساعتها هق.تلها بجد وهقت.ل نفسي معاها .
مراد حكم علي سجي من غير حتي مايسمع ردها علي جاسر ولا يديها فرصة انها تدافع عن نفسها ودي كانت غلطته لأنه لو كان استني دقيقة واحدة كان سمع رد سجي علي كلام جاسر . سجي بعد ماجاسر خلص كلامه . ردت عليه بالكلام ده
سجي :خلاص خلصت . اسمع بقي يا جاسر. انا بحب مراد وعمري ماحبيت غيره . ويمكن كنت حاسة بإعجابك ليه بس عمري . ما كنت اتخيل . انك تفكر فيا كدة انا عمري ما اخون مراد حتي لو كنت مابحبوش . مابالك وانا بحبه وبحبه اوي كمان وعمري ما حسيبه . وعموما انا غلطانة اني اعتبرتك اخ وصديق . وقف جنبي وساعدني بس مكنتش اعرف انك ساعتني علشان تطلب مني التمن . انا اسفة. اني افتكرتك انسان محترم . انت خنت ثقة مراد فيك بإنك فكرت في مراتوا . وكمان عايزني اطلق واتجوزك . ايه الخيال ده . انا عمري ما وعدتك بحاجة ولا حتي اتجاوبت معاك في اي حاجة . واذا. كان علي علاقتي بمراد فادي حاجة تخصنا احنا وماتخصكش . عن اذنك . ومن بكرة انا هطلب من مراد ان معتز هو اللي يفضل معايا علي طول وانت. مش عايزة اشوف وشك تاني ولا حتي اسمع صوتك .
ومشيت سجي وطلعت أوضتها . وجاسر كمان مشي . ومراد بعد ماهدي شوية رجع الفيلا وطبعا كان اتأخر كتير لحد الفجر وسجي اتصلت بيه كتير وهو مكانش بيرد . كان مصدوم ومش عارف هيرد عليها ازاي وهيتعامل معاها ازاي . وهي اللي كانت من ساعات حبيبته ومراته اللي كان بيحضرلها احلي مفاجأة علشان يسعدها ويفرحا .
مراد :طلع علي أوضته ولقي سجي قاعدة مستنياه . اول ماشافها كان نفسه يض.ربها . يق.تلها وطلع النار اللي جواه .
سجي :جريت عليه وح.ضنته . حبيبي وحشتني . ايه اللي اخرك كدة قلقتني عليك .
مراد :كان واقف زي ماهو حتي ومالمسهاش ولا ح.ضنها . كان ساكت ومبيردش .
سجي :في ايه يا مراد مالك .
مراد :بينه وبين نفسه . مش عارفة . انتي ازاي قادرة تمثلي دور البريئةازي وشك البرئ ده بيقدر يتلون كدة .
سجي :مراد . مراد . رد عليا مالك انت تعبان .
مراد :بجفاء وهو بيحاول مايبصلهاش . انتي ايه اللي جابك هنا وليه مش أوضتك .
سجي :عادي يا مراد انا بقالي يومين ببات معاك هنا انت نسيت .
مراد :لاما مانستش بس ده كان بمزاجي انا وانا اللي اقرر مش انتي . اتفضلي روحي أوضتك .
سجي :في ايه يا مراد . مالك بتكلمني كدة ليه .
مراد :مالي ما انا زي ما انا انتي اللي شكلك نسيتي مراد سلام الحقيقي وافتكرتي اللي شوفتيه الفترة اللي فاتت ده يبقي انا بجد . لا فوقي انا هفضل مراد سلام . وعموما بكرة الصبح حضري شنطتتك علشان معتز هيوصلك اسكندرية عند خالتك ..
سجي :انت بتقول ايه انا مش فاهمة حاجة . انا مش عايزة امشي واسيبك .
مراد :مش بمزاجك . انا لما اقول حاجة تتنفز . بكرة هتسافري يعني هتسافري . واتفضلي بقي سيبيني انام .
سجي :بعد ما انهارت من العياط ليه يا مراد ليه . انت كنت لسة من كام ساعة معايا واحد تاني وقلتلي انك محضرلي مفاجاة . ايه اللي اتغير
مراد :عايزة تعرفي المفاجأة . انت طالق يا سجي . طالق . طالق . امش مش عايز اشوفك . امشي
سجي : انهارت اكتر . لا لا يا مراد قولي انك بتهزر . قولي انك بتضحك عليا . انت مش ممكن تعمل فيا كدة لا .
مراد : قرب منها ومسكها من ايديها. انت ايه . ايه يا شيخة ايه التمثيل ده . انت ازاي بتقدري تعملي كدة . امش مش عايز اشوفك . وخرجها مراد وزقها بره الاوضة وقفل الباب . وسجي . فضلت في الارض بتعيط مصدومة ومش مصدقة اللي بيحصل وازي مراد فاجأة كدة اتغير ورجع زي ما كان ويمكن اسوأ
مراد :في اوضته بيصرخ وبيكسر كل حاجة وعمال . يبكي . خاينة خاينة كلكم خاينين . كلكم خاينين .
سجي :سمعت صوت التكسير والخبط جريت علي اوضة مراد تاني علشان تطمن عليه ودخلت لقته قاعد وايديه كلها دم ومجروحة . جريت عليه
سجي :مراد . حبيبي مالك . ايه عمل في ايدك كدة . قوم بسرعة اغسل الدـ,ـم ده
مراد :بصلها وهو مكسور . صعبان عليكي جـ,ـرح ايدي ومش صعبان عليكي جـ,ـرح قلبي . اخرجي مش عايز اشوفك . امشي انا بكرهك امش. وخرجها تاني والمرة دي قفل الباب بالمفتاح . وسجي رجعت اوضتها وفضلت تعيط لحد الصبح
