تقي بتردد : داده سعاد ،ممكن أسألك علي حاجه
داده سعاد : اسالي يا تقي
تقي بإحراج : هو….ررعد…يعني احم
داده سعاد باستغراب : قولي يا بنتي في ايه
تقي بخفوت : يعني ممكن تحكيلي عن رعد شويه
داده سعاد ابتسمت علي تردد تقي وقالت بحب : رعد مفيش حد زيه تقدري تقولي كده حنين وفنفس الوقت قاسي
تقي عقدت حاجبيها بعدم فهم : يعني ايه يا داده مش فاهمه
داده سعاد بوضوح : يعني لمه بيحب بيتملك اللي بيحبه ولمه بيكره بيأسي اوي
تقي بصت بعدم فهم
داده سعاد وفهمت نظره تقي وقالت بوضوح اكتر : يعني لمه بيحب حد بيتمسك بيه لاقصي درجه ولمه بيكره حد بيبيعه وبيدوس عليه
تقي بتلقائية : اممم،هو فعلا باين أنه حنين اوي
داده سعاد بخب\\\ث : وانتي عرفتي منين
تقي بإحراج وارتباك : هاا…من من لمه كان بيكلم هنا يعني (كملت بحب ظاهر)بيكلمها بحب وحنيه وصوته كله دفه
داده سعاد ابتسمت علي حب تقي الظاهر في عينيها وصوتها وهي بتتكلم عن رعد بس ما حبتشي تحرجها : هنا دي حياته كلها ورعد روحه فيها،وانتي كمان يا تقي حنينه اوي واي حد يعرفك يحبك
تقي باست داده سعاد ورددت بحب : مفيش احن منك انتي يا قمر
داده سعاد بضحك : ههههه ماشي يا بكاشه،صحيح يا تقي انا كنت عايزه اقولك حاجه
تقي بصتلها بانتباه : اوؤمري يا ست الكل
داده سعاد : الامر لله يا حببتي،يعني كنت هطلب منك أن لمه رعد يرجع تفضلي شغاله زي ما انتي
تقي قلبها دق اوي من مجرد م\اتخيلت انها ممكن تشوف رعد وتكلمه هي أتشدت لصوته ولحنيته مع هنا ولمه شافت صورته مع هنا حست كأنها تعرفه من زمان اوي وكان في رابط قوي مبنهم
داده سعاد : تقي…تقي ياتقيييي
تقي : نعم يا داده بتكلميني
داده سعاد باستغراب : اه يا تقي مالك بتفكري في ايه ومرضتيش عليه
تقي بابتسامه : ولا حاجه يا داده،وانا اسفه مش هينفع احنا متفقين أنه لمه يرجع انا همشي
داده سعاد بتنهيده : اسمعيني بس هو بيمشي بدري علي الشركه وبيجي متأخر فأنا كنت بقول انك تيجي بعد ماهو يخرج وتمشي قبل ما هو يرجع
تقي بتفكير : بس المشوار هيبقي بعيد اوي
داده سعاد بابتسامه : م\اتقلقيش انا هخلي السواق يجيبك الصبح ويروحك اخر اليوم
تقي بحيره : مش عارفه بابا وماما هيوفقوا ولا لاه
داده سعاد برجاء : عشان خاطري هنا هتتعب اوي من غيرك انتي شفتي هي متعلقه بيكي اد ايه
تقي بابتسامه : خلاص هحاول أقنع بابا وماما وان شاء الله خير،بس هو هيرجع أمته من السفر يعني بقالي عشر ايام ولسه مش عارفين هيرجع أمته
داده سعاد : هيجي علي يوم الخميس
تقي وقلبها اتقب\\ض : ايه الخميس
داده سعاد بقلق : مالك يا تقي خفتي كده ليه
تقي بهدوء : لا ابدا بس هطلع اشوف هنا
داده سعاد بابتسامه : ماشي يا حببتي اطلعي
عند ام تقي
زينب باستفسار : واد يا احمد هو العريس شغال ايه
احمد بضيق : يوووووه يا ماما قلتلك مليون مره أنه دكتور…دكتوااااار
زينب بعصبية : في ايه يا واد مش بطمن علي اختك وبعدين انت تعرف اكتر مننا مش يبقي اخو صاحبك
احمد باستنكار : هو أخو صاحبي اه بس انا ماشفتهوش غير مرتين بس معرفشي طبعه ايه
زينب بتهكم : هيكون طبعه ايه يعني انت بتقول دكتور فأكيد محترم وكويس،هو شكله ايه يا واد
احمد بتفكير وأخيرا جت الفرصه اللي هينتقم من أمه ويضيقها ردد بخب\\\ث : شكله امممممم بصي ياستي هو بكرش واصلع ولابس نضاره وليه سنه كده واقعه #هاله_محمد
زينب بصدمه وض\\ربت بايديها علي صدرها : يالهوي ليه يا واد هو عنده كام سنه عشان يبقي مهكع كده
احمد ضيق عنيه بتفكير : يعني تقريبا كده 55سنه
زينب برفض تام : نعم يا خويا لا لا لا ابدا ما يدخل بتنا ولا حتي يشوف بنتي الجوازه دي مش هتم
احمد وقع من كتر الضحك : هههههههههههههههه يا نههههههار ابيااااااااض ههههههههههههههههه
زينب باستغراب وضيق : بتضحك علي ايه يا واد وبعدين انت ازاي تيجي تقول عليه لمه هو كبير اوي كده ها انطق يا واد لامه والله مفيش غير الشبشب هو اللي يخليك تتكلم
احمد قام وقف وبخوف حقيقي لأن شبشب أمه مش بيهزى : لا لا خلاص يا حجه انا بهزر معاكي ده حتي عينه ملونه وحليوه ومز اوي يعني
زينب بعدم تصديق : بتكلم جد
احمد بجديه : اه والله هو عنده تقريبا كده 32سنه
زينب قلعت الشبشب وحدفت بيه احمد لكن هو لحق نفسه وجري من قدمها
زينب حدفته بالشبشب : خد بقي يعني انت بتستعبط عليه
احمد مشي بعيد ووطه والشبشب مجاش فيه وبهزار : مجاش فيه والله انا فنان شفتي عملت ايه واتفديته ازاي انا برنس والله ماليش حل
زينب بعصبية : امشي من وشي احسن هم\\وتك امشششششششششششي وقالت كلمتها الاخيره بصريخ
احمد بخنقه : يوووه بقي يعني بعد ما اتخدي مني اللي انتي عايزاه تقوليلي امشي…..وسبها ودخل علي اوضته
ضحكت زينب علي تصرفات ابنها الطفوليه : ههههههه الله يهديك يا بني ويحفظك ليه انا واختك
ويارب يا تقي يكون العريس ده من حدك ونصيبك،ايه ده دانا معرفتش اسم العريس احمد واد يا احمد……..
عند تقي
تقي بابتسامه تظهر غمزتها اللي بتخطف القلب : صباح الخير يا هنايه
هنا بنوم وبتفرك في عنيها : صباح النور
تقي : ياله عشان تكلي
هنا برفض : لا لامش عايزه اكل
تقي بزعل مصطنع : ليه يا حببتي،كده لو ماكلتيش انا هزعل منك بقي هه
هنا بسرعه : خلاص خلاص هاكل…..بس عايزه بيتزا
تقي بتفكير : اممم،ماشي وانا كمان اللي هعملهالك
هنا بفرحه : هييييه
تقي : ياله تعالي واعمليها معايه
هنا بتشاور علي نفسها ومش مصدقه : انا….بجد
تقي : اه انتي بجد ياله بسرعه
نزلت تقي وهنا علي المطبخ يعملوا البيتزا وهما في المطبخ فضلوا يهزروا ويضحكوا ويلعبوا وطبعا بهدلوا نفسهم تقي وهنا عباره عن أنهم وشهم وهدومهم مليان دقيق والمطبخ اتبهدل من لعبهم بالدقيق وكان اسعد يوم لهنا ولتقي
فات ايام وقبل رجوع رعد بيوم
تقي بهدوء : هنايه،انا همشي بكره
هنا بحزن : لا يا تقي م\اتمشيش وتسبيني
تقي بابتسامه : انا مش هسيبك هو يوم واحد بس وهرجع تاني اول ما تصحي من النوم هتلقيني قدامك
هنا بفرحه : بجد يا تقي
تقي بحنيه : بجد يا هنا تقي بس انا قبل ما باباكي يرجع همشي تاني
هنا بطفوليه : انا هقول لبابي انك حلوه واني عيزاكي تعيشي معايا علي طول
تقي بسرعه : لا لا يا هنا لوبابي عرف انا كده مش هاجي تاني خالص
هنا بتزمت طفولي : ليه هو بأبي زعلك خلاص انا مش هكلمه تاني هاا…وربعت ايديها بزعل
تقي : لا يا حببتي بأبي مش زعلني خالص
هنا باستفسار : طب انتي مش هتيجي ليه خالص تاني
تقي مش عارفه ترد وكلمت نفسها بصوت غير مسموع : هو صحيح لو هو عرف انا مش هاجي ليه تاني…..اكيد انا انا اللي خايفه اشوفه واكلمه مش عارفه انا حسه بحاجه غريبه اوي مع اني م شفتوش خالص…. تؤ بقي هوووف
تقي : بصي يا هنايه متقوليش لبابي وخلاص عشان خاطري
هنا : خلاص مش هقوله حاجه خالص وعد
تقي ح\ضنت هنا وضحكت علي كلمها
رعد شايف و سامع الحوار اللي كان بين تقي وهنا وكل مره يستغرب ونفسه يعرف هي ليه مش عايزاه يعرف أنها مع هنا و كان زعلان وفرحان في نفس الوقت فرحان أنها هتفضل موجوده مع بنته وهيشوفها كل يوم وزعلان لانها مش عايزاه يعرف بوجودها او أنه يقبلها ويتكلم معاها
تاني يوم في اوضه هنا
تقي كانت جهزت شنطتها وهنا بتعيط داده سعاد واقفه معاهم حزينه علي هنا
تقي بحزن وح\ضنت وش هنا بايديها : بتعيطي ليه بس يا حببتي احنا مش اتفقنا يبقي ايه لزمتها الدموع دي بقي
هنا وهي بتميح دموعها : خلاص انا مش هعيط بس انتي هتيجي تاني بكره
تقي بتنهيده وشالت هنا وقعدتها جنبها علي السرير : بكره مش هينفع خالص يا هنايه
داده سعاد باستغراب : ليه يا تقي مش احنا اتفقنا
تقي : اه يا داده بس بكره انا مش هقدر اجي ماما بتقول في عريس جاي بكره ولازم اشوفه وكمان انا لسه مش قولتلهم اني هرجع هنا تاني
داده سعاد : عريس مبروك يا حببتي
تقي بصتلها : انا لسه موافقتش.وممكن موافقش اصلا
داده سعاد : ليه بس يا تقي يمكن يطلع ابن حلال
تقي بقله حيله : والله يا داده انا مش عايزه اتجوز بالطريقه دي انا عايزه احب الشخص اللي هتجوزه بس هعمل ايه ماما عماله تزن عليه
داده سعاد باستفسار : يعني هو كويس ولا ايه
تقي مطط شفايفها : مش عارفه بس ماما بتقول أنه دكتور ويبقي اخو صاحب اخويا
تقي بفرحه : يعني هتعملي فرح يا تقي
تقي بابتسامه ظهرت غمزتها : لسه يا حببتي بدري اوي
هنا بتلقائية : طب متجوزي بأبي احسن…؟
يتبع.
..
هنا بفرحه : يعني هتعملي فرح يا تقي
تقي بابتسامه جميله : لسه يا حببتي بدري اوي
هنا بتلقائية : طب متجوزي بأبي احسن
تقي وشها احمر جدا واتصدمت من تلقائيه هنا ومش عارفه ترد تقول ايه فسكتت
داده سعاد ابتسمت واتمنت فعلا أن تقي ورعد يتجوزوا
تقي بإحراج : طب…انا ماشيه بقي وهبقي اكلمكم في التليفون مع السلامه…. مشيت تقي
رعد كان بيفكر في كلام هنا وابتسم من مجرد تخيله أن تقي تبقي مراته وفي حياته وتكفي أنها هتبقي قريبه منه : والله البت هنا دي بتفهم …وكمل بعصبية وصوت عالي..انا مش عارف ايه لزمه العريس ده كمان….دخل عليه مهاب….في بيت رعد اللي في لندن الساعه الثانيه عشر منتصف الليل
مهاب باستغراب ويض\\رب كف عل كف : لا حول الله،انت بتكلم نفسك يا رعد
رعد بتوهان : هاا لا ابدا
مهاب وقعد قدام رعد : لا ابدا ايه يا بني،دانت صوتك وصل لبره،وكنت متعصب ليه هو حصل حاجه
رعد : مش عارف يا مهاب اصل تقي جيلها عريس وهتشوفه بكره
مهاب باستغراب : تقي،تقي مين وعريس ايه
رعد بضيق : مهاب وحياه ابوك فتح مخك معايا شويه تقي مربيه هنا
مهاب باستيعاب : اااااه مربيه هنا… وكمل بخب\\\ث،طب وانت ايه اللي يزعلك يعني في الحوار ده ما اكيد اي واحده في يوم هتتجوز هي هتفضل شغاله علي طول
رعد مش عارفه يقول ايه او يبرر احتياجه بأنها تفضل جنبه بايه فقال : اصل،اصل لو هي اتجوزت مش هتيجي لهنا تاني وانت عارف هنا لمه بتتعلق بحد يبقي صعب تنساه
مهاب بخب\\\ث : اممم قلتلي هنا،طب ما انا قلتلك علي حل ومعجبكش
رعد بعد فهم : حل،حل ايه ده اللي قلتلي عليه؟؟؟
مهاب : مش قلتلك اتجوزها انت واهو تضمن انها متبعدش عنك وعن هنا
رعد عقد حاجبيها وقال بعصبيه : عني…عني ازاي يعني انت تقصد ايه يا زفت
مهاب بهدوء : بلاش تداري يا رعد انت اتشديتلها ويمكن تكون حبتها كمان (كمل باستغراب)مع اني مش عارف ازاي في حد يحب واحده من غير ما يتكلم معاها لمجرد أنه شفها من شاشه الفون أو اللاب،بس واضح انك اتعلقت بيها
رعد بحب : مش عارف يا مهاب انا فعلا اتشديت ل كل حاجه فيها خطفت قلبي وكنت بحاول اني مفكرشي فيها واشلها من دماغي بس غصب عني بفكر فيها وعلي طول…وكمل بقلق….بس تفتكر لو اتقدمتلها هتوافق أو حتي أهلها هيوفقوا
مهاب بدعم لصاحب عمره : اكيد طبعا دانت رعد السيوفي اكبر بزنس مان في مصر كلها….وكمل بمرح ليخفف عن صديقه القلق…وكمان مز وكل البنات هتم\\وت عليك #هاله_محمد
رعد قام وقف وقال بضيق : يا مهاب انا كنت متجوز وعندي بنت انت فاهم يعني ايه،يعني اكيد لا هي ولا أهلها هيوفقوا
مهاب بقله حيله : مش عارف اقولك ايه يا رعد….بس جرب يمكن توافق انت بتقول انها بتحب هنا واتعلقت بيها زي هنا ماهي متعلقه بيها ويمكن اكتر يبقي اكيد هتوافق علشنها
رعد بتفكير : يعني هي ممكن توافق عشان هنا انا كده هظلــ,,ـــــمها دي لسه كانت بتقول انها عايزه تحب اللي هتتجوزه يبقي انا كده هقف قدام حبها
مهاب باستفسار : تفتكر ممكن يكون في حد في حيتها..؟؟!
رعد حس أن قلبه وج\\عه لمجرد أن ممكن تكون بتحب حد فعلا : مش عارف بس كلمها مع داده سعاد مش واضح…بس ماظنش أن في حد لو كان في كانت قالت لداده سعاد دي تقريبا مش بتخبي عنها اي حاجه خالص،بقولك ايه انت حجزت الطياره علي الساعه كام
مهاب بص في ساعته : علي 2 يعني المفروض سيدتك تخلص عشان يدوب ناخد الشنط ونوصل المطار #هاله_محمد
رعد اخد موبايله واللاب ومفاتيح عربيته : ماشي يلا……طلعوا علي فوق اخدوا شنطهم وكل الحجات المهمه…
مشي رعد ومهاب ووصلوا المطار وركبوا الطياره المتجهه الي ارض الوطن مصر الحبيبه
عند تقي كانت الساعه بقت سته بعد الظهر
وصلت تقي لبيت اهلها فتحت الباب بالمفتاح اللى ديما موجود معاها دخلت وقالت بمرح : انا جيت يا قوووووم
زينب ام تقي جريت عليها وح\ضنتها : يا حببتي يا بنتي وحشتيني اوي يا قلب امك
تقي وهي الأخري تح\ضن امها : وانتي اكتر يا ماما وحشتيني اوي اوي
زينب بفرحه : تعالي يا حببتي اقعدي من المشوار
تقي قاعده وقالت بحب : ربنا ميحرمنيش منك يا زوزو،هو بابا فين والواد احمد كمان
دخل عليهم احمد : انا اهووو والله ليكي واحشه يا توته
تقي ح\ضنت اخوها بحب : حبيبي يا واد وحشني ووحشاني رخمتك
زينب بفرحه وسعاده لا توصف : ربنا يخليكم لبعض يا ولادي يارب #هاله_محمد
تقي باست امها : ويخليكي لينا يا ست الكل انتي وبابا ياررررب،هو بابا لسه مجاش من الشغل
زينب : زمانه جاي خشي انتي خدي دوش وغيري هدومك علي ما اجهز الغدا ويكون ابوكي جه
تقي قامت ومسكت شنطتها : حاضر يا زوزو يا قمر
زينب ابتسمت علي شقاوت بنتها ومعلقتش
دخلت تقي اخدت شاور وغيرت هدومها وخرجت عند امها وبعد شويه ابو تقي رجع البيت
تقي جريت علي ابوها وح\ضنته : بابا حبيبي وحشتنييي
مصطفي ح\ضن تقي وبسها من خدها : وانتي كمان يا حببتي حمدالله علي سلمتك
تقي بفرحه : الله يسلمك يا بابا
مصطفي : ها يا تقي احكيلي عملتي ايه وكنتي مرتاحه هناك ولا حد ضيقك
تقي بابتسامه ظهرت غمزتها : تعالي بس ناكل وبعدين هقولك على كل حاجه،عشان في حاجه مهمه لازم اقولها لك كمان
مصطفي : ماشي يا تقي ياله،امك فين
تقي : في المطبخ،ماما ياماما بابا جه
زينب من المطبخ : ماشي انا خلصت اهو تعالي خدي الاطباق
راحت تقي اخدت الاطباق من امها وقعدوا يتغدوا
مصطفي وهو بياكل : قولي يا تقي كانت حياتك ماشيه ازاي هناك
تقي وهي كمان بتاكل : والله يا بابا انا كنت مرتاحه جدا وانا هناك #هاله_محمد
زينب بزعل : مرتاحه وانتي بعيد عننا ماشي يا تقي
تقي بسرعه : لا يا ماما والله مش قصدي دانتم اغلي مافي حياتي انا بقصد وانا مع هنا اصلك يا ماما مش متخيله هنا دي جميله اوي ورقيقه وكمان حسه أنها محتجاني اوي جنبها فيعني كنت عايزه اطلب حاجه كده
مصطفي بحب : اطلبي يا حببتي عايزه ايه
تقي بتردد وقلق من ردت فعلهم : ااانا بعد ازنك يابابا كنت عايزه اروح كل يوم لهنا واقعد معاها
قاطعتها زينب بعصبية : نعم،لا طبعا خلاص هو مش ابوها رجع يبقي ملوش لزوم مرواحك تاني
تقي بهدوء : يا ماما يا حببتي باباها هيروح كل يوم الشركه بتعته وهي هتبقي لوحدها فكنت هروح الصبح وهرجع اخر اليوم
زينب بدون نقاش : لا يعني لا
مصطفي بتفهم : اصبري يا زينب بس،قوليلي يا تقي ازاي هتروحي كل يوم المشوار بعيد عليكي يا بنتي وانا مش هبقي مطمن وانتي لواحدك
تقي بتوضيح : يا حبيبي ما داده سعاد قالتلي هتبعتلي السواق يخدني من هنا كل يوم وآخر اليوم يروحني يعني مش هروح ولا هرجع بالمواصلات
احمد : طب والعريس اللي متادملك هتقوليله ايه
زينب بضيق : العريس جاي بكره ايه هترفضيه زي اللي قبله
تقي : انا هشفوفه وهصلي استخاره وربنا يسهل
مصطفي : ماشي يا تقي روحي يا بنتي دي طفله ومن الواضح أنها من الصعب تتعلق بأي حد وانتي طيبه وحنينه وربنا بيحبب فيكي خلقه وهي اتعلقت بيكي
زينب مش عجبها الكلام طبعا : وانا مش موافقه ايه رايك بقي #هاله_محمد
تقي قامت ح\ضنت امها وباستها : يا حببتي انا علشان خاطرك هقابل العريس يبقي عشان خاطري وافقي انا مقدرش علي زعلك وافقي بقي
زينب بقله حيله وحب لبنتها : هقولك ايه بس انتي بتعرفي تسيطري علينا كلنا ماشي يا تقي
تقي ح\ضنت امها بفرحه : ربنا يخليكي ليه يا ست الكل ومانحرمش منك يا بابا يارررررب
في اوضت تقي بالليل
زينب دخلت عند تقي وقعدت جنبها علي السرير : ها يا تقي هتلبسي ايه يا حببتي بكره
تقي وكانت نايمه : اي حاجه يا ماما اي حاجه
زينب : انا عارفه انك هتعملي كده عشان كده نزلت وجبتلك لبس
تقي بنوم : ماشي يا حببتي سبيني بقي عشان عايزه انام
زينب قامت وقفت : لسه الساعه عشره يا بنتي هتنامي من دلوقتي
تقي : اه يا ماما بقي الله يخليكي سبيني انام بقي …زينب خرجت وسابت تقي تنام
تاني يوم الصبح
زينب : تقي يا توته قومي بقي
تقي وهي نايمه : همممم
زينب : قومي ياله يا بنتي عشان نشوف هنعمل ايه
تقي وهي بتتاوب : هي الساعه كام يا ماما
زينب : الساعه سابعه
تقي قامت قعدت علي السرير بغيظ : نعم وانا هصحي دلوقتي اعمل ايه هبيع لبن…ورجعت نامت تاني #هاله_محمد
زينب شالت الغطاء من عليها : يا بنتي قومي لسه البيت عايز يتنفض ولسه هنجهز الحاجه اللي هنقدمها للناس
تقي بضيق : يوووه يا ماما لا انا عايزه انام وبعدين هما لسه هيجوا بالليل حاجه ايه بقي اللي هنجهزها من دلوقتي
زينب : هنعمل شويه حلويات ونقدمهم مع العصير
تقي : هنعمل حلويات،دانتي قديمه اوي يا ماما الناس دلوقتي بيشتروا الحاجات دي جاهزه ابقي خلي بابا يجيب أو احمد يروح يشتري اللي انتي عايزاه وخلاص
زينب بنفاذ صبر : قومي يا بت بدل والله مفيش غير الشبشب هو اللي هيقومك
تقي قامت وقفت علي السرير : لا لا وعلي ايه انا صحيت اهو يا باشا ولا تزعلي نفسك
زينب بضحك : ايوه كده مش بتيجي غير بالعين الحمرا
تقي بمرح : ماشي يا زوزو خليكي فاكره بكره لمه اتجوز هتقولي ولا يوم من ايامك يا تقي
زينب : اتجوزي انتي بس ووافقي علي العريس ومالكييش دعوه بيا
تقي بجديه وتوضيح : لا يا ماما احنا اتفقنا اني هفكر …وكملت بمرح…يعني تديني مهله شهرين ولا سنتين كده
زينب قلعت شبشبها : امشي يا بت لأجي ام\\وتك وراحت حدفتها بالشبشب
تقي جريت علي الحمام : خلاص يا حاجه انا رايحه اتوضي واصلي
تقي اتوضت وصلت وبدئت تنفض البيت مع امها وتجهز كل اللي أمها قالت عليه عشان العريس
رعد وصل الفيلا
رعد وصل الفيلا واستقبالته داده سعاد وبعد السلام طلع علي أوضته ياخد شاور ويفوق وهي دخلت تحضر فطار والساعه بقت 10 الصبح وهو نزل يفطر مع داده سعاد وهنا
رعد وهو بيح\ضن هنا : وحشتيني يا هنايا
هنا وهي في ح\ضن رعد : بابي انت اللي وحشتني اكتر
رعد بحب وبعد هنا عن ح\ضنه لكن قعدت علي رجله : ياله نفطر وتحكيلي عملتي ايه
هنا قعدت علي الكرسي اللي جنب رعد وداده سعاد قعدت جنب هنا
رعد باستدراج : ها يا داده هنا عملت ايه معاكي اكيد غلبتك وعيطت كتير
داده سعاد بتردد وبصه لرعد : لا….لا ددي كانت هاديه خالص اصل زي ما انت عارف لمه هنا جت معايا عند ام سيد ف هي وعدتني أنها هتسمع الكلام ومش هتعيط خالص….بصت لهنا….صح يا هنا
هنا بنظره طفوليه : صح يا داده وكمان تقي كانت….ولم تكمل كلامها
داده سعاد قطعت هنا : كملي يا هنا كلي يا حببتي ياله
رعد بخب\\\ث : تقي،تقي مين دي يا داده
داده سعاد بسرعه : قصدها علي تقي بنت جارت ام سيد هنا شفتها ولعبت معاها
هنا بفرحه : ااااه يا بأبي داحنا لعبنا كتير اوي وهي عندها عروسه جميله وخلتني العب بيها كتييىر اوي
رعد بيحاول يوقع داده سعاد في الكلام : هي تقي دي قد هنا يا داده
سعاد بكذب : اه يا حبيبي تقريبا كده نفس سن بعض
رعد كان نفسه داده سعاد تقوله علي تقي اللي هو شفها واتعلق بيها كان عايز أنها تحكليه عنها ويعرفها اكتر لكن هي كذبت وده مخليه مستغرب طب ليه مش عايزه اني اعرف اي حاجه عنها ليه
رعد بضيق بيحاول يخفيه : طب انا خارج
هنا : عايزه اجي معاك يا بابي
رعد قام وقف : مش هينفع يا هنايا اناهروح اشوف الشغل كان ماشي ازاي في غيابي
داده سعاد حطت اديها علي كتف هنا : روح يا بني ربنا معاك
رعد بحب : شكر ياداده….رعد باس هنا ومشي راح علي الشركه
تقي اخدت نفس طويل وقعدت علي الكرسي بتعب : ياه اخير خلصت
زينب بتهكم : خلصتي ايه لسه الفاكهه عايزه تتغسل والعصير لسه م\اتعملش
تقي بتعب : اعمليه انتي بقي انا تعبت ومش قادره تاني #هاله_محمد
زينب : تعبتي من ايه اصلا الشقه انا كنت منضفاها امبارح قبل ما انتي تيجي،انتي يدوب مسحتيها بس
تقي بزهق : يوه يا ماما بقي لمه هو ماكنشي فاضل فيها غير المسيح كنتي كملتي جميلك ومسحتيها وخلاص
زينب بغيظ : يابت دانا مخلتكيش تدخلي المطبخ وانا اللي عملت الحلويات كلها
تقي بابتسامه : ربنا يخليكي يا ست الكل ادخل انام انا بقي وابقي صحيني علي الغدا اوك….
زينب بزهول : تااه ياختي بقولك اعملي العصير واغسلي الفاكهه وانتي تقولي انام
تقي برجاء : خلاص هعمل اللي انتي عايزاه بس هدخل أكلم هنا واجي ماشي يا مامتي يا عسل انتي
زينب رفعت أحدي حاجبيها : مامتي وعسل ماشي يا تقي روحي كلميها لمه اشوف اخرتها
تقي قامت ودخلت أوضتها تكلم هنا فيديو
داده سعاد : ياله يا هنا اطلعي علي اوضتك وانا جايه وراكي
هنا : حاضر يا داده…هنا طلعت علي اوضتها لقت التاب بيرن بمكالمه فيديو قعدت علي السرير وفتحت التاب
هنا بفرحه : تقى وحشتيني اوووي
