زوجتي المريضه

تميم بلهفة بالعكس اوقات بيكون الوقت كفيل انه يداوي وخصوصا لو الشخص اللي چرح بيحاول يصلح اللي عمله وانا مش هيأس يا دانة وهفضل احاول

دانة بخنقة هطلقني امتي يا تميم

تميم بابتسامة لما امـ,ـوت ووقتها برضه هتكوني علي اسمي يا دانة تصبحي علي خير

مشي تميم ووقتها دانة ابتسمت بهدوء وكانت حاسة انها قلبها هيخرج من مكانه بسبب ان تميم متمسك بيها واتمنت لو يكون فعلا كلامه صدق مش شفقة عليها

تاني يوم كانت نازلة دانة وهي لابسة وجاهزة عشان تخرج بس وقفت مكانها باستغراب لما شافت بنت جميلة اوي قاعدة لوحدها فقربت منها بفضول

دانة بابتسامة اهلا انتي مين.

كارما بابتسامة اهلا انا كارما ابقي مديرة مكتب تميم

دانة بتفحص وتلقائية اه اهلا وسهلا وانتي جاية هنا ليه

كارما باستغراب تميم طلبني وانا جيت حضرتك تقدري تسأليه بقي هو ليه دي

دانة بتكشيرة وهي بتقعد تمام هقعد معاكي بقي عشان متقعديش لوحدك

كارما ببرود لا حضرتك تقدري تتفضلي انا كدة كدة مستنية تميم

دانة بضيق تميم هو انتي مش ملاحظة ان مفيش رسميات يعني ولا ايه

كارما بغرور عشان انا مش بس مديرة مكتبه انا صديقته فاحنا مفيش بينا رسميات اهو جه

اتغاظت دانة وكانت قاعدة مضايقة وهي شايفة تميم بيقرب من كارما وبيتكلم معاها

تميم بابتسامة اتفضلي يا ستي ادي الملف اوعي تنسي تبعتيه ضروري للشركة وشوفي ردهم ايه وبلغيني

كارما ردت علي تميم بخــ,,ـــــبث وهي بتبص لدانة بقصد ماشي يا سيدي بس انت هتدفع حق المرمطة دي ومتفتكرش انك هتضحك عليا بعزومة اخر مرة

تميم بابتسامة لا متقلقيش المرادي مش هخلع وبعدين المرة اللي فاتت انا دفعت اينعم مشيت بسرعة بس

دفعت

كارما بضحكة عالية عندك حق عموما ملحوقة وهيبان بقي المرة الجاية يلا همشي انا بقي

تميم بابتسامة وهو بيبص لدانة دانة انتي هنا من امتي صباح الخير الاول

دانة بانفعال لا متشغلش بالك وكمل اللي كنت بتعمله انا كدة كدة ماشية

تميم باستغراب رايحة فين وبعدين بتكلميني كدة ليه انا مش فاهم

دانة پغضب انا بيني وبينك ايه عشان اكلمك اصلا انت ولا حاجة وسع كدة

تميم انفعل لان دانة كلمته بالطريقة دي قدام كارما فمسك ايد دانة پغضب استني هنا انتي ازاي تكلميني كدة

دانة بعصبية انا اكلمك زي ما انا عاوزة انا مش تحت امرك ولا السكرتيرة بتاعتك عشان اقعد امرقعلك

كارما بضيق طب انا همشي انا يا مستر تميم

تميم بجدية استني يا كارما دانة اعتذري لكارما علي اللي قولتيه ده حالا لانه ميصحش وعيب

كارما ابتسمت بخــ,,ـــــبث لدانة اللي اڼفجرت پغضب وهي بټعيط لو اخر يوم في عمري مش هعتذر لدي وبعدين انت ملكش اي حق عليا عشان تقولي اعتذر لحد انت فاهم انا بكرهك يا تميم اصلا وهتطلقني قريب ياما هرفع عليك قضية واخلعك ها

تميم پغضب اكبر وهو بيضغ علي ايد دانة وانا قولت هتعتذري يا دانة حالا والا انا هيكون ليا تصرف مش هيعجبك

دانة عيطت وردت بۏجع انت بتوجعني سيب ايدي يا ماماااا

نيرة بسرعة وهي بتقرب منهم في ايه مالك يا دانة وانت ماسكها كدة ليه يا تميم

تميم پغضب الهانم مش عاوزة تعتذر لكارما مديرة مكتبي بعد ما هانتها هنا في بيتنا

دانة پغضب ودموع ده مش بيتي وانا مش هقعد فيه ثانية واحدة انت فاهم

طلعت دانة تجري علي فوق وكانت متابعهاها كارما بخــ,,ـــــبث وشماتة اما نيرة فبصت لتميم بعتاب ووقتها تميم نفخ پغضب فاتكلمت نيرة بقصد وهي بتبص لكارما انت غلطان يا تميم لازم تراعي مشاعر مراتك وتفهم انها بتغير عليك وليها حق بس هقول ايه بقي

قالت نيرة كلامها وطلعت لدانة وتميم وقتها انتبه للكلام وهو بيراجع اللي حصل وبص للسما وهو بيغمض عنيه بندم

كانت بتلم دانة هدومها وهي بټعيط بحړقة وكانت واقفة جمبها امها وبتحاول تهديها

نيرة بهدوء اهدي يا دانة ومتعمليش في نفسك كدة ومتنسيش انك برضه غلطانة عيب تغلطي في ضيفة هنا

دانة بانفعال غلطانة انتي كمان بتغلطيني يا ماما انتي مشوفتيش كانت بتقولي ايه ولا بتستفزني ازاي. بس الحق مش عليها الحق علي تميم اللي خلاها تشمت فيا بس انا بقي مش هقعد هنا ثانية واحدة والمرادي مش هرجع في قراري