زوجتي المريضه

وليد كان هيتأثر يكلام نيرة لكنه اتمالك نفسه عشان ميضعفش وبص لتميم پغضب بس تميم ابتسم بسخرية

تميم ببرود انت قدامك فرصة انك تنجي بحياتك دلوقتي وصدقني انا لو كنت عاوز اذيك كنت عملت كدة بس دانة وخالتو اللي منعتني بس قضيتك كدة انا هتصرف فيها واوعدك انك مش هتخرج منها غير علي قپرك

اتوتر وليد وبص لدانة ونيرة بقلق وسابهم ومشي وخصوصا انه عارف ان تميم بيتكمل بثقة لانه اكيد معاه دليل يدينه بيه فمشي بخيبة امل وهو بيبرطم بتوعد ووقتها دانة كانت مڼهارة

تميم بهمس اهدي يا دانة انا جمبك اوعي تخافي من اي حاجة واي حد انتي فاهمه

دانة پخوف وهي بتمسك جامد في هدوم تميم انا مش خاېفة غير عليك مش عاوزاك تروح مني زي ماما زمان خاېفة تبعدو عني. تميم انا بحبك متسيبنيش

تميم بابتسامة وهو بيرفع وش دانة ليه انا عمري ما هسيبك يا دانة مهما حصل ومهما قولتي كلام من الكلام الخايب اللي قولتيه فوق ده انتي روحي وانا لا يمكن هخليكي تفارقيني

كانت متابعاهم نيرة بفرحة وسعادة ولاول مرة تحس انها خلاص بقت مطمنة ومش قلقانة علي دانة لانها مع تميم حبها الحقيقي

نيرة بسعادة يعني افهم من كدة اني هفضي الشنط تاني يا دانة

دانة ابتسمت بخجل وهي بتبص لتميم ايوة يا ماما انا بحب تميم وهعيش معاه بس انا خاېفة عليه

نيرة بحنية متقلقيش يا دانة وليد مش هيقدر يعمل حاجة لانه عارف ان تميم مش هيسكت فهيبعد لانه ملوش مصلحة خلاص هو كدة دايما بيجري ورا مصلحته وبس

تميم بحب مش قولتلك مټخافيش. انتي متجوزة راجل علي فكرة..

دانة بابتسامة انا عارفة بس خۏفي عليك ملوش علاقة انا هفضل دايما اخاڤ عليك لانك كل حاجة ليا

تميم بحب وانا كفايا عليا اسمع الكلام ده منك يا دانة وعشان كدة هسيبك تقلقي عليا براحتك يا طفلتي البريئة

ابتسمت دانة بحب وكانت وقتها اسعد انسانة علي وجه الارض وهي مع تميم حبيبها