زوجتي المريضه

وليد بتوتر بس انا عمها وليا حق فيها وكمان يهمني اطمن عليها برضه

تميم بسخرية تطمن عليها وكانت فين حنيتك وهي مرمية لمراتك ټعذب فيها اسمع يا وليد دانة تنساها خالص انت فاهم واوعي تفتكر انك لما جوزتهالي تبقي طاقة القدر اتفتحتلك وانها هتعود عليك بفايدة لا مش انا وانت عارف ثم تعالي هنا انت عرفت منين انها عايشة معايا كدة

وليد بتوتر انا كلمتها في التليفون واستدرجتها في الكلام وفهمت يعني انك

تميم بعصبية الموضوع ده لو اتفتح تاني صدقني هزعلك ويلا من غير مطرود ومشوفش وشك هنا تاني

قام وليد بعصبية ماشي يا تميم بس انت هتشوفني كتير ومتفتكرش انها كدة خلصت

مشي وليد من مكتب تميم اللي كان متابعه بغموض وبيفكر هيعمل ايه في المشكلة دي

…………………………………..

دخل تميم الفيلا بليل وكانت نيرة قاعدة مستنياه وباين عليها القلق واول ما شافت تميم قربت منه بسرعة

تميم باستغراب في ايه مالك يا نيرة شكلك قلقان ليه كدة

نيرة بلهفة ايوة يا تميم انا مرضيتش اكلمك بس دانة مختفية من الصبح ومعرفش عنها حاجة ودورت عليها كتير معرفش هي فين

تميم باستغراب يعني ايه مختفية هي هتروح فين يعني مش فاهم تلاقيها نايمة ولا حاجة

نيرة بتردد لا يا تميم اصل الصبح انا بصراحة حاولت افكرها باي حاجة قولت يمكن تتكلم معايا بس هي توهت وعملت نفسها مش سامعاني وبعدين سابتني وطلت فقلقت بعدها بشويه وطلعت اشوفها مالقتهاش انا خاېفة اوي يا تميم

تميم بجدية اهدي طيب ان شاء الله هنلاقيها طالما هي مخرجتش يبقي هنلاقيها انا هطلع ادور وانتي دوري تحت وفي الجنينة

طلع تميم وبدأ يدور في كل الاوض ومكنش لاقي دانة واخر حاجة دخل اوضته وبرضه مالقهاش فقلق اوي احسن تكون مشيت ففكر يخرج يدور بالعربية بس قبل ما يخرج من الاوضة سمع نكش تحت سريره فكشر باستغراب وراح رفع الملاية واتفاجأ بدانة نايمة تحت السرير بتاعه وضامة رجليها وضع الطفل فاتنهد براحة وحال يصحيها

تميم بهدوء دانة فوقي انتي ايه اللي نيمك هنا

دانة صحيت وبصت لتميم وبعدين ردت بعفوية اصلي كنت خاېفة اوي يا انكل تميم

تميم بهدوء طب واشمعني نمتي هنا يعني منمتيش عند نيرة ليه او في اوضتها

دانة بتلقائية مش بحس بالامان غير هنا ممكن انام هنا انا لسة عاوزة انام

تميم اتوتر ورد بتردد طب اطلعي من هنا الاول وبعدين نشوف الموضوع ده

دانة خرجت من تحت السرير وفجأة قربت من تميم وهي بتتكلم متشكرة يا انكل انك هتخليني انام هنا بجد شكرا انا بحبك

تميم قلبه دق واتوتر اوي وبعد دانة عنه وهو بيرد باختصار احم نامي انتي هنا انهاردة زي ما انتي عاوزة تمام

دانة بتكشيرة هو انت مش هتنام جمبي انا عاوزاك جمبي مليش دعوة

تميم بهدوء مش هينفع انا مبحبش انام جمب حد انتي نامي مكاني وانا هنام في اوضة تانية تمام

دانة بتكشيرة حاضر

تاني يوم كانت واقفة دانة قدام تميم وهي مكشرة ومربعة ايديها وبتبصله بضيق وهو قاعد مع نيرة

نيرة باستغراب مالك يا دانة مكشرة كدة ليه طب حتي قولي صباح الخير

اتجاهلت دانة كلام نيرة وقربت من تميم وقالتله پغضب انت كنت هتمشي من غير ما تقولي وتسلم عليا وكمان سبتني نايمة ومصحتنيش انا زعلانة منك

تميم بهدوء انا مرضيتش اقلقك يا دانة فقولت اسيبك تنامي براحتك عموما ملحوقةصباح الخير

دانة بابتسامة واسعة صباح النور يا تميم

تميم باستغراب ايه ده اول مرة متقوليش يا انكل تميم زي. ما متعودة

دانة بتلقائية عشان انا شوفت الاميرة في الفيلم مش بتقول للامير بتاعها يا انكل يبقي انا مش هقولك يا انكل.

ابتسمت نيرة بفرحة وبصت لتميم اللي كشړ ورد باندفاع لا لازم تقوليلي يا انكل عشان انا اكبر منك فمتمليش دماغك بالكلام ده فاهمة

دانة بحزن حاضر يا انكل بس انا مخاصماك عشان بتزعقلي

مشيت دانة بعد ما قالت كلامها

ووقتها

—

بصت نيرة لتميم بعتاب

تميم بتوتر بتبصيلي كدة ليه انتي مش سامعة كلامها

نيرة بجدية لا سامعة بس اللي مستغرباه كلامك انت بصراحة ليه تضايقها وتكــ,,ـــــسر نفسها يعني. ده جزاء البنت انها متعلقة بيك رغم انك بتعاملها معاملة صعبة لكن للاسف بتحبك بقي هي تستاهل كدة يعني

تميم بتوتر ايوة تستاهل عشان انا مش عاوزها تتعلق بيا زي ما بتقولي