ليلي السابع والاخير

ليلي سقفت : اهاااا اهاااا هنا سأسكت قليلااا
مروه بضحك : طب تصدقي بالله انا لحد الان معرفش انا حبيت جمال ازاي حبيته وهو اضعف انسان في الدنيا حبيته في وضع مكنش ينفع يتحب فيه اصلا الوقت اللي الكل كان متخلي عنه كنت انا الوحيده اللي كنت بشتري الدقايق علشان افضل معاه تخيلي بقا
احلام ببتسامه : بيقولك ولا تسأل محب لماذا احببت ف المحب لا ينتظر سبب
ليلي بحب : كلنا حبينا في وقت مكنش ينفع فيه الحب ، انتي حبيتي جمال في ظروف منيله ، وانا حبيت مصطفي رغم ان كان حبه مستحيل
سالم قام وقف : مدام القاعده قلبت حب وغرام استأذن انا اروح الارض اشوف الدنيا هناك ايه واجيب بعضي واجي ” وقام مشي ”
ليلي : اللي بستغربه فيكي يا مروه انك ازاي اتعودتي علي البلد يعني انتي واحده طول حياتك عايشه في مدينه ازاي اتعودتي علي النموس والدبان والبقر والاكل علي الطبليه والطبيخ في الفرن القش والعجين وكل الحجات دي
مروه ببتسامه : انا حبيت التفاصيل دي كلها لقيت فيها نفسي المدينه عيشه بس هنا الحياه الحقيقيه هنا طعم الاكل مختلف العيد مختلف دخلة رمضان مختلفه كل حاجه ليها ريحه وطعم هنا اليوم بيومه هناك الايام كلها شبه بعض انا حبيت التفاصيل الفلاحي دي كلهااا
ليلي بضحك : شوفي سبحان الله محدش راضي بحاله انتي مبسوطه بكل التفاصيل دي وهي مش عجباني كنت عايزه اعيش في القاهره مش في البلد هنا
مروه : علشان انتي مجربه كل اللي انا بجربه دلوقتي وبنسابلك مش حاجه جديده بس لو روحتي وفضلتي اسبوع واحد في القاهره هتعرفي ان الريف هو اساس البلد كلها وانه ليه طعم مختلف عن العالم كله دا كفايه معمر الفرن القش يا وليييه
احلام : تصدقو وحشني العيش البلدي ما تتجدعنو كدا يا صبايا ونقوم نعجن ونخبز شويه
ليلي قامت وسابتهم : الكلام بدء يزعل اهو انا طبعا تعبانه وجايا ارتاح عندكم شويه ف مع نفسكم
مروه قامت مسكت في ايد ليلي : وانا حامل ومش قادره الدكتور قالي اهم حاجه الراحه التااامه
احلام بصتلهم : تصدقو بالله انتو الاتنين مكان ليكم جواز ظلــ,,ـــــمتو رجالتكم بجوازكم منهم
ليلي وقفت وغمزت ليها : وانتي مين قالك اننا ظلــ,,ـــــمت جوزي دا انا مروقه عليه يا احلاام ” وصحكت بمرقعه ”
احلام : اياك يجي يسمع صوت ضحكتك دي وقتها هنشوف مين اللي هيروق علي التاني يا ست ليلي ” وبصت لرشا ” شوفي يختي البنات
رشا : بنات اهو زمن يمااا سالم جوزي من يوم ما جمال عمله البتاع اللي اسمه الفيس دا وهو طول النهار قاعد علي التلفون
احلام بضحك : وطول النهار بيمسي علي البلد اسراء بتقولي
رشا : انا عارفه يختي دا ايه الهم دا الراجل جاي يخيب علي كبر
………………………
” في بيت عيلة الجبراني ”
” نزل مصطفي من شقته قابل غالب علي السلم حط ايده علي رقابته ونزل ”
مصطفي بضحك : مالك يلااا كدا فجأه حسيتك طري كدا
غالب بصله بقرف : ايه طري دي يا وحش ما تنقي
الفاظك كداا ” وراح قعد جنب فاطمه وجده ” ما تبعد شويه كدا يا حج غالي مالك لازق في الوليه كدا ليه
غالي بغيظ : مش واخد بالك انك قاعد جنب مراتي وحاطط ايدك علي كتفها يا غالب الكلب
غالب باس خد بطوط ببتسامه سمجه : وببوسهاا كمان ليك شووق في حااجه
فاطمه ضحكت : قلبي وروحي يولاد ” وباست خده ” ان مدلعش عليا يدلع علي مين ياناس
غالب ببتسامه : بوسي خدي التاني كمان
فاطمه ضحكت وباست خده : القلب والروح ونوارة البيت يولاد تفااحه يولاد تتاكل كدا يخرابي
غالي قام وقف وكله غيظ : انا رايح الارض وسايبكم في جولة العشـ,ـق الممنوع دا سلام
غالب بصوت انوثي: اقفل باب البيت وراك يا غالي وانت طالع وبراحه شويه يا روحي علي اعصابك هتبوظ
فاطمه ضحكت وبعدين اتكلمت بحنان لمصطفي : وانت يا مصطفي مراتك هتيجي امتي شهر كامل برا البيت اهو معقول لسه تعبانه
مصطفي بتنهيده : طب اعمل ايه ما انتي كنتي معايا الاسبوع اللي فات وانا هناك تقولك سبني براحتي وانا هاجي
اميمه جابت الشاي وقعدت جنبهم : ما هي بتقولك كدا من الاسبوع التاني يابني ومبتجيش ميمفعش واحده تغيب عن جوزها كل دا طب احلام عارفه في الاصول معقول مبتقولش ليها
مصطفي بقلة حيله : وانا مش عايز اغصب عليها تيجي سايبها براحتها علي الاخر كل يوم اقول هتيجي بس هكلمها كدا النهارده جت خير وبركه قالت خليني شويه وشغل النسوان دا هكلم عمها سالم
فاطمه : ازاي يعني هتكلم عمها سالم وعمها هيعمل ايه يا مصطفي هيقولها قومي روحي وهي في بيته كلم مراتك وقولها كفايه كدا وتيجي بيتك بقا متردش علي حد
مصطفي وهو بيشرب الشاي : اشوف بس اللي هيحصل وبأذن الله ربنا يهديها وتيجي
بسمله نزلت وعلي اديها ابنها : صباح الخير
الكل : صباح النور
بسمله : غالب عايزه لبن والعلاج بتاع عمر
فاطمه اخدته منها وحسست علي راسه : الحمدالله السخونيه خفت النهارده اهي
بسمله : بس مناخيره مسدوده لسه يا بطوط
فاطمه : مش بياخد العلاج اللي الدكتور قال عليه
بسمله : بياخده والله والدكتور عمله تنضيف لمنخيره يوم ما كنا هناك
فاطمه حــ,,ـــــضنته تدفيه : بإذن الله هيكون زي الفل بس لما يخلص العلاج
مصطفي : الدور ماشي في الجو سلمي بنتي البرد مبيخفش من عندها خالص
فاطمه : بسبب الجو الشتا السنه دي صعب اووي والجو برد العيال لازم تلبس تقيل
مصطفي قام وقف : مش يلا يا غالب ولا اييه
غالب : يلا يا كبير ” واخدو بعضهم ومشيو راحو علي شغلهم ”
…………………………
” في منزل سليم ”
” كنز واقفه في المطبخ بتجهز الفطار واماندا قاعده علي الرخامه بتتكلم معاها ”
كنز : وبعدين عملت ايه ؟
اماندا بحماس : راحت الست الشريره اللي خطفت روبانزل من مامتها وحبستها في البرج الكبير علشان روبانزل متقدرش تنزل تاني وقالتلها ان العالم في ناس شريره كتير ومينفعش روبانزل تنزل الشارع
كنز عملة نفسها مدهوشه رغم انها عارفه الحكايه كلها : وفضلت محبوسه طول الوقت ؟
اماندا برفض : لاء جيه يودجين ودخل يتحامي في البرج بعد ما سرق التاج من اصحابه واتصدم بروبانزل خبطته في راسه بطاسه وبعدين ربطته من ايده ورجله بشعرها السحري الطويل .. ماما هو انا معنديش شعر كبير اوي زيها ليه ؟
كنز بصتلها : بكرا لما تكبري شعرك هيطول وهيبقي كبير زي روبانزل بس لازم تكلي كل اكلك وتنامي بدري وتسرحي كل يوم بعدين شعرك هيبقي جميل شبهه
اماندا ضحكت بفرحه : وكمان لما اكبر هيكون عندي واحد زي يودجين ويعمل ليا مصابيح بتنور في السما واتجوزه صح
كنز ضحكت وحــ,,ـــــضنتها : وتعيشو في تبات ونبات وتخلفو صبياان وبنااات حلوه شبهك كداا يلااا افتحي بوقك دوجي البيض دا كدا
اماندا بقرف : بس انا مش بحب البيض خالص
كنز : طب ازاي هتكبري ويبقي عندك شعر سخري شبة روبانزل ؟
اماندا بتفكير : يعني لو اكلت البيض هيبقي عندي شعر سحري شبه روبانزل ؟
كنز بتأكيد : طبعااا يلا افتحي بوقك ” اماندا اكلت حته من البيض ” ايه رأيك طعمه حلو صح ؟
اماندا : طعمه تحفه تسلم ايدك ” وباست خدهاا ”
كنز باستها من خدها بقوه : يلا نروح تصحي بابااا ” وشالتها وراحت علي اوضة النوم وقالو في صوت واحد ” اول يوووم مدرسه اول يوم مدرسههه بابا اصحي
سليم بكسل : اول يوم مدرسه ايه مفيش مدرسه
اماندا ببرائه : نيموو قال كدا لباباه علشان يصحي يلاا اصحي انت كمان
سليم قام من علي السرير وابتسم : اية ريحة الفطار التحفه اللي علي الصبح دا وايه الحلاويات اللي قدامي دي
كنز ببتسامه : يلا قوم خد شور علي ما نجهز الفطار علي السفره ” ومدت اديها لاماندا ” يلا يا هانم
اماندا ببتسامه : الاميرات برضو بيساعدو في البيت ف اتشرف طبعا اسعدك في الفطار ” ومسكت اديها وراحو علي المطبخ ”
‘ سليم ادرك فعلا ان هو من غير كنز مكنش عايش ولا هو ولا بنته ، حاسس بكل حاجه ليها طعم مختلف معاها ، وكل حاجه مخلوط بفرحه وابتسامه ، حس اخيراا انه مكتمل بوجودها معاه♥️ ‘
……………………………
” مصطفي اخيرا خلص شغل وكانت الساعه ٨ بليل كان يوم مرهق بجد خلص شغله وراح علي بيت نسايبه بعد ما جاب حلاه ليها قابلته بنته بفرحه كبيره وهو شالها ”
سلمي بفرحه : بابا جيييه بابااا جيييه
سالم ببتسامه : يعني التكشيره اتشالت يعني اول ما ابوكي جيه طول النهار مكشره وزعلانه مجرد ما شافتك عملت فرح
مصطفي بضحك : قلب ابوها وعقله دي امال ليلي فين ؟
احلام : كانت بتستحمي ادخل هتلاقيها قاعده في اوضتها
” مصطفي ساب سلمي بكيس الحلاوه ودخل اوضة مراته ، ليلي كانت لسه خارجه من الحمام ولفه فوطه حوالين جسمها وواقفه قدام الدولاب تجيب بيجامه تلبسها ”
مصطفي راح من وراها وحــ,,ـــــضنها وباس رقابتها وهمس : دا انا امي دعيالي بقاا علشان اجي اشوفك كدا ؟!
ليلي اتخضت في الاول بس لما سمعت اسمه ابتسمت بخجل : طب ابعد بقاا وافتكر ان الكل برا
مصطفي بضحكه خفيفه : دا احسن حاجه ان الكل براا وبعدين اييه بقا هترجعي امتي موحشتكيش كل دا ؟
ليلي لفت ليه وحطت اديها علي رقابته : وحشتني اووي والله بس انا قولتلك سبني براحتي وانا هاجي
مصطفي بجديه : لأمتي يا ليلي ما انا بقالي شهر سايبك براحتك بعيده عني وعن حــ,,ـــــضني ولا انتي مش ناويه ترجعي ؟!
ليلي بحزن : عايزه ارجع اكونلك زوجة يا مصطفي مش واحده تعبانه تتعبك معايا برضوو
مصطفي باس اديها : ياستي انا راضي اتعب معاكي انا موافق ملكيش دعوه ان متعبتش معاكي هتعب مع مين
ليلي حطت راسها علي صدره : مصطفي انا لما بقف كتير او اشيل حاجه تقيله بنزف متخيل اللي انا هكون فيه الدكتوره قالت هتقدري ترجعي لحياتك الطبيعيه لما النزيف يقف
مصطفي : مش انا اللي هتعب معاكي وانا اللي هشيل المسؤليه ملكيش فيه بقاا انا معاكي لحد ما تتعافي علي الاخر
ليلي بضحك : هتغسل وتطبخ وتنضف وتنشر
مصطفي بضحك : لو عيزاني ارضع هرضع والله العظيم بس ارجع الاقيكي في الشقه وصوتكم في الشقه البيت ملوش قيمه من غيركم
ليلي : ابعد بس كداا البس علشان تلجتتت
مصطفي بعد شويه وبصلها من فوق لتحت وغمز بوقاحه : عليا الطلاق بطل
” ليلي ضحكت بمرقعه ”
مصطفي قرصها في وسطها : بعد الضحكه دي كدا هقل ادبي ونفرج الناس علينااا
ليلي اخدت هدومها : وعلي اييه هروح البس
مصطفي : وهاتي شنطه الملك هدومك علشان تروحي بقا
ليلي بصتله وهي بتلبس : طيب سيبني بس النهارده وتعالي خدني الصبح والله بجد هتيجي تلاقيني وقفالك علي الباب مستنياك
مصطفي بصبر : يا صبر ايووب نصبر لصبح محصلش حاجه هطلع اشرب سيجاره مع عمك برا تكوني طلعتي عملتيلي كوباية قهوه مظبوطه
” مصطفي فتح باب اوضة مراته ولسه طالع شاف منظر صدمه ”

” ﺇﺣﻔﻈﻮ ﻣﻶ‌ﻣــﺢ ﻣﻦ ﺗﺤﺒﻮﻥ ﻷ‌ﻧـﮬﻢ
ﻳﺮﺣڵـﻮﻥ ﺑــﻶ‌ ﻣﻮﻋﺪ ♥️ “

الفصل الثالث و العشرون 23
جمال : اصل هاخد البوسه يعني هاخدها ف متحاوليش بقااا
مروه بتحاول تبعد : جمااال ابعد متفرجش الناس عليناا اتلم بقااا
مصطفي واقف ولا عارف يمشي ولا عارف يرجع : مش في ميتين ام الطرقه يعني يا جمال يعني مش في النص كدا ولا عارف اروح ولا عارف ارجع يا اخي
” مروه اتنفضت وجريت علي المطبخ بعدها مصطفي ملمحهاش خااالص ”
جمال بغيظ : كان هيحصل ايه لو دخلت قعدت مع مراتك الخمس دقايق اللي هاخد فيهم البوسه يعني ؟
مصطفي برفع حاجب : هتاخد بوسه في خمس دقايق ؟
جمال : يجدع واستعجل ليييه انا وراياا حاجه
مصطفي : يعم انا ورايااا وانت واقف في نص الطرقه ومصمم تبوسها ما تتلم في شقتك يعم وبلاش فضايح ” واخد بعضه ومشي علي الصاله ” اييه العيله الغريبه دي
سلمي جريت عليه اتشعلقت في رقابته : بابااا انا عايزه تيشيرت احمر زي سطوحي ؟!
مصطفي بستغراب : سطوحي ؟! سطوحي دا مين بقااا ؟
سلمي ببرائه : سطوحي ابو تيشيرت احمره وشورت اصفره
احلام بضحك : دي اغنيه كدا لأطفال بس معقله معاها كدا بقالها اسبوع ومصممه تجيب تيشيرت احمر
مصطفي ضحك وهو بيبوس في سلمي : اجيبلك تيشيرت احمر واخضر واسود وكل الالوان يا قلبي
ليلي طلعت وفي ايدها كوباية القهوه اللي مصطفي طالبها : قهوتك اهي ” وقعدت جنبه ”
مصطفي بصلها ببتسامه : تسلم ايدك يا غاليه ” وبص لسالم وجمال ” انا هاجي اخد ليلي بكرا يا عم سالم
سالم : لو هي موافقه وحسه انها كويسه وقادره تشد حيلها تيجي معاك يابني
مصطفي ببتسامه : يبقي ان شاء الله هاجي اخدها بكرا البيت ملوش حِس من غيرهم
جمال : الراجل لما يرجع البيت ويلاقي مراته وبنته بالدنيا وما فيها
مصطفي وهو بيدوق القهوه : لما كانو في البيت كنت بخلص شغل سريع سريع علشان اروحلهم دلوقتي مبقاش يجيلي مزاج اروح اقسم بالله
ليلي بمرح : بكرا هنيجي ونقرفك من تاني وهات وانت جاي وهات وانت راجع
مصطفي بضحك : ياستي تنوري انتي البيت وانا مستعد اجيبلك كل اللي عيزاه
جمال بضحك : تصدق بالله انا مستغرب حبكم لبعض لحد وقتنا دا يعني جدي وجدك كان بينهم مشاكل الدنيا والاخره وحقيقي كانت مستحيل تتحل وتقومو انتو تحبووو بعض ؟!
مصطفي ابتسم : بيقولك ايه مطرح ما تلاقي ضحكتك ابني بيت واسكن فيه وانا ملقتش ضحكتي بس مع ليلي انا لقيت السعاده ولقيت راحه البال والراحه والراجل مننا مش محتاج حاجه من مراته غير انها تكون تحت امره ومريحاه اول ما حسيت دا مع ليلي انا بنيتها في قلبي الاول ثم بدأت ابني البيت ‘
جمال ببتسامه : امتي حسيت انك نجحت في علاقتك بليلي ؟
مصطفي بتنهيده : بص يا جيني العلاقة الناجحة مش معناها إن في شخصين كاملين قابلوا بعض لأ خالص الحكايه مش كدا خالص
سالم بستغراب : الشخصين كاملين من كل حاجه العلاقه ليه متكونش ناجحه مش فاهم ؟
مصطفي : اقولك انا ياسيدي العلاقه الناجحة يعني شخصين تقبلوا عيوب بعض وتعايشوا معاها شخصين بيضحوا في سبيل توازن ونجاح العلاقة طرف لما يشد التاني يرخي طرف يطبطب وطرف يداوي العلاقات بتنجح بالتفاهم والموده والرحمة فهمت ياعم سالم
جمال ببتسامه : دماغ توزن بلد والله العظيم
احلام ببتسامه : حقيقي الانسان مش الشخص المناسب بينور
ليلي بضحك وهي بتخمس في وشهم : الله اكبر الله اكبر هتحسدو الراجل اللي حيلتي في الحيااه
مصطفي قام وقف بضحكه خفيفه : لاء مدام فيها حسد استأذن انا بقا تصبحو علي خير ” وراح علي باب البيت ”
ليلي جريت عليه بخضه : رايح فيين خلييك بايت هنا النهارده ونروح مع بعض الصبح
مصطفي : وليه الموال دا ما كنا روحنا علطول وخلاص انتي عارفه مبعرفش انام غير في بيتي
ليلي بلهفه : طيب خليك سهران معايا شويه انا مبلحقش اشوفك خالص
مصطفي حط ايده علي خدها بحنان : انا جاي من الشغل والله العظيم مطحون بس مقتدرش اروح من غير ما اشوفك يعني انا هروح احط دماغي علي المخده وانام
ليلي باست خده : متتأخرش عليا بكرا البيت وحشني ؟
مصطفي برفع حاجب : البيت اللي وحشك مش انا مااشي ياستي
ليلي بضحكه حلوه : علي فكره انت وحشني حتي وانت معايا ف اكيد مش مستني مني ان اقولك وحشتني ؟
مصطفي : لاء مستني عايز كل دقيقه وكل ثانيه احس ان بوحشك وان عندك زي ما انا حبي مقلش في قلبك ولا ثانيه عايز اسمع وحشتني وبحبك طوول الوقت منك يا ليلي
ليلي : حبك يقل في قلبي دا انا الدم يقل ولا حبك يقل لحظه واحده يابن الجبراني وبعدين يعم متزعلش لينا بيت يلمنا بكرا نقول براحتناا بقا ” وغمزت في الاخر ”
مصطفي بضحك : لاء مدام فيها غمزات يبقي لازم اروح فعلا ” وفتح الباب وطلع وبصلها ” ادخل يلا انا هتسرق يعني
ليلي قفلت الباب والابتسامه علي وشها لفت لقت جمال في وشها مشكر فصرخت : استغفر الله العظيم يا جدع خضتني مالك واقف شبه حرس الحدود كدا ليه ؟
جمال وهو لسه مكشر بغضب : وانتي مين قالك ان انا جمال مش ممكن اكون جن ومتجسد في شكله ؟!
ليلي ابتسمت بخوف : يعني يوم ما يطلعلي جن يتجسد في شكل جمال صدق اللي قال قليل البخت يلاقي العضم في الكرشه
جمال غضبه زاد : انا مبهزرش انتي دلوقتي هتلاقي مرات جمال نزله من علي السلم هتقولك ليلي مشوفتيش جمال ؟
” وفعلا اول ما خلص كلام نزلت مروه من علي السلم وهي ماسكه بطنها ”
مروه راحت جنبها وبصتلها : ليلي مشوفتيش جمال ؟
” ليلي برقت وصرخت تاني ومروه اتخضت ”
مروه بستغراب : مالك في ايه انا قولتلك حاجه غلط دا انا بسألك علي جمال ؟
ليلي بخضه حقيقيه : ما هووو قدامك اهوو
مروه اتلفت حواليها بستغراب : قدامي فين انتي اتجننتي ولا ايه مفيش حد غيرنا انا وانتي ؟
” ليلي صرخت بقوه المره دي ف جمال ومروه ماتو من الضحك واحلام طلعت من المطبخ بغضب من صوتها ”
احلام بغضب : بتصوتي ليه يا متخلفه انتي ؟
جمتل بضحك شديد : اسكتي يا احلاام البت كانت شويه وهتمــ,,ـــــوت ااااه لو شوفتي المقلب اللي عملته فيها انا ومروه
ليلي بغضب : ضــ,,ـــــربه في قلبك وقلب مراتك يا جمال وقفتو قلبي منكوو لله انتو الاتنين انا صدقت ان فعلا طلعلي جن ” ودخلت علي الصاله قعدت جنب عمها ومرات عمها اللي شايله سلمي نايمه ”
رشا : خدي يا ليلي نيمي بنتك جوا من البرد
ليلي اخدتها منها : لما ادخل انام انا كمان يلا تصبحو علي خير ” ودخلت علي اوضتها ”
………………………….
” صباح يوم جديد غالب صحي وكان حاسس بصداع رهيب دخل اخد شور وطلع ”
بسمله قامت من النوم وبصتله : اقوم اجهزلك الفطار ؟
غالب بتعب : لاء هفطر تحت مع العيله
بسمله قامت مسكت ايده بستغراب : مال صوتك وجسمك سخن كدا ليييه ؟
غالب بعد وشه عنها وعطس : تقريبا داخل علي دور برد خليكي بعيده بقا علشان مش عايز اعديكي علشان عمر لو فيه حبوب بنادول هناا هاتي حبايه
بسمله راحت علي الدرج المخصص للأدويه وفضلت تدور لحد ما لقيتها : اهي ارتاح هنا علي ما اعملك سندوتش صغير تاكله علشان تاخد الحبايه
غالب قعد علي السرير وهو حاسس انه متلج : لاء مش قادر انزل الشغل خالص
بسمله : ارتاح النهارده يحبيبي مش مشكله تروح نام وارتاح علي ما اعملك حاجه تاكلها ” وراحت علي المطبخ ”
غالب مسك البطانيه ولفها عليه كويس : لالا دا مش دور برد اكيد دا انا معمولي عمل
……………………
جمال واقف قدام المرايه بيرش برفان وبيغني بمزاج رايق : والضحكه الحلوه ديا قولي بتخبيها لمين والنبي حليها مجاملة طب نصها مش لازم كامله
مروه وهي نايمه علي السرير و رافعه حاجبها: وهي مين اللي بتخلي ضحكتها يا جماال باشااا ؟
جمال بصلها بستغراب : ضحكة مين ومين اللي بيخبي ؟
مروه بغيره : مش بتقول والضحكه الحلوه ديا بتخبيها لمييين مين ام ضحكه حلووه دي وحاطط برفان ولابس ومتشيك وراايح فين كدا ؟
جمال شم نفسه : هو لما احط برفان والبس كويس دا فيه حاجه
مروه : لاء مفيهاش حاجه بس لابس كدا ورايح فين يعني ؟
جمال بدهشه : مالك يوليه علي الصبح انا اول مره البس كدا هو ايه اللي رايح فين نازل الشغل
مروه بشك : نازل المزرعه بقميص ابيض وبنطالون كلاسيك ؟!
جمال بص للمرايه وكمل تسريح شعره : لاء نازل المنصوره قي مصلحه هعملها الاول
مروه قامت وحطت اديها في وسطها وقالت : مصلحة اية بقا ان شاء الله ؟
جمال بصلها : مروه وحيات امك متتهبليش قولتلك رايح في مصلحه يعني لو عايز اقولك كنت قولتلك ف مترغيش كتير بقا
مروه بإندفاع : رااايح تقابل نسوااان ملهااش حل كل الشياكه دي ووقفتك قدام المرايا بقالك ساعه وعمال تغني لعمرو ديااب يعني بتخوووني ؟؟
جمال بزهق : اتنيلي انا قومت بيكي علشان اقوم بغيرك ” واخد فونه من تحت المخده وراح باسها من شفايفها بوسه سريعه وهمس في ودنها ” وغلاوة ابني اللي لسه ما شوفته انا ما بحب غيرك ولا اعرف غيرك ولا اقدر اخونك ارتاحتي كدا
” مروه بصتله وسكتت بس الشك جواها ومش قادره تبطل وجمال فاهم دماغها كويس ”
جمال بدهشه : انا بحلف بغلاوة ابني وانتي مش مصدقاني ؟ لو عيزاني مروحش انا معنديش مانع بس مدخلش الشك بيتناا ولا بينا يا مروه ‘
مروه اقتنعت شويه مش معقول هيحلف بإبنه كدب يعني : لاء روح انا واثقه فيك بس متتأخرش …يلااا قووم مستني ايه ؟
” جمال قام وقف واخد مفتاح عربيته ونزل من الشقه ”
…………………………….
” الساعه اصبحت ٥ المغرب ليلي جهزت هدومها هي وبنتها في شنطه علشان ترجع بيتها ، واحلام جابت ليها مخزون شهر كامل لشقتها ”
احلام طلعت من المطبخ ومعاها علبه كبيره : ليلي دي فيها البيض اوعي تتكسر منك واول ما توصلي اللحمه والفراخ حطيهم في الفريزر اوعي تنسي
ليلي وهي بتاكل تفاح : بالله يا احلام انا معرفش اناي جايبه الحجات دي كلها ليه طب ما انا كنت لما اروح هخلي مصطفي ينزل يجيب كل الحجات دي
احلام : يعني بنتي تكون عندي بقالها شهر ولما تيجي تروح عند اهل جوزها اروحها طويله عريضه كدا من عير كيس سكر حتي ؟!
ليلي : محدش بيدقق هناك والله البيت مليان حجات من اللي انتي جيباها دي
احلام : اللي عنده حاجه ربنا يباركله فيها متبثيش لحاجة غيرك حجتك في شقتك تكفيكي انتي وجوزك وبنتك لو احتاجتي حاجه تتصلي عليا اجيبهالك واجي واوعي تنسي علاجك وتصحي بدري تاكلي متناميش ” والجرس رن ” اهو باينه جوزك
ليلي قامت بلهفه : انا اللي هفتح ” وجريت علي الباب فتحت ببتسامه كان مصطفي في وشها ” اتأخرت ليييه ؟
مصطفي بهمس : حقك علياا كان ورايا شغل كتير اول ما خلصت جيت علطول المهم يلا هاتي الشنطه بتاعتك وسلمي علشان نمشي ؟