_ازاى واحدة زيك وتدخل كليه شرطة! =هو انا لوحدى إلى دخلاها!! _احمم واحدة زيك جميلة يعنى =طب بقولك يا اخويا خليك في نفسك احسنلك ونبقي زملاء لطاف خفاف كده عشان مطلعش حزن الدنيا عليك يباشا امين؟ امين ان شاء الله سبته مشيت قبل متعصب منا كده لسه متعصبتش والله، اى يعنى واحدة تدخل كليه شرطة، اى المشكلة!! العالم وقف لما مريم دخلت ولا ايه!! مهو شكلى الطري دا إلى جايبلى الكلام بردو، مش عاوزة اقولكم كم المناوشات والاحتيالات والمناقشات إلى كانت بينى وبين عيلتى ووافقوا اخيرا، عشان اثبت نفسي إلى هو انا كويسه عشان مريم مش عشان حد وان الولد زى البنت، اى شكلى الطرى دا بردو!! روحت السكن بتاع البنات إلى جمب سكن الولاد إلى جوا الكليه دخلت وبصيت على الورقه إلى على الباب وشوفت أسمى ورقم السرير بتاعى وحطيت شنطتى واتنهدت _اهلا علياء =وانا مريم _اه، ازيك =الحمد لله، هو انتى في سنة اولى بردو _اه، ربنا يستر بقي =يرب قعدنا انا وهى نتكلم واتصاحبنا واتعرفنا على باقي البنات في السكن جه ظابط _إنتبااااه البنات كلها وقفت على خط واحد _طابور الصباح كمان خمس دقايق، استعدوا ل اول يوم في السنة الجديدة صليت وفطرت وغسلت اسنانى وطلعت و.. هما راحوا فين!! أحيه هما في الطابور متهزروش يجماعة والله ازعل لبست بسرعة ونزلت بتنهيدة من كتر الجري_اسفه يفندم =انتى اى أخرك!! _معلش يفندم كنت باكل وبغسل سنانى و.. =والحضانة امتى بق الكل ضحك وانا أتعصبت اض*به يعنى ويقولوا قليلة الربايه ولا اعمل اى في الاستفزاز دا _لفي عشر مرات حوالين السكن وتعالى في ربع ساعة =أفندم!! _زى مسمعتى وعلى فكرة الوقت بدأ من دلوقت بصيتله بغضب وجريت من قدامه، جماعة كليه شرطة اى جوزونى، احنا بنهزر بقي ولا اى، انشفي يمريم انتى قدها لفيت الدورة الأولى _متزعليش هو عصبي على طول كده رديت وانا بجرى وهو بيجري جمبي =انت اى إلى جابك ورايا! _وانا اجى وراكى لي، انا هلف زيي زيك =مهو اكيد عملت مصيبه منتا مش بيجي من وراك الا المشاكل ومش ناصح غير في المعاكسة _انتى ازاى اتكلمى كده اصلا =ولا اسكت مش فيقالك عشان دا اول يوم والخلق يدوبك مش هتيجى انت بقي وتزودها _انتى كمان دورة وهتفرهضي اصلا =مين دى إلى تفرهض!! انت متعرفش مريم اصلا بقي _طب متورينى تطلع مين مريم اصلا يحلوة فضلنا انا وهو نجرى حوالين السكن _اه اه حاسه انى \نفسي بيقطع =هه، انا رأيي تقعدى جمب ماما في البيت عشان تتجوزى، الكار دا مش كارك يا اى اه مريم بصتله بغضب وكملت جرى حوالين السكن، مهو بردو مكنش ينفع اتنفخ اوى كده، جريت على الساحة وهو جرى معايا _دلوقت بقي القتال، انتوا الاتنين إلى فاصلين يبقي يلا =بس انا مش عاوزة اقاتل معاه يفندم _ابقي قولى للعدو مش عاوزة اقاتلك، ولما اتماسكى قضيه قولى مش عجبانى يجماعة والله انا لو عيطت الكل هيزعل بصتله لقيته مبتسم _غاسل سنانك ولا اى! =مش هض*ربك ضحكت_وانت تعرف! =اه حتى شوفي مسكت ايده ولوتها وقربت وهمست في ودنه _انت بقي هتعرف مريم في الض*رب مش في الجري يشاطر لف بسرعة وسحب ايده =صدقينى مش عاوز أمد ايدى عليكى عشان مينفعش اضر*ب بنت _هى فين البنت! =افندم!! _يعن اتعامل معايا كأنى زميلك وورينى أخرك بصينا احنا الاتنين حولينا لقينا كل البنات نايمة على الأرض والشباب كلهم إلى كسبوا في التدريب دا بصلى وشاور ب ايده انى أقرب وهمس في ودني _اكيد شايفه الوضع إلى احنا فيه، مينفعش تبقي الحفلة عليا وكده، كل البنات اتغلبت وعلى الأرض حتى شوفي، ممكن تبقي زي صحابك =طب مش كل البنات اتغلب؟ _ايوة =ايوة منا هغلبك _انتى زوديها والله =وبعدين بقي لقيته مسك ايدى وبقيت في الأرض _لسانك طويل بس عيونك حلوة جامد، اه وقبل مقوم أسمى احمد على فكرة غمزلى وابتسم وقام وانا فضلت مكانى، ايوة اى إلى حصل من شويه دا معلش!! _إنتباه كل البنات قامت من الأرض وهى بتتوجع وانا قومت ولسه بصاله ونفسي اجيبه من زوره دا _دا كان أول تدريب، كله على الاوض وتناموا بدري عشان بكرة تدريب الصاعقه، انا هنام امتى بق!! البنات مشيت ومفضلش غيري في الساحة، بصيت للسما وخدت نفس عميق، لازم ابقي أقوى من كده، ولازم ادرب على نفسي اكتر و.. هو رايح فين دا!! مش عارفه ليه مشيت وراه، انا حاسه انه شخص غامض اصلا _انت هتنط من السور لى يا احمد انت!! =.. #في القوات💘 #مريم سمير💘 #تفاعل كتير💘+احسن تعليق هيتكتب هاخده واحطه استورى عندى 😂💘+دمتم بخير 💘#البارت الثانى _انت بتنط من السور لى يا احمد انت!! نزل من على السور بسرعة =وانتى عاملة اى دلوقت؟ _انت بتسوغ يلا!! =بسوغ و يلا واى كمان؟ _ايوة مفهمش فين الاجابه بردو يبنى؟ =حلى عنى بالله عليكى بصيتله وابتسمت ابتسامة ساذجة _يلهوى دا بيهرب ينااااس فجأة حط ايده على بوقي وخدنى ورا السكن عشان كان المأمور جه على صوتى، كان مخلينا موطيين وبيبص على المأمور، ايوة هو قلبه مات للدرجاتي!! المأمور مشي ورجع بصالى _هشيل ايدى لو صوتى واسلم نفسي =.. _متبقيش غدارة =.. _هشيل اهو، بسم الله شال ايده ورفعت حاجبي ووقفت وربعت ايدى _منا لو مكنتش عملت كده كنت هاخد عقاب مبخدش عقاب انا، يرضيكى ابقي مضحكة الكليه؟ =.. _انتى مش بتتكلمى لى؟ =كنت رايح فين بردو _انتى بجد؟ =لا جرافيك _طب بصي محدش يعرف إلى هقوله دلوقت حتى صحابي، بس شكلك جدعة وطيبة و.. =إخلص _بخرج اشوف الشارع شويه، كل يومين كده، احنا في سجن يبنتى مش في كليه، بروح اشم هوا شويه وأجى منا لو معملتش كده هم\وت واجبلكم مصيبه =بتسوغ يعنى، كل الرغي دا معناه بتسوغ بردو _بسوغ اه، بسوغ يمريم، ومتقوليش لحد بقي =بشرط _نعم يختى! =سلك ودانك ولو اطرش اشورلك عادى _!! =هخرج معاك _انا هسلم نفسي =ألاه مش من حقي اتخنق زيك وأخرج اشم هوا _مريم بس دا اول يوم ليكى اصلا =منا خلقي يدوبك _.. =هو انا مقولتلكش، انت بتفكر لى انا بقولك مش باخد رايك على فكرة _طب تعالى من هنا فيه حتة بخرج منها لما اكون تعبان ومقدرش انط من على السور =طب منط من السور اى المشكلة _يبنتى عرفنا انك جامدة وبتعرفي تعملى كل حاجة بس معلش أمن لينا =طب يلا معرفش انا عملت كده لى، بس انا بسكوتة من جوا وللله يجماعة، يوم واحد في الكليه وعاوزة اطلع برا، عاوزة اهرب باين _تمشي جمبي بعد اذنك عشان انتى مسؤوليتى =برا عنك بقي مش واخد بنت اختك _!! طلعنا واول مطلعنا ابتسمت، انا اصلا بكره الولاد وهاين عليا بس هخش السجن في دا!! اخش السجن في واحد حلو لا قولوا كلام غير دا بجد، وبعدين انا اول مرة اكلم واحد بالشكل دا معاملتى معاهم بتبقي سطحيه مش عارفه بقي، كويس انى خرجت _نتكلم طيب ولا هتفضلى باصه للسما وهتتقلبي كمان شويه =عاوز تقول اى يعنى؟ _شوفتى مهما قولتى مش هكرهك لاء ضحكت=لا يعم مش عوزاك زعلان منى، بس هى طريقتى كده _مش زعلان، انا احمد وانتى مريم دا إلى نعرفه =اه _طب اشمعنا كليه شرطة بقي؟ =انا عارفه ان شكلى طرى بس انا عكس كده، وانت بتهيقلي اكتر واحد عارف كده، كليه شرطة لى بقي عشان نفسي من وانا صغيرة انى ادخلها، عارف انت حلم الطفولة إلى بتجرى وراه، إلى هو يا الكليه دى يا هن\تحر، وانت؟ _كان حلمى وانا صغير بردو جه عمو قدامنا بيبع آيس كريم _آيس كريم؟ =اوى يعنى، بس انا الى هدفع _بطلى دبش بقي لما يكون معاكى سوسن ابقي ادفعى سابنى وراح يجيب يعنى فين سوسن عشان ادفع بردو! رجع وهما ماسك اتنين _جبتلك شوكولاتة وفانيليا ودا لى عشان نكهتى المفضلة =وانا كمان _طب ممكن صافي يلبن بقي =حليب يقشطة _صحاب؟ سكت انا اول مرة اكلم حد كده كنت متلخبطة _ضايقتك؟ =لاء، بس دى اول مرة يعنى ف خايفه شويه _متخافيش هبقي قد الثقه وهبقي شخص كويس، وبعدين انتى تخافي انتى!! =هه، صحاب يعم خلاص فضلنا ماشيين وكلنا الايس كريم، فضلنا نتكلم ونهزر، طلع لطيف بس دا ميمنعش انى فعلا كارهة الصنف دا _يلا بقي عشان منتأخرش =ماشي يلا رجعنا والصراحة اتبسطت، اول مرة في حاجة جديدة بتبقي حلوة جامد _تصبح على خير =وانتى من اهله يمريم كل واحد اتسحب ناحيه السكن بتاعه وكنا فطسنين ضحك على شكل بعض ودخلنا اول مادخلت ابتسمت دخلت الاوضه ولقيت المشرفه بتناديلى _كنتى فين لغايه دلوقت! =... #في القوات💘 #مريم سمير💘#البارت الثالث _كنتى فين لغايه دلوقت! =كنت، كنت... _اى علقتى بسألك كنتى فين؟ =كنت بدرب في الساحة بس من ورا كده عشان التدريب بتاع بكرة _التدريب لوحدك ممنوع، اول يوم ليكى واول إنذار مش هحذرك تانى، نامى يلا =ح حاضر يجماعة انا مش بحب حد يتحكم فيا، انا لو اتعصبت هجيب فوقها تحتها ويمنها شمالها وربي، نمت بعد برطمة كتير الصبح* _يا اسمك اى اصحي بسرعة =اى دا في اى انتى مين؟ _هدير اسمى هدير =اه وبتصحينى لى يدودو _عشان أتصور معاكى، يبنتى قومى الطابور هيبدأ قومت بسرعة منا مش هفضل مقلسه الكليه انا، لبست بسرعة، فيه قمر كده هل فيه قمر كده يعنى فهمونى بس؟ جريت انا وهدير وروحنا على الطابور بصيت جمبي لقيته جمبي وكلمنى بوشوشه _ها عملتى اى؟ =كنت هتقفش وألفت قصه هندي _يعنى اتقفشتى؟ =لا اتهزءك بس _يلا تعيشي وتاخدى غيرها، صباح الخير ابتسمت=صباح النور _انتباه، دلوقتى هنبدأ تدريب الصاعقه وبعدو هتتوزعوا على حتة في الكليه زى الصحرا عشان تزحفوا معلش بس انا والله والله والله والله من الثدئيات مش الزواحف يحاج اتوزعنا الأول على الصاعقه، يعنى انا المفروض اركب على البتاع إلى في الحبل دا وانزل من الارتفاع دا واقول صاعقه صاعقه، زى مبشوف في الأفلام وكده، جوزونى يجماعة ومتهزروش والله _امسكى حلو =حاسه انى هتقلب يا احمد _غمضي عينك وفكرى فيا =خلصانة هتقلب والله _هه، طب بعيد عن الهزار متخافيش متأمنة وانتى قدها =روح ربنا يسترك كان دوره جنبي إلى هو بجد هو هيشوفنى وانا بتمرمط كده!! يحزنك يمريم بسم الله مسكت في البتاع إلى في الحبل وخدت نفس عميق وغمضت عينى انا وهو كنا جنب بعض ووصلنا سوا للارض، استنوا كده والنبي كمان مرة دى طلعت زى ديزنى لاند كمان مرة عشان خاطرى عشان خاطرى _ها حلوة؟ =اه، جدا _يلا نزحف =مع نفسكم بقي مع السلامة خلى بالك من نفسك يسطا _مريم مريم يلا =ألاه والله لو مت يا احمد .. روحنا مكان شبه الصحرا فعلا، كان كله رمل وفي الأرض اسلاك كده، متهزروش وتقولوا هزحف بعرف امشي والله مش صغيره انا _هدير =نعم _هتزحفي =هو اختيارى؟ _خليكى عند رأي زيي ومتزحفيش *يلا دورك يا ابلة _حاضر يفندم عيونى طول عمرى كلمتى متنزلش الأرض ابدا يجماعة زحفت وطلعت، مم\وتش انا ايوة مم\وتش _انتباه، دلوقتى هتتوزعوا في الصحرا وهتشوفوا ظروفها عاملة ازاى ايوة كده ادينى في المواقف الرجوليه كنت ماشيه انا ومجموعتى كان معايا بنتين إلى هما علياء وهدير لقيته جاى علينا هو واتنين مش وقتك يا احمد متهزروش وتكلمنى قدام البنات _مش إلى جاى علينا دا مصطفي =مصطفي مين يهدير؟ _يبنتى دا من أحسن الناس في الكليه إلى على اليمين دا .. _لا الأحسن بقي عصام =عصام مين دا كمان يعلياء؟ _إلى على الشمال دا =انتوا لحقتوا تعرفوا دول امتى يعسل منك ليها _مش بيدربوا معانا يمريم =ظلمتك يبت جه وقفوا قدانا ولقيت هدير وعلياء مبتسمين، ايوة يعنى دبلة الخطوبه امتى بردو مفهمتش! مصطفى: محتاجين حاجة يبنات؟ هدير:ها لا شكرا عصام :كله تمم يعنى علياء :ايوة الحمد لله انا واحمد كنا بنبص لبعض وارجع انا ابص لعلياء وهدير وهو يبص لعصام ومصطفي، ايوة مظبطين الاريل ولا لا يعنى!! مشينا روحنا الجهة اليمنى وهما كانوا عكس اتجاهنا _شوفتوا يناس شوفتوا حلاوته يناس دا يتباس =علياء بطلى محن هجيب إلى في بطنى _شكلى حبيت ايوة انا حبيت =هدير هدير والله مفيقالكم يجدعان اى يجماعة بوابه المحن إلى انا وقعت فيها دى،اى حب المراهقات دا في اى!! خلصنا التدريب الحمد لله ورجعنا والدنيا مضلمة لقيناهم التلاتة قاعدين على الاستراحة، شكلهم صحاب لا صحاب جامد يعنى مصطفى وعصام ابتسموا وهدير وعلياء ابتسموا والله لو صوتت هنزعل كلنا، انشفوا ياعيال مش كده _قدامى منك ليها بدل مشلوحكم =شويه كمان عشان خاطرى _قدامى يا ابلة منك ليها، قدامى ولا نو استيعاب يعنى!! دخلنا جوا وكل واحدة قعدت على سريرها _اى يبنات مش منشف كده اى اول مرة تشوفوا رجالة مثلا!! هدير: احنا هنتجوز امتى علياء:سؤال في محله _مش هنتجوز هنقدم حياتنا فدا الوطن علياء: فدا دى تبقي خالتك _ألاه!! فضلنا نتكلم ونضحك لغايه منمنا الصبح صحينا وصلينا وفطرنا وروحنا الطابور كنت واقفه جمبه، اى الحظ دا بس يربي يعنى!! _صباح الخير =ها، صباح النور يا احمد _ممكن اقولك حاجة =قول _عاوزك النهارده نتقابل في المكان إلى كنا بنهرب منه، عاوز اقولك حاجة مهمة جامد الساعة ٧ =افكر _خلصانة هستناكى مش عارفه انا لى مبسوطة لما نتكلم، هو الصراحة لطيف جدا ومحترم، ممكن نبقي فعلا صحاب كويسين خلصت تدريب الحمد لله عيشت النهارده كمان، ربنا يستر ومم\وتش منكم في مرة يجماعة والله كل البنات والشباب راحوا السكن كلت مع البنات وفضلت مستنيه يناموا، مش كلهم ناموا البعض نام والتاني كانوا بيقرأوا والى بتتكلم مع التانيه، اتسحبت وكأنى راحة على الحمام واول مروحت على باب السكن وقفنى صوت هدير وعلياء هدير: راحة فين؟ =ها لا ولا حاجة مفيش، اى الى جابنى هنا انا بنام وانا ماشيه، قصدي بمشي وانا نايمة!! علياء: متحوريش وقولى من الاخر =احمد عاوز يقولى حاجة والله هاجى بسرعة بس غطوا عليا علياء :هنيجى معاكى، وبالنسبه اننا نغطى عليكى فندعى ربنا يغطى علينا كلنا هدير: خدينا معاكى عشان خاطرينا والله يبنتى الخنقه وحشه اوى، ولو اتسترنا فهى الرحمة ولو اتقفشنا فهو العدل =هيفضل سر بينا عشان الكلام الكتير مش بحبه منك ليها، اتفقنا؟ هدير: جدا اتفقنا جدا علياء: يلا عشان محدش ياخد باله كنا ماشيين احنا التلاتة بنتسحب علياء : وانتى عرفتى احمد منين بق، مش دا إلى كان ماشي النهاردة دا وتقابلنا في التدريب _اه هو وعادى معرفه عاديه هدير : لا يشيخ _بالله، انتوا بتغمزوا لى عينيكم بتوجعكم ولا اى!! وصلنا هناك واول موصلت لقيت احمد ومعاه مصطفي وعصام انا وهو في نفس الوقت: شبطوا فيا #في القوات💘 #مريم سمير💘#البارت الرابع انا وهو في وقت واحد: شبطوا فيا هدير ومصطفي وعلياء وعصام ضحكوا عصام: ازيك علياء: الحمد لله مصطفي: طب وانتى عاملة اى هدير: كويسه _طب منحل مشكلتك بق، نحل مشكلتك ونحل مشكلتها وتولع مشكلتى انا ولا اى يا أحمد أحمد: والله بقول نفس الكلام، معلش يشباب ظابط الاريل انا؟ _احممم، اى يجماعة هتفضلوا اقفين مكنوش كلمتين وجايه اعرف هو عاوز اى، في اى يجماعة مش كده احمد: ايوة انتوا لسه واقفين لى بردو!! _انا شايفه انك مش هتعرف تقول حاجة احمد: انا بقول كده بردو _يلا عاوز حاجة، تصبح على خير =وانتى من اهله _ايوة والابلة هى وهى واقفين لى؟ أحمد: عصام مصطفي انتوا هتفضلوا واقفين بردو مش فاهم!! _احمد هو احنا إريل =فشر احنا قرونى يعسل _هدير علياء اخلصوا هنتقفش هدير: يووه طيب علياء: يلا يختى مصطفي: خلى بالك وانتى ماشيه هدير: حاضر عصام: وانتى خلى بالك علياء: حاضر _وانا ربنا ياخدنى، عارف يا احمد لو شوفتك او سمعتك بتقولى عاوز اقولك حاجة هعمل فيك اى، بعد كده لو عاوز تقول حاجة تقولها في التدريب عشان جو المحن ده هم\وت منه يعم =عند حق، انا منى لله فعلا رجعنا السكن ودخلنا الاوض ووقفت قدامهم هما الاتنين وربعه ايدى هدير: انا مليش دعوة علياء: ولا انا _تبقي خالتى إلى ليها دعوة علياء: ألاه، ابقي قليلة الذوق ومردش عليه يعنى؟ _انتوا كنتوا واقفين قدامهم مبتسمين من هنا لهنا إلى هو شكيت اصلا ان بوقهم نمل هدير: لا احنا تمم، وبعدين دا لا ارادى أصله حلو اوى يمريم الصراحة علياء: ايوة عصام بردو _ارحمني يرب علياء: ايوة هتتخطبي انتى واحمد انتى بردو؟ _اي، لا بجد قولتى اى!! هدير:احنا ننام احسن بدل الفضايح دى يلا تصبحوا على خير ضحكنا ونمنا وكل لما افتكر الموقف افضل اضحك، بجد موقف يريت ميتعدش تانى يرب صحيت ولبست وصليت وكلت وروحت الطابور _حصل حاجة امبارح؟ =انت، انت تخرس خالص _معاكى حق، صباح الخير =صباح النور، كنت عاوز تقول اى امبارح!! _إنى مبسوط اننا خرجنا سوا =نعم يروح ماما ، قصدي هو دا المهم _اه =احمد امشي من قدامى دلوقت حالا كملنا تدريب، كان كل يوم يمر عليا وكنا بنقرب لبعض اكتر، وطبعا طبعا هنقرب احنا بس لا ازاى طبعا معانا علياء وهدير وعصام ومصطفي، كنا الثلاثي الاشهر في سنة اولى وهما الثلاث الاشهر في رابعة _النهاردة تدريب السلاح =بتهزر همسك مسدس واض*رب الهدف؟ _اه يمريم =طب يلا مستنى اى بسرعة روحنا مكان التدريب ونمنا على بطننا واحنا ماسكين السلاح وقدامنا الهدف _احمد =ها _هو انا هستعمل البتاع دا ازاى =اضغطى على الزرار وسنة نملة الذبانة _ذبانة ونملة! اه أخرس بجو الحشرات دا بدل والله واقول كنت فكراك الهدف =مش هتكلم اهو _احمد =ألاه، بتكلمينى لى تانى _عشان مجبتش ولا رصاصه في الهدف لغايه لوقت =طب حاسبي كده بص على السلاح ونشل على هدفي _يبن اللعيبه =نعم يختى _قصدي يبن الجامدة =!!! حرفيا انا عمرى مكنت هلاقي واحد لطيف زى احمد وجدع وطيب، ولا علياء كانت هتلاقي واحد دمه خفيف زى عصام وبيقول نكت مش بتضحك، ولا هدير كانت هتلاقي زى مصطفي إلى بيحب يقلش على اى كلمة دا، احنا التلاتة مصاحبين أروش ناس في الكليه خلصانة _بكرة الامتحانات =عارفه اه _وهمشي قلبي وجعنى، ثوانى يجماعة هو بجد خلاص كده هيخلص سنة رابعة ويمشي؟ _هتسقط يا احمد =يستار يرب بدل متدعيلى _مش هتمشي يعم =كان على عينى يؤ هما اربع سنين وخلصتهم _هتمشي يعنى =هو اختيارى _خلصانة معتش ليك دعوة بيا =مريم استنى سبته ومشيت مهو هو الى غلطان وعلقنى بيه، علقنى ب الايس كريم معاه، بالتدريب، يعنى انا مش هصحي أقف جمبه في الطابور، طب مين هيعلمنى امسك السلاح، مين هفضل أهزقه كل شويه، مين الى بيفضل ساكت وانا بتكلم، يعنى خلاص هيخرج ويخطب و.. ثوانى هو بجد هيخطب!! رجعت تانى _انت هتخطب؟ =نعم _هتخطب =مهو طبيعى يمريم، مهو في الاخر هخطب مهو ده طبيييعي امال هنقرض! _اشطا ماشي الف مبروك وربنا يتمم بخير =!! دا تخلف بقي، ازاى يخطب وهو صاحبي، هو مترباش ولا اى؟ دخلت السكن لقيت هدير وعلياء بيعيطوا _خير حصل اى هما الاتنين : هيخلصوا رابعة وهيمشوا بعد اسبوعين _انتوا بتفكرونى بمأساتى يعنى، انتوا حبيتوهم؟ بصوا لبعض _ايوة فين الاجابه متنطقوا هدير :انا اخترت اسماء عيالنا علياء: وانا اخترت القاعة _أحيه!! نمت أصلها سرايا مجانين وقعت فيها، لما يكونوا هما الأتنين مفهمين عصام ومصطفي انهم صحاب بس ومينفعش يفكروا في حاجة تانيه، انتوا عبط ياعيال؟ عدت الامتحانات والحمد لله حلينا كويس، اصل المهم في كليتنا دى العملى فتلاقينى في النظرى مش قد كده مين ام عظيمة دلوقتى يعنى؟ هعوض في درجات عيالى جامد اوى ان شاء الله وقفت انا وهدير وعلياء قدام احمد وعصام ومصطفي وكانوا معاهم شناطهم، بجد والله هو خلاص ماشي، والله اخد الشنطة وأجرى! _هتمشي؟ =مهو مفيهاش اختيارات يمريم والله، نفسي تصدقينى _خلاص امشي يلا =دا الوداع يعنى؟ _اه =هتوحشينى اوى دمعت _وانت كمان =لو عيطتى هلزقك في الحيطة _اعيط اى يبنى دى حاجة دخلت في عينى بس فجاة لقيت علياء بتصوت #يتبع #في القوات💘 #مريم سمير💘#البارت الخامس والأخير لقيت علياء بتصوت _الله يحرقك يشيخة هتفضحينا في اى؟ =عصام طلب ايدى _ايوة طلب ايدك يعمل بيها اى، فرحانة لى يعنى عشان انتى عوزاه يمسك ايدك يسهله! =يبنتى يعنى يخطبنى ونتجوز _ألاه مش من يومين قولتيله انت زى اخويا وعمرى مفكر فيك غير كده =ايوة ما احنا هنعيش اخوات ودا لى عشان محدش هيرضي بيه فهشفق عليه واتجوزه _مش عشان بتحبيه يعنى =تؤتؤ مشفقه عليه ضحكت وحضنتها_ الف مبروك يحبيبتى كانت الفرح في عينها حلوة اوى، والفرحة في عيون عصام، انتوا غفلتونا لى يجماعة والواد طلع مخلص ومخلعش لى زى كل قصص الحب إلى بتنتهى بمينفعش، اي القرف والاخلاص دا!! _والخطوبه امتى يعصام =بعد صويتها دا خليها عندكم _اثبت يعسل البضاعة المباعة لا ترد ولا تستبدل، ايوة الخطوبه امتى بردو؟ =هنروح نزورهم يستى الاسبوع الجاى _الف مبروك يسطا =الله يبارك فيكى يمريم عقبالك انتى و اح.. لقيت احمد برقله =قصدى عقبالك انتى وأحمدى ربنا بقي _ربنا يخليك تسلم .. _مش ناوى تعملها وتخطب =لاء _لى يا احمد لاصق لييي =مش احنا اتفقنا هنعجز مع بعض _لاء منا غيرت رأيي وخلقي يدوبك =خلاص هخطب _تخطب اي، كنت عارفه انك هتتخلى عنى في يوم =!! ودعناهم ومشيوا، كنت زعلانة وهو ماشي، طب هو ممكن يناسي طيب، هو معاه رقمى، هيكلمنى اكيد دخلنا السكن نلم حاجتنا عشان ننزل الاجازة _علياء انا حاسه ان عيونك هتطلع من مكانها =مبسوطة مبسوطة اوى يمريم، تعرفي كنت خايفه، خايفه يبعد وينسانى ويلاقي برا حيطان الكليه دى واحدة تانيه ويحبها، كنت خايفه ابقي مجرد وقت في حياته، بس من اول مشوفته حسيت بحاجة غريبه محستهاش مع حد، اول مشوفه زعلان مثلا، تلقائي بزعل، يجى هو ويبدأ يهزر بس يكون عارفه انه زعلان وبحاول يخبي ب كام ضحكة، عمرى مشوفت أطيب ولا احن منه، عقبالك انتى واحمد وهدير ومصطفي بصتلها وسكتت، هو فعلا معقول يجى اليوم إلى هو يعنى نتخطب انا واحمد، لا دا احنا مبنعملش حاجة غير نقطع على بعض، احنا صحاب وبس صدقونى مينفعش غير كده _احمد مين يبنتى، احنا صحاب بس، احمد مين الى اتخطبله استهدى بالله كده! =بس هو كان قال لعصام انه.. _أنه اى! =يلا يبنات بسرعة عشان نخلص، انا عروسه ولسه هجهز _يلا اى يعلياء متستعبطيش =مفيش يبنتى مش مهم يلا انا خلصت هنزل تحت استناكوا سبتنا ومشيت كانت هدير جمبي وكانت بتدمع _مالك انتى كمان؟ =اصل انا كمان حبيته، ومكنتش عوزاه يمشي _لو من نصيبك هيبقى ليكى متخافيش =يرب يمريم يرب.. نزلنا وودعتهم وروحت سلمت على أهلى كانوا وحشنى اوى، دخلت نمت من تعبت السفر، صحيت فتحت واتس قد اى كانت حياة البنت وحشانى، الفون والنوم زى منا عاوزة منروحش الكليه تانى بقي معلش صحيت لقيت رقم غريب مكلمنى _ازيك =مين؟ _أحمد يمريم أحمد =احمد مين بردو؟ _هتستظرف اهو =عامل اى يسطا _الحمد لله، ها عيطى قد اى بعد ممشيت؟ =واعيط لى، مش معايا فازلين يا احمد ولو عيطت هيطلعلى هالات سودا، يرضيك ابقي وحشه يعنى! _انا منى لله انى كلمتك =هو انت كنت تتسجر متكلمنيش اصلا _مثلا =عصام قالك هيروح يزور علياء امتى _التلات الجاى دى =كويس، ربنا يتتملهم على خير يرب هما فعلا يستاهلوا كل خير _ايوة حصل، وانتى تستاهل اجدع واحد في الدنيا، وبالمناسبة انا اجدع واحد في الدنيا =بس يجدع _مكنتش عاوز اقولك من زمان بس دى حقيقه =انت فعلا جدع جامد والله، ومبسوطة اوى انك في حياتى _مريم هو انا بالنسبالك اى؟ =وانت متعرفش؟ _معلش جاوبي =احسن صاحب في الدنيا _احنا صحاب بس! =لا طبعا _ايوة امال اى بق =صحاب واخوات _مريم اقفلى بدل مضر*بك يلا =ألاه! كنا بنتكلم كل يوم وكل ساعة تقريبا، وكنت بكلم هدير وعلياء وعاملين جروب سوا جه يوم التلات بليل وانا قاعدة لا بيا ولا عليا لقبت ريكورد من علياء طبعا بتصوت فيه وبتقول ان أهلها وافقوا وهينزلوا يجيبوا الشبكة بكرة عشان الخطوبه يوم الخميس فرحتلها اوى _الف مبروك يحبيبي ربنا يتمم بخير =الله يبارك فيكى يحبيبي، عقبالك يرب احمد كلمنى في نفس الوقت _عصام.. =خطوبته يوم الخميس _جدعة،عقبالك =ربنا يخليك والله، انا محتاجة فعلا حد يقولى عقبالك _امتى بقي انا زهقت =زهقت من اى معلش _منك يمريم =وانا زهقت منى بردو، حاسه انى عنست سيكا _كلنا عارفين بس عمرنا منروح نقول قعدنا نتكلم ونمنا لقيته الاربع بليل بيكلمنى _افتحى فيديو كول حالا كده =اشمعنا _يلا بس يلا فتحت لقيته لابس بدلة، اي الحلاوة دى يخربيت كده، مش عارفه لى قلبي دق، دا طلع واد حلو جامد _حلوة البدلة؟ =ها _اخلصي مرضتش اشتريها غير ماخد رأيك =جامد حلوة جامد يا أحمد _كنت عارف قفل معايا وقالى انه هيحاسب ويروح ويكلمنى، هو في اى بقي مالى مهو احمد هنا زى هناك اى فرق بقي، وقلبي دق لي مش احنا صحاب بس، لاء مش صحاب بس، انا بحبه ايوة خلاص وقعت ارتحتوا؟ على الله تكونوا مبسوطين كلمنى ومردتش هو في اى، لازم ابعد عشان معلقش نفسي اكتر من كده، انا لما بحب بضعف ومش ببقي مريم، ومريم على طول ميلقش عليها الضعف، ماما دخلت اوضتى _فيه عريس متقدم لباباكى =اى دا بجد الف مبروك، بس بابا متجوز يماما _هتسوق شغل الاستعباط اهو، هو جاى يوم الجمعة انا بعرفك بس خرجت ومفكرتش في كلامها ودا لى عشان هرفض نمت وصحيت واتغديت والساعة جت 8 ولبست لبست دريس اسود وطرحة حمرا، وحطيت ميكب خفيف وروحت الخطوبه مع هدير عشان كنا متفقين نروح سوا _اى الحلاوة دى يعم =حلاوتك يمريم والله _حبيبي، بس لى الابتسامة دى إلى على وشك =هشوف مصطفي النهارده يبنتى ف مبسوطة اوى _اه على المحن اه على المحن =لما تحبي الأول يبايرة ابقي اتكلمى _وه! دخلت انا وهى البيت عشان هى عملاها في البيت، دخلت وسلمت عليها وحضنتها ووقفت جمبها لقيته جاى ووقف جمبي _مشوفتيش مريم =وعلى أساس انى اى يعنى؟ _أحلفي انتى مريم؟ إلى كانت معايا في الكليه =لا قرينها، البدلة حلوة اوى _اه والفستان مخليكى قمر ميتلبسش تانى بق =نعم يعسل! _مريم انا، بحبك حد يخض حد كده =هو مفيش بوفيه هنا؟ _انتى احمريتى =انا لا دا تنت _بس يجدع =صدقنى _طب اى =اى _انا العريس إلى متقدم على فكرة، ومصطفي هيتقدم لهدير بس متفضحيش الدنيا =إنت العريس إلى هتيجى بكرة _اه =طب متيجى دلوقت يبنى _ألاه يعنى موافقه =هشتري فستان الخطوبه منين _يبنتى!! =هختار الدبلة عاملة ازاى _مريم!! =هه، بتحبك جامد #مريم سمير💘 #في القوات 💘
