حبيبه:يلا ي شروق وهفهمك لما نوصل
شروق:طب استني لما اكلم مازن عشان اقولوا
حبيبه بتوتر:مهو مجدي هيبقى يقوله يلا بس
(حبيبه وشروق وصلوا المستشفى واول ما شروق وصلت حست ان قلبها مقبوض وحست ان في حاجه غلط بتحصل
شروق:حبيبه ممكن تفهميني ايه ال بيحصل
حبيبه بدموع:شروق انت مؤمنه صح ودا قدر ربنا
شروق بصدمه:انت بتقولي ايه ردي عليا ايه ال حصل
حبيبه:مازن
شروق:فين مازن فين ردي عليا متسكتيش كدا
(شروق جريت بسرعه و حبيبه جريت وراها عشان ميحصلهاش حاجه وشروق بتجري زي المجنونه ف المستشفى:لالا اكيد لا دا محصلش محصلش مازن كويس مازن كويس هوا قالي هيروح بسرعه وهيرجع قالي مش هتأخر
وفجأه وهيا بتجري لقت مجدي واقف كدا العمليات وكانت ايده متجبسه جريت عليه بسرعه
شروق:مازن فين رد عليا ي مجدي مازن فين هوا كويس صح
مجدي بحزن:مازن
قاطعه الدكتور وهوا خارج
الدكتور:للأسف شده حيلكوا البقاء لله
نزلت الجمله دي على شروق زي البرق
شروق بصراخ:ماااازن لا مازن مماتش والله لا يارب ليه يارب ليه كل ال بحبهم يارب يا مازن لا انت كدااااب بكرهك ي مازن كدبت عليا قولتلي هفضل جمبك ومشيت قولتلي هساعدك ف الكليه ومش هتساعدني قولتلي مش هخليكي زعلانه وانت دلوقتي أكتر واحد محسسني بالحزن قولتيلي مش هسيبك وسيبتني ليه كدا ليه طب مين دلوقتي ال هيساعدني مين ال هيدخلني الكليه مين
ليه مشيت وسيبتني ليه
كل دا و مجدي وحبيبه بيهدوها وهيا مش قادره من الصدمه
شروق:ليه كدا ي حبيبه ليه سابني ليه مشي هوا انا زعلته
ليه انا عايزاه عايزاه يرجع تاني عايزاه يحضني عايزاه يطبطب عليا
حبيبه:اهدي ي شروق بالله عليكي
شروق:يعني كدا خلاص ماشي وسابني يعني مش هشوفه تاني مش هشوف ضحكته تاني مش هيدايقني تاني خلاص خلاص مشى طب حتى مش هيحضني تاني بجد انا محتجاه اوي محتجاه ي مازن ومره واحده اغمى عليها مجدي نده على الدكاترة وحطوها ف الأوضه وادوها علاج ومهدا وسابوها لحد ما تفوق
بعد ساعه شروق فاقت وكانت نايمه على السرير بس لقت حد مين جمبها وبيملس على وشها
شروق بصدمه:مازن
#احببت_ظابطه
#احببت_ظابطه
بارت 14
بعد ساعه شروق فاقت وكانت نايمه على السرير بس لقت حد مين جمبها وبيملس على وشها
شروق بصدمه:مازن
مازن:انت كويسه ي حبيبتي
شروق:مازن انت انت عايش صح
مازن بتعب:ايوه ي حبيبتي انا عايش وكويس كمان اصابتي بس كانت جنب القلب بس الحمد لله ربنا سطر
شروق بعياط شديد وهيا بتحضنه:بجد انا كنت فكرتك مشيت وسيبتني قلبي وجعني اوي وانا حاسه انك خلاص مش موجود اوعى تسيبني وتمشي تاني انت فاهم
مازن بتعب:حاضر مش هسيبك تاني بس اهدي
(فجاءه الباب خبط بس متقلقوش دا ميجو ال بيخبط
مازن:ادخل
مجدي:مازن مش قولتلك بلاش تقوم عشان جرحك ميفتحش انت ليه عنيد
مازن:كنت عايز اجي اطمن عليها
شروق:مجدي هوا ايه ال حصل انا سمعت الممرضه بتقول البقاء لله
مجدي:انا هشرحلك
(حبيبه دخلت من الباب و معاها طفله اربع خمس سنين
حبيبه:شروق انت كويسه دلوقتي
شروق:اه ي حبيبه انا كويسه بس عايزه افهم ايه ال حصل
مجدي:انا هفهمك كل حاجه
Flashback
مازن:قول الشهاده ي صحبي
حسام:أشهد أن لا إله إلا الله وأن محمدا رسو
وصعدت روحه إلى الله
مازن بصراخ:لاااا حسااام اخوياا قوم قوم عشان خاطري بلاش انا عشان خاطر ملك عشان خاطر شهد قوم يارب يارب قوم بقا
وفجأه رصاصه تيجي ف مازن ويقع وهوا على رجله حسام
مجدي:مازن ي مازن قوم حسام
مازن بتعب:مجدي الحقني
مجدي:الإسعاف بسرعه
(وتم القبض على العمري ورجالته و مجدي خد ملك وشهد وحسام ومازن على المستشفى وهناك دخلوا ملك ومازن العمليات وحسام طبعا كان متوفي وشهد عالجولها ايديها و مجدي كمان عالجولوا ايده
بقلم خلود الطحان
مجدي:دكتور هوا حالت مازن ايه
الدكتور:مخبيش عليك بس حالته صعبه جدا الرصاصه ال خدها كانت قريبه جدا من القلب واحنا هنعمل ال نقدر عليه والباقي على ربنا
مجدي:ايوه يعني هيبقى كويس
الدكتور:والله دي حاجه بإيده ربنا ادعيلو
(مجدي طبعا ف موقف صعب ومش قادر يستوعب ال هوا فيه م*وت اعز صديق ليه عشان هوا وحسام ومازن كانوا اعز صحاب وكانوا مسمينهم مثلث برمودا المهم مجدي كان تعبان ومش عارف هوا ايه ال بيحصله ف غمضت عين بيخصر وكمان الخسائر كبيره واحد مات والتاني بين الحياة والمو*ت بس برغم كل دا كان قادر يقاوم حزنه كان قادر يمشي كان قادر يتعامل مع اي حد بقوه رغم الألم ال جواه وفجأه جت ف باله شروق واتصل بحبيبه
حبيبه:مجدي ايه كل دا اتأخرت ليه وكمان مبتردش
مجدي بتعب:حبيبه عدي على شروق وتعالوا المستشفى
حبيبه بخوف:،مستشفى ايه انت فين طب انت كويس
مجدي:حبيبه مش وقته مازن بيم*وت هاتي شروق وتعالي واياكي تعرفيها حاجه فاهمه الدكتور قالي ان حالته وحشه
حبيبه بتوتر:حاضر ي مجدي حاضر انا جايه
(حبيبه اتصلت بشروق وراحوا المستشفى
عند مجدي بعد مخلص المكالمه مع حبيبه
مجدي:ي دكتور هوا عامل ايه دلوقتي
الدكتور:بص هوا الخطر قل شويه بس دا مش معناه ان كدا خلاص احنا بنحاول وانشاء الله هيبقى كويس
مجدي:طيب والبنت الصغيره
الدكتور:حضرتك تقدر تروح الأوضه ال هناك هتلاقيها مع دكتور الأطفال
(مازن راح واول ما دخل شهد جريت عليه وحضنته
شهد بعياط:اونكل ميجو شوفت ال حصل لبابا وماما و المجرم ضر*بني بالمسدس ف ايدي
بقلم خلود الطحان
مجدي وهوا بيشيلها وبيحضنها:خلاص ي حبيبت اونكل خلاص اهدي بقى حقك عليا وانا قبضت على المجرم خلاص بقا مطعتيش
شهد:انت كمان يا اونكل المجرم ض*ربك بالمسدس ف ايدك
مجدي:اه شوفتي بقيت انا وانت متجبسين
شهد:هوا بابا فين ي اونكل
مجدي:بصي ي حبيبتي مش انت بتحبي بابا
شهد:اه بحب بابا اوي
مجدي:طيب بصي بابا راح لربنا وانت عرفه ان ربنا بيحبنا اوي وكمان بابا دلوقتي مبسوط عشان هوا قابل ربنا
شهد:طب هوا بابا هيرجع امتى من عنده
مجدي:لا مهو ال بيروح عند ربنا مش بيرجع هنا تاني
شهد:يعني كدا بابا مش هيجبلي شوكلاته تاني
مجدي:انا ي حبيبت قلبي هجبلك شوكلاته مكان بابا اتفقنا
شهد:اتفقنا طيب يا اونكل هيا ماما فين
مجدي:ماما هتبقى كويسه انشاء الله بصي انا هسيبك بقا عشان الدكتور يكمل الكشف عشان لو انت تعبانه ماشي
شهد:بس تجيبلي شوكلاته ماشي
مجدي:حاضر من عيوني
(مجدي خرج وهوا قلبه واجعه على صحبه وعلى بنته وراح يشوف ملك ف العمليات بقت عامله ايه
مجدي:مالك ي دكتور بتجري كدا ليه
الدكتور:المدام بتمو*ت ولازم نعملها صدمات كهربائيه دا غير الدم ال هيا نزفته نتيجة تعرضها وكمان كانت ولما الجنين نزل نزفت دم اكتر ومستحملتش كل دا ودلوقتي هيا بتمو*ت ادعيلها واحنا هنعمل ال علينا
مجدي بصدمه من كل ال بيحصل تخيل كدا تكون واقف وشايف
كل ال حواليك بيم*وتوا وانت حتى مش قادر تعمل حاجه والمفروض كمان تبان قوي قدام اي حد فعلا مجدي كان قلبه واجعه اوي وعمال يفكر ف شهد ايه مصيرها وف اللحظه دي شروق وصلت واول ما شافته جريت عليه والدكتور طلع وقال البقاء لله وملك ماتت
Back
مجدي:شوفتي بقا كل دا حصل وانت لما سمعتي الدكتور كان بيقول البقاء لله ف ملك مش ف مازن
واحنا ملحقناش نفهمك اي حاجه
شهد بدموع:اونكل ميجو هوا كدا ماما وبابا عند ربنا طب هما مخدونيش معاهم ليه انا كدا بقيت لوحدي هما ليه سابني هما مكنتش بيحبوني ي اونكل
مجدي وهوا بيحضنها:لا يحبيبتي ازاي تقولي كدا اكيد بيحبوكي وبعدين احنا معاكي اهو متخافيش
مازن:شهوده ي حبيبت قلبي تعالي
شهد جريت على مازن وهوا حضنها بتعب:يا اونكل ميزو هما ليه سابوني
مازن:يحبيبتي محنا معاكي اهو انت زعلانه ليه بقا وبعدين طول ما ماما وبابا شايفينك زعلانه كدا هما كمان هيزعلوا
شهد وعيا بتمسح عيونها:لا خلاص مش عايزاهم يزعلوا شهد حلوه ومش بتعيط
حبيبه خدتها ف حضنها:ايه رأيك ي ست شهد اجبلك حاجات حلوه
شهد:عايزه شوكلاته اونكل ميجو قالي هيجبلي
حبيبه:خلاص تعالي اجبلك شوكلاته
مجدي:يلا وانا كمان هاجي معاكوا
(بعد ما خرجوا
شروق:انت كويس
بقلم خلود الطحان
(مازن نام جمبها ودفن وشه ف رقبتها
مازن بحزن وتعب:انا تعبان اوي
(شروق ضمته ليها وفضلت تطبطب عليه وحست بدموعه نازله عليها
شروق:اهدي ي حبيبي اهدى
مازن:ماشي ي شروق مات بين أيدي مات وهوا على رجلي معرفتش انقذه معرفتش فضل يوصيني على مراته انها تسامحه ماتت وانا مقدرتش اخليها تسامحه ماتت وهيا حامل ف ابنه ومعرفتش انفذ وصيته
شروق:اكيد هيا مسمحاه مش هيا بتحبه اكيد مسمحاه
مازن بضعف:عمري مهقدر انساه دا اخويا هعمل ايه انا و مجدي من غيره خلاص راح وسابنا عمري مهنسا الموقف بيتعاد قدامي وانا بقوله قول الشهاده قالها وهوا روحه بطتلع ليه بس يارب ليه ياريت الرصاصه كانت تيجي فيا انا والله كنت مستعد افديه بروحي
شروق بعياط:متقولش كدة انت فاهم اوعي تقول كدا انا روحي كانت بتروح لما عرفت حسيت ان بابا هوا ال انت تاني حسيت بألم الفقدان تاني بالله عليك متسبنيش تاني
مازن:خلاص اهدي دا انا اول ما خرجت من العمليات وعرفت ال حصلك قومت وجريت عليكي برغم الألم ال انا حاسس بيه كنت عايز اطمنك ان انا موجود واني مسبتكيش مش عايزك تخافي انا جنبك
شروق وهيا بتحضنه اكتر:انا بحبك اوي
مازن:وانا كمان
(فضلوا على كدا وقت زي ميكون بقالهم سنين مشفوش بعض شروق كانت حاسه إنه ابنها وانت منها ولاقته تبقا ف حضنها خلاص ومازن كان حاسس ان شروق بقت امه وهوا عيل صغير كان خايف وتايه ولاقاها قدامه وجريت عليها عشان يطمن الإتنين كانوا محتاجين الحضن دا اكتر من بعض كل واحد فيهم بيستمد طاقته من التاني كل واحد فيهم طلع كل الحزن ال جواه كل واحد فيهم خلص كل ال ف قلبه وكل الآلام ال كانت جواه
عند مجدي وحبيبه
شهد:اونكل ميجو انا عايزه الشوكولاته دي
مجدي:حاضر ي حبيبتي كل ال انت عايزاه
حبيبه بغيظ:خف من حبيبتي شويه عشان مولعش ف البت دي كفايه بتقولك ي ميجو وهاتها متشلهاش انت هوا مش انت تعبان
مجدي:طب بذمتك انت شايفه ان دا وقته وبعدين انت غيرانه من شهد دا انا ال مربيها
شهد بضحك:انت مدايقه عشان اونكل ميجو وكمان ماما كانت بتدايق من بابا عشان كان بيدلعني برضو
حبيبه وهيا بتشيلها عشان دراع مجدي:ماشي ي لمضه
(جابولها حاجات حلوه وطلعوا لمازن وشروق لقوهم نايمين
حبيبه:دول ناموا تعال عشان ترتاح انت كمان يلى
(راحوا أوضة مجدي والممرضه اخدت شهد عشان الدكتور يشوفها وحبيبه وهيا بتقعد مجدي على السرير مجدي بيشدها لحضنه
حبيبه بكسوف:ايه مش قولت ان دا مش وقته مجدي وهوا عينه ف عينها
حبيبه وهيا بتمشي ايديها على وشه:انا حاسه بيك والله انشاء الله كله هيبقى تمام
مجدي بعيون مدمعه زي ميكون خلاص مش قادر يبان قوي خلاص قوته راحت مبقاش قادر وفضل عنه حس ان هوا بينهار حس ان هوا ضعيف
بقلم خلود الطحان
حبيبه راحت نايمه جنبه وخدته ف حضنها جامد و مجدي مصدق حاجه يستخبى فيها عشان يطلع حزنه وضعفه وكان حضن حبيبه هوا دا انسب مكان يكون فيه ضعيف هيا الوحيده ال ممكن يبان ضعيف قدامها اتشعلق ف حضنها جامد ودموعها نزلت على كل ال حصله وشافه كام ساعه فاتوا فقد فيها اخوه وصاحب عمره وكام هيفقد اخوه التاني كمان وكل دا قدام عنيه
حبيبه:خلاص ي حبيبي اهدى عشان خاطري
(فجأة الباب خبط و……
#احببت_ظابطه
بارت 15
(فجأة الباب خبط و حبيبه قامت من حضن مجدي وعدلت هدومها وراحت فتحت لقت اللواء ممدوح ومعاه مجموعه كمان من الظباط
اللواء ممدوح:اهلا بالبطل عامل ايه دلوقتي ي مجدي
مجدي:كويس الحمد لله ي فندم بس للأسف
اللواء ممدوح بمقاطعه:انا عرفت كل حاجه ومش عايز دا يأثر عليك انت او مازن وبعدين دا ساعدنا كتير احنا قبضنا على العمري ورجالته كلهم بعد ما كانوا هيهربوا بره البلد
مجدي:تمام ي فندم
اللواء ممدوح:شد حيلك بقا وشكلك كدا مش هتعرف تاخد الأجازة ال انت مقدم عليها بقالك فتره عشان الجواز
حبيبه بستغراب:اجازه جواز
مجدي شد حبيبه من ايدها عشان تسكت:تمام ي فندم
اللواء ممدوح:طيب هسيبك ترتاح وهروح اطمن على مازن
عشان بيقولولي إصابته خطيره وكان ممكن نفقده
(اللواء ممدوح مشى وراح عند مازن وبعد ما الباب اتقفل
حبيبه:اجازة جواز ايه ي مجدي
مجدي:مفيش ي ستي كنت واخد اجازه اسبوع عشان نسافر سوا ف اي حته انت عايزاها يعني نعتبره شهر عسل
حبيبه وهيا بتاخده ف حضنها تاني:هوا انا قولتلك ان انا بحبك بس نأجل الأجازة دي لحد ما تبقى كويس اتفقنا
مجدي وهوا بيدفن راسه ف رقبتها:ماشي
(عند مازن وشروق
الباب بيخبط وشروق سمعته
شروق:مازن قوم افتح الباب بيخبط
مازن: ماشي يلا اعدلي طرحتك
(مازن قام فتح لقى اللواء ممدوح ف وشه
اللواء ممدوح:ايه دا انت مش ف أوضتك ليه مش انت تعبان ي بني الدكتور قايلي حالتك وحشه
مازن:ي فندم عيا اول مره اض*رب بالرصاص خلاص جسمي مبقاش بيتأثر بالكلام دا
اللواء ممدوح:حمدلله على السلامة ي بنتي
(ملحوظه اللواء ممدوح عنده ٥٦ سنه يعني قد باباها )
شروق:الله يسلم حضرتك
اللواء ممدوح:ايه ال حصلك انت دخلتي المستشفى ليه
مازن:اصل ي فندم لما لقوا حالتي صعبه فكروني همو*ت وحكاله على ال حصل
اللواء ممدوح:ربنا يخليكوا لبعض وحمد لله على سلامتك
وكمان مش عايز اي حاجه تأثر عليك ي مازن مفهوم
مازن:مفهوم ي فندم
اللواء ممدوح:اسيبكم بقا ترتاحوا
(اللواء ممدوح خرج
مازن وهوا بيقفل الباب
مازن:والله انا زهقت من الباب دا
شروق:والله مش انت لوحدك انا كمان زهقت
(والله انا كمان زهقت واكيد انتو كمان زهقتوا)
بقلم خلود الطحان
مازن وهوا رايح ناحيت شروق
مازن:انت كويسه دلوقتي
شروق وهيا بتفتح دراعتها ليه:انا كويسه بس انت تعبان اوي تعالى جنبي
(مازن اول ما شافها جرى عليها ودفن وشه ف رقبتها
(اسيبهم يتهنوا ابدا ودي تيجي الباب اتفتح مره واحده وكانت شهد
شهد بمرح:بتعملوا ايه
مازن:عيله فصيله شبه أبوها كان بيجي برضو ف قوقات غلط
شهد:عيب كدا ي اونكل ميزو انتو مش عندكوا بيت
شروق:مين دي
مازن:تربيتي انا و مجدي وحسام اصل احنا كنا اول مره نربي طفل ف كنا بنجرب ف البت دي
شروق:دي بتقولك اونكل وكمان ميزو طب هيا كدا بتحترمك يعني ولا لا وبعدين في طفله خمس سنين تقول عندكوا بيت دا فاضل تقول ملكوش بيت يلمكوا
مازن:يا زين ما ربينا والله
شروق:تربيه هباب دا انا هخاف لو جبت عيال مش عايزاهم يبقوا متشردين
مازن وهوا بيقرب عليها:طب احنا نجيبهم بس
شهد وهيا بتمسك وشه:مقولنا عيب بقا طب اعتبر أن انا موجوده ولا اقولك هروح ل اونكل ميجو هوا مؤدب
مازن:لا واونكل ميجو الأدب بيخر منه اوي يلى مع السلامه وال قلب دعيلك
شروق:لا كدا انا اطمنت على ولادي
(شروق بتبص على مازن بتلاقيه متابع شهد لحد ما خرجت وعينه مدمعه
شروق:خلاص ي حبيبي دا انت حتى المفروض تفرح لأنه مات شهيد وكمان انت ال هتهتم بيها انت و مجدي مكانه
مجدي حضن شروق من غير ولا كلمه ونام جنبها
(شهد بتفتح الباب على حبيبه و مجدي
شهد:حتى انت يا اونكل ميجو يوووه
(شهد خرجت من غير ما يحسوا وفجأه
لقت ال بتشدها وبترفعها عن الأرض وكانت مي خالت شهد
شهد حبيبتي انت كويسه انت بخير ومال ايدك ي حبيبتي
شهد بفرح:خالتو مي عامله ايه ايه دا انت بتعيطي ليه
مي:لا يحبيبتي انا كويسه انا بخير
بقلم خلود الطحان
(تعريف مي خالت شهد مي مكنش عندها اخوات خالص غير ملك وطبعا مي عرفت ال حصل لأختها عشان كدا كانت بتعيط مي عندها بنتين من سن شهد وكمان جوزها مسافر بره عشان بيشتغل وهيا عايشه مع بناتها وطيبه جدا وبتحب شهد زي بناتها بالظبط وكمان بناتها مريم وفيروز بيحبوها اوي
شهد:فين مريم وفين فيروز
مي:ف البيت ي حبيبتي فالبيت ويلا عشان اروحك ليهم
شهد:هوا انا هروح معاكي
مي:اه ي حبيبتي يلا
شهد:طب استني هسلم على اونكل واونكل وحبيبه وشروق
مي:مين دول
شهد:خليكي هنا هيلم عليهم ونمشي سوا
مي:ماشي ي حبيبتي يلا
(شهد دخلت أوضة مجدي وحبيبه وطلعت على السرير
شهد:يا اونكل ميجو
مجدي:عايزه ايه يا آخرة صبري يا مفسدة اللحظات الرومانسيه طالعه لبوكي
شهد:انا مروحه قوم سلم عليا
مجدي:مروحه فين
شهد:مع خالتو مي قوم يلا
مجدي:حاضر يلا
(راحوا أوضة مازن وكلهم سلموا على شهد
مازن:مدام مي حسام وصاني عليها قبل ما يم*وت طمنيني عليها اول بأول
مي:طبعا طبعا انت دلوقتي ف مقام باباها دلوقتي وهيا بتحبكوا اوي
مجدي:واحنا كمان بنحبها اوي دي بنتنا
شهد:باااي
كلهم:باي ي شهد
(شهد مشيت مع خالتها واجرائات الدفن خلصت وكلوا روح بيته وعند مازن وشروق
شروق:تعالى يلا ادخل ي حبيبي ارتاح وانا هعملك اكل
مازن:مش جعان
شروق:طب عشان خاطري انت تعبت اوي انهارده يلا تعالى ادخل كدا معايا
(شروق دخلت مازن الأوضه وقعدته على السرير وراحت تجيبله هدوم من الدولاب بس سمعت صوته بيتألم وجريت عليه
شروق:مازن مالك في ايه
مازن بألم:مفيش حاجه انا بس كنت عايز اقلع هدومي
شروق:طب قولي عشان اساعدك لكن متتعبش نفسك هوا انا موجوده ليه يعني يلا انا هساعدك
بقلم خلود الطحان
(شروق ساعدت مازن على بال ما غير هدومه بس كانت مكسوفة اوي
شرةق:بس بقا انا هحضرلك الأكل و هاجي عشان اغيرلك على الجرح ماشي
مازن:ملوش لزوم انا هعمله
شروق:ايه دا لا انا مبحبش اقول الكلمه مرتين سامع
(شروق خرجت من عند مازن عشان يرتاح شويه وغيرت هدومها ولبست بيجامه برموده كحلي وعليها بلوزه نص روز
وفردت شعرها وحضرت لمازن شوربة خضار وخلصت وجابت الشاش والقطن ودخلت لمازن وقعدت جنبه على السرير وشالت التيشرت وبدأت تغير على الجرح بس كانت مكسوفة سيكا
مازن:ياه ايه الممرضه القمر دي
شروق:بطل معاكسه بقا وبعدين في مريض بيعاكس الممرضه بتاعته
مازن وهوا بيعدل نفسه وبقت قدامها:مهي لو قمر كدا لازم تتعاكس برضو ولا ايه
شروق بكسوف:انا قايمه اجبلك الأكل
مازن شدها وبقت قدامه:مش مهم خليكي معايا وجمبي
شروق:لا لازم تاكل عشان الجرح وانا كدا كدا معاك وجمبك
(شروق قامت وجابت الشوربه وقعدت و كمان كانت بتأكل مازن بإديها وخلص وقامت شالت الأكل ورجعت تاني ونامت جنبه وخدته ف حضنها عشان هيا عارفه هوا قد ايه محتاجلها ومحتاج وجودها معاه وناموا
عند حبيبه و مجدي
(اول ما دخلوا
يلا ادخل غير انا هحضر اكل عشان احنا جعلتني ومكلناش حاجه من الصبح
مجدي بخبث:طب انت مش شايفه ايدي تعالي ساعديني
حبيبه:اه حاضر تعال يلا
(حبيبه دخلت مجدي وجابتله هدوم
حبيبه:طب بص الهدوم اهي غير انت بقا
مجدي بخبث:هوا انت مش ايدي يعني
حبيبه بكسوف:حاضر
(حبيبه بدأت تغيرله وبعد ما خلصت وشها طبعا كان طماطم خالص
مجدي:يخراشي ايه الكسوف دا ال يشوفك دلوقتي ميشوفكيش وانت جعفر و بتقوليلي يسطا
حبيبه:عاجبك ولا مش عاجبك
مجدي وهوا بيشدها وقعت عليه:مهو لو مكانش عاجبني مكنش زمانك جمبي دلوقتي
حبيبه بكسوف وتوتر:اوعى ياض وبعدين مش انت تعبان خليك مؤدب بقا
مجدي:مش قادر
حبيبه وهيا بتقوم:اوعى ي قليل الأدب انت
(وراحت غيرت وكانت لابسه بيجامه ليجن نبيتي وتيشيرت اسود ورافعه شعرها كحكه وخدت الأكل وراحت قعدت كلت هيا و مجدي وبعدها ناموا
(مني لله عشان بكتب رومانسي وانا اصلا سنجل بائس)
والساعه تلاته الفجر الباب خبط و…….
باااس البارت خلص
#احببت_ظابطه
بارت 16
الساعه تلاته الفجر الباب خبط
مجدي قام مفزوع هوا وحبيبه
حبيبه بخوف:هوا في ايه
مجدي:خليكي هنا اوعي تتحركي
حبيبه:حاضر
(مجدي قام وخد السلاح بتاعه وراح يفتح الباب لقى الجيران
عم محمد البواب:ي مجدي بيه احنا مسكنا حرامي كان جاي يسرق شقة الأستاذ صبحي ال ف الدور التاني
مجدي:ي عم محمد انت مصحيني عشان الاقي حرامي دا انا قولت حد جاي يخطفنا ولا حاجه
عم محمد البواب:ي بيه هوا حد يقدر يدخل العماره وانا موجود
مجدي:انت هتقولي بأمارة الحرامي ال لسه مسكينه دا
عم محمد البواب:خلاص بقا ي بيه انا سهى عليا منا إنسان برضو والإنسان سهاي
مجدي:الإنسان سهاي
عم محمد البواب:يلا ي بيه عشان تقبض على الحرامي
مجدي:خليكوا ماسكينه وانا هطلب البوكس يجي ياخده
عم محمد البواب:ليه ي بيه انت مش هتحقق معاه
مجدي:احقق معاه ايه ي عم محمد هوا متهم ف جر*يمة دا حرامي
عم محمد البواب:خلاص هحقق معاه انا على بال ما البوكس يجي
مجدي:امشي ي عم محمد بدال مخلي البوكس ياخدك معاه
عم محمد البواب:خلاص ي بيه انا ماشي تصبح على خير
مجدي:وانت مش من اهله ي عم محمد
(مجدي قفل الباب ورايح يشرب من المطبخ لقى حاجه بتخبطه على رأسه وطلعت حبيبه كانت واقفه ف المطبخ وماسكه الطاسه بإديها
بقلم خلود الطحان
مجدي بعصبيه:ايه دا ي حبيبه في ايه
حبيبه:مجدي هوا انت انا فكرت العصابه
مجدي:عصابه ايه
حبيبه:اصل ف الأفلام العصابة بتيجي تخطفنا
مجدي:عصابة ايه بس وزفت ايه دا كان حرامي
حبيبه:يعني مافيش عصابه هنحاربها
مجدي:يعني حتى لو في عصابه هتحاربيهم بالطاسه
حبيبه:عادي روبانزل كانت معاها طاسه
مجدي:يعني هوا عشان روبانزل كان معاها طاسه هتض*ربيني بيها ي حبيبه
حبيبه:خلاص بقا ي مجدي
مجدي:طب يلى ي آخرة صبري عشان ننام يارب متجوز عيله صغيره
حبيبة:استنى هنا انت هتنام
مجدي:انت شايفه ايه يلا ننام
حبيبه:لا انا جعانه عايزه آكل ناكل الأول وبعد كدا ننام
مجدي:هتاكلي دلوقتي
حبيبه:دا احسن وقت للأكل
مجدي:نعم احسن وقت هوا انت مش عارف ان الأكل بليل بيتخن
حبيبه:وهيا بطني هتعرف منين احنا بليل ولا الصبح
مجدي:انا كمجدي اقتنعت
حبيبه:تعالى نعمل مكرونه بشاميل اصل انا بحبها
مجدي:ماشي يا طفلتي
حبيبه:بزمتك دا منظر طفله
مجدي بخبث:لا مهو واضح انك مش طفله خالص
حبيبه بكسوف:احم لا انا طفله بقا ها
(ومشيت من قدامه وبعدها عملت المكرونه وقعدوا ياكلوا
وبعدها ناموا
عدا ايام وشهور على ابطالنا وال حصل ف الشهور دي
مازن و مجدي تجاوزا مو*ت حسام ودا طبعا بمساعدت شروق وحبيبه كانوا دايما جنبهم ومعاهم ولحد ما قدروا يعدوا المحنه دي
مازن اخد وقت طويل على بال ما جرحه تم شفاؤه لأنه كان صعب زي محنا عارفين
وطبعا بعد كدا خدوا اسبوع الأجازة عشان يسافروا ومازن خد شروق وراحوا شرم الشيخ و مجدي خد حبيبه وراحوا الغردقة وقضوا اسبوع جميل جدا
بعد كدا بقا رجعوا وتم تكريم مجدي ومازن وكمان حسام عشان قدروا ان هما يقبضوا على أكبر تاجر سلاح والوسام بتاع حسام مجدي ومازن خلوا شهد هيا ال تاخده عشان دايما تفتكر باباها وإن هوا بطل وهيا بنت البطل
طبعا منستش رامي بعد ما مازن رجع شغله طبعا كان اتروق احلى ترويق وبعدها مشاه من البلد خالص وراح هوا واسرته مكان تاني بعيد عن شروق خالص
اه نسيت اقولكوا حبيبه قررت تدخل شرطه مع شروق
بقلم خلود الطحان
عدى وقت و الإمتحانات خلصت وشروق وحبيبه نجحوا
وجابوا مجموع كلية الشرطه
يوم التقديم في خبر وحش وصل لشروق
الخبر كان وفاة خالتها شيماء
شروق بعياط:يارب يارب ليه ليه كل ما يقرب من حلمي تحصل حاجه ليه يارب دي كانت معوضاني عن امي كانت هيا الحضن ال بيمسحلي دموعي ليه يارب خدت مني امي ودلوقتي خدت اني التانيه لييه بس كل دا بيحصل فيا
حبيبه:اهدي ي شروق اهدي بقا ومتقوليش كدا اكيد ربما ليه حكمه اهدي بقا
شروق:انا كل ال بيحصل دا كتير اوي عليا خلاص مش قادره استحمل انها مشيت زيهم سابتني ومشيت تاني
(مازن دخل عليهم
شروق:مازن ليه كله بيمشي ليه كله بيسبني وبيروح
(مازن مستحملش كل دا خدها ف حضنه وبس وحبيبه سابتهم وطلعت
شروق:ليه ي مازن بس ليه كل دا بيحصلي هوا انا لازم اكون حزينه مينفعش مره فرحتي تكمل من غير حزن
مازن:خلاص بقا ي شروق
شروق:طب هيا ليه سابتني ليه مشيت والله كنت بحسها ماما كانت زيها بالظبط وقولت ربنا عوضني بيها بس هيا مشيت زيهم سابتني ومشيت كل ال بحبهم بيمشوا
مازن:انا معاكي وعمري ما هسيبك ابدا
(شروق هديت شويه ف حضنه بس للأسف كان م*وت خالتها حاجه صعبه اوي عليها وفضلت ف المستشفى لفتره طويله ومازن كان معاها وكان جمبها طول الوقت وكمان حبيبه كانت تعبانه بس اكيد مش زي شروق كلهم كانوا جمبها بس طبعا كانت تعبانه ومكانش هينفع تبدأ كليتها وهيا ف الحاله دي وأطر مازن يأجلها الكليه السنه الجايه
وحبيبه كمان اجلتها عشان تكون مع شروق وتعدي فتره وشروق تفوق من صدمتها ورجعت تمارس حياتها بشكل طبيعي بس ف السنه ال اتأجلت شروق وحبيبه عملوا حاجات كتيره اوي
اهمهم مازن و مجدي دربوهم على الملاكمة وغيرها وغيرها ورياضات مختلفه زي الرمايه والسباحة والخيل والدفاع عن النفس بحيث لما يدخلوا ال كليه يكونوا قادرين عليها ويكونوا متدربين من قبلها لا ومش كدا وبس جابولهم كتب سنه أولى عشان يذاكروها هما اه متعبين وتعبوهم جامد لأنهم مكنوش بيحبوا المزاكره وكانوا بيجروا وراهم بالكتب عدا الوقت ودخلوا الكليه الفرحه مكنتش سايعه شروق وانها اخيرا حققت حلمها اخيرا وصلت لل هيا عايزاه وحققت أمنية باباها ومامتها وكانت بطلع من الأوائل دايما هيا وحبيبه وتعدي سنين الكليه بتعبها وكان مجدي و مازن كانوا دايما معاهم وجمبهم وبيذاكرلهم وبيدربوهم وكل دا خلص وخلاص النهارده يوم التخرج شروق وحبيبه كانوا قاعدين ف الحفله ومستنيين مازن و مجدي وفجأه الباب بتاع القاعه اتفتح وكان مازن ومجدي لابسين الزي الميري
وماسكين الكاب تحت ايديهم وكل واحد معاه بوكيه ورد
وبعد ما حبيبه اتكرمت ونزلت من المنصه
مجدي بفرحه:الف مبروك يا احلى ظابطه ف الدنيا
حبيبه بفرحه:الله يبارك فيك ي حبيبي وكمان جايبلي الورد جوري
مجدي:عشان انا عارف انك بتحبيه ف جبته
حبيبه وهيا بتحضنه:ربنا يخليك ليا يارب النهارده اسعد يوم ف حياتي كلها
مازن:احببت ظابطه صغيره
شروق بفرحه من الكلمه وحضنته اكتر
وشروق كمان طلعت اتكرمت بس خدت المايك وقالت كلمه
بقلم خلود الطحان
شروق:احم احم مساء الخير اولا كدا النهارده فعلا اسعد يوم ف حياتي عشان قدرت احقق حلم مش حلمي لوحدي لا دا حلم ناس كتير زي بابا وماما وكمان امي التانيه ال هيا خالتي الله يرحمهم كلهم ماتوا قبل ما يشفوني ف المكانه دي انا مريت بأيام صعبه جدا وجربت احساس الفقد اكتر من مره واتعرضت لحاجات كتير صعبه بس ف الأخر ربنا عوضني ب ان انا حققت الحلم وكمان رزقني بإنسان احسن حد ف الدنيا كان برضو حلمه اكون ظابطه وهوا الوحيد ال شهد على تحقيقي للحلم دا بجد من غيره عمري ما كنت هوصل هوا فعلا عوضي ربنا عوضني بيه عن حاجات كتير اوي وعمره ما سابني الشخص دا هوا جوزي حضرت الظابط مازن وعايزه اقوله شكرا على كل ال انت عملته معايا انا من غيرك مكنتش هبقى هنا دلوقتي…..بحبك
(مازن جري على الإستيتج وحضنها ولف بيها وسط تصفيق وتصفير من جميع الحضور
مازن:بحبك يا شروق بحبك يا احلى ظابطه بحبك انت ال نورتي حياتي انت ال مخلياني اضحك من قلبي بحبك يا من سكنتي الفؤاد
شروق:احبك حبا يتمناه الرجال مِن مَن يحبونهم وتستحي منه كلمات العشق
طلعها من حضنه وباسها من راسها وخدها ونزل من على الإستيتج واداها بوكيه الورد ولبسها الكاب بتاع البدله
عدت الحفله وكان يوم مميز ف حياتهم كلها دايما بيكون يوم التخرج دا يوم مبيتنساش ابدا
وتعدي الأيام وشروق وحبيبه يشتغلوا لا وكمان مع مازن و مجدي آل يوم تم اختيار شروق ف مهمه تبع تجار المخدرات وشروق كانت حاسه إن دي مش هتكون اول مهمه بس هطتلعها لا وكمان الأخيره عدى وقت وشروق جهزت للعمليه ومازن كان قلقان عليها خايف يحصلها حاجه
مازن:شروق انا اول مره اخاف انا خايف اوي
شروق بإبتسامه وهيا بتحط ايدها على وشه:متخافش هبقى كويسه اجمد كدا اسد يلا في ايه
مازن وهوا بيشدها ف حضنه:اوعديني انك هترجعي لحضني تاني
شروق وهيا بتبطب على ضهره:هرجع لحضنك تاني
مازن:لا إله إلا الله
شروق:محمد رسول الله
شروق كانت لسه هتخرج من الباب وقفها صوت مازن
مازن:بحبك
شروق:بحبك
نزلت شروق وراحت عشان تنفذ العمليه وحصل اشتباك وشروق اتعرضت لض*رب رصاص وغيره وغيره دا غير كمان اتعرضت لنزيف قوي بس الحمد لله تم القبض على العصابه
(اتنقلت شروق هيا وكل المصابين والإسعاف للمستشفى
شروق ف غرفة العمليات
مازن من ساعة ما ساب شروق وهوا ف مكتبه ف القسم
وكذلك مجدي وحبيبه
مازن مره واحده قلبه وجعه جامد ومبقاش قادر ياخد نفسه قام بصعوبه وراح مكتب مجدي وكانت حبيبه قاعده معاه
مازن:في أي اخبار عنهم
مجدي:مالك ي مازن انت كويس
مازن انا كويس قولي بس آخر الأخبار
مجدي:لحد دلوقتي مفيش حاجه جديده تعالى اقعد ارتاح
(مازن قاعد مع مجدي وحبيبه وكلهم على اعصابهم
وفجأه الباب خبط (انا اسفه بس لازم يكون في مصيبه ورا الباب ولازم الباب يخبط ف كل بارت سامحوني)
مجدي بتوتر:ادخل ي اشرف (فاكرين اشرف)
اشرف:آخر المستجدات يا فندم
مازن:اخلص ي اشرف في ايه
اشرف:تم القبض على العصابه ي فندم بس للأسف بعد اشتباك كبير بينا وبينهم
مازن بخضه:وايه ال حصل
بقلم خلود الطحان
اشرف:تم نقل المصابين ومنهم حضرت الظابطه شروق وهما حاليا ف المستشفى
(مازن قام جرى و مجدي وحبيبه وراه
اول ما وصلوا المستشفى عرف انها ف غرفة العمليات طلعوا جري على فوق واول ما طلعوا كان الدكتور واقف مع قاقد الفريق الظابط اسامه وسمعنا الدكتور وهوا بيقول
الدكتور:للأسف ملحقناش ننقذها كانت خلاص
مازن اول ما سمع مستحملش ووقع على ركبه
مازن بقهر:شروووووووووق
#احببت_ظابطه
البارت 17 الأخير
(مازن قام جرى و مجدي وحبيبه وراه
اول ما وصلوا المستشفى عرف انها ف غرفة العمليات طلعوا جري على فوق واول ما طلعوا كان الدكتور واقف مع قاقد الفريق الظابط اسامه وسمعنا الدكتور وهوا بيقول
الدكتور:للأسف ملحقناش ننقذها كانت خلاص
مازن اول ما سمع مستحملش ووقع على ركبه
مازن بقهر:شروووووق
اسامه:مازن استني شروق كويسه
مازن مكنش ف وعيه خالص ووقع منهم
بعد شويه مازن فاق و مجدي كان جنبه هوا واسامه
مازن بتعب:شروق شروق فين
مجدي:اهدى ي مازن شروق كويسه والله
مازن:كويسه ازاي انا سمعت الدكتور بيقول
اسامه:اهدى انت سامع غلط
مازن:امال في ايه هيا كويسه ولا لا
مجدي:بص ي مازن انا هفهمك كل حاجه
هوا في خبر وحش وهوا ان شروق كانت حامل
وكانت لسه ف الشهر التاني وهيا مع الحركه وبسبب المهمه دي حصلها نزيف وللأسف الجنين نزل
والدكتور كان بيقول كدا على أن هوا ملحقش ينقذ الجنين لأنه كان خلاص
(مازن رجع راسه لورا وهوا مش عارف فرحان عشان شروق كويسه ولا زعلان علشان اول ابن ليه مات
مازن بتعب:شروق فاقت
مجدي:لا لسه
مازن:هيا عرفت الموضوع دا
مجدي:لا لسه
مازن:محدش يعرفها حاجه خالص
مجدي:حاضر
مازن قام من مكانه
مجدي:رايح فين هيا لسه مفقتش
مازن:عايز ابقى جمبها لما تفوق
(مازن خرج من الأوضه ورايح على أوضة شروق و وهوا داخل سمع الممرضه
عند شروق اول ما فاقت
شروق بتعب:اه انا فين
الممرضه:حمدلله على سلامتك
شروق:هوا ايه ال حصل
الممرضه:احنا اسفين بس انت كنت حامل وعلى بال ما وصلتي هنا كان البيبي نزل انا اسفه
شروق بصدمه:ايه هوة انا كنت حامل
الممرضه:ايوه ف شهرين انت مكنتيش تعرفي
شروق بحزن:لا مكنتش اعرف
(قاطعهم دخول مازن
شروق كلمت الممرضه بصوت واطي عشان مازن ميسمعش
شروق:متقوليش حاجه خالص سامعه
مازن بغضب:لا متقولش ايه بقا مهي قالت كل حاجه هوا انت مين ال قالك تتكلمي مع المريضه كدا ايه انت مبتفهميش حتى استني لحد ما تفوق ايه معندكيش دم مريضه لسه متعرضه لكل دا وانت تيجي تصدميها بخبر
زي دا مش خايفه يحصلها حاجه ردييييي
الممرضه بفزع:انا اسفه جدا ي فندم عن اذنك
مازن بزعيق:غووري من وشي بدل ما ارتكب فيكي جنايه
الممرضه خرجت بسرعه وهيا مرعوبه
شروق بعياط:والله انا مكنتش اعرف ان انا حامل والله مكنتش اعرف انا اسفه ي مازن
مازن وهوا بيقعد جمبها وبيحضنها:اهدي ي حبيبتي دا قضاء ربنا ربنا هوا ال عايز كدا المهم ان انت بخير
شروق:يعني انت مش زعلان
مازن:اكيد زعلان بس اهم حاجه انك كويسه واحنا نقدر نعوضه ونجيب غيره ودلوقتي لو عايزه
شروق طلعت من حضنه:دا وقته اطلع بره ياض وانت قليل الأدب كدا دا وقت تحرش
مازن وهوا بيحضنها تاني:ربنا يخليكي ليا ومش عايزك تزعلي وتقتنعي ان دا قدر ماشي
شروق بحب:ماشي
اه صحيت انت كنت بتزعق كدا ليه للممرضه
مازن:اصلي مكنتش عايزك تعرفي عشان متزعليش
شروق:وانا كنت هقولها متعرفش حد عشان انت كمان متزعلش
مازن:كدا خالصين وانا وانت مش زعلانين صح
شروق:صح
(مش هقدر لازم الباب يخبط مش هسيبهم يفرحوا)
حبيبه دخلت لقت مازن قاعد جنب شروق و واخدها ف حضنه
حبيبه:شكلي جيت ف وقت غير مناسب
شروق:طب وايه الجديد
حبيبه:عموما انا جايه اطمن عليكي انت عامله ايه دلوقتي
شروق:الحمد لله كويسه
حبيبه:طيب هسيبكوا انا بقى كويس انك بخير
بقلم خلود الطحان
(حبيبه خرجت وراحت لمجدي تطمنه
مجدي:ها عامله ايه
حبيبه:الحمد لله هيا كويسه لا وكمان شكل مازن ظبطها
مجدي بضحك:طب والله كويس
حبيبه:ها هنعمل ايه دلوقتي
مجدي بخبث:متيجي نروح واظبطك انت كمان
حبيبه:ي بني انت جايب البرود دا منين ودا وقته
مجدي:مش بتقولي ان هما كويسين وان مازن ظبطها وكمان احنا قبضنا على تجار المخدرات ودي فيها ترقيه
يبقى مزاجي ميبقاش رايق ليه
حبيبه:ماشي ي عم الرايق خلي الكلام دا ف البيت المهم بس دلوقتي هنعمل ايه
مجدي:تعالي بقى نروح القسم نخلص القضيه دي وبعد كدا نرجعلهم هنا تاني عشان او عايزين حاجه
حبيبه:ماشي بس ياريت منتأخرش عليهم
مجدي:هيا ساعه وهنرجع تاني
حبيبه:ماشي يلا
(حبيبه و مجدي راحوا على القسم وخلصوا القضيه وكل حاجه عند مازن وشروق
الممرضه داخله تدي لشروق العلاج
شروق:ايه دا لا انا مبحبش الحقن مش عايزه اخد العلاج
مازن:نعم يختي يعني انت م*وتي تلت تجار مخدرات وخايفه من الحقنه الطم على وشي
شروق:اسكت انت انا بخاف من الحقني اوي
الممرضه:طب انا هقولك على فكره بعملها مع الأطفال
مازن:أطفال بقى دي كلها أطفال
الممرضه:مهو علشان تاخد الحقنه
بصي بقا انت هتمسكي ايده زي بابا كدا وتعدي من واحد لعشره وانت باصه الناحيه التانيه اتفقنا
شروق:اتفقنا هات ايدك ي مازن انا استرونج وهاخدها
يلا عد معايا واحد اتنين تلا
شروق مكملتش وراحت صرخت وعضت ايد مازن جامد
مازن بزعيق:اااه ي بنت العضاضه ايدي زمبها ايه
الممرضه:انا اسفه ف السؤال بس هوا حضرتك عندك كام سنه
شروق بعياط:لا ملكيش دعوه انت قولتي مش هحس ووجعتني جامد انت ايدك تقيله اوي يا مازن زعقلها عشان الحقنه وجعتني
الممرضه بذهول:هوا حضرتك متأكد ان المدام بتشتغل ظابطه
مازن:لا دي بنت اختي عادي تقدري تتفضلي
(بعد ما الممرضه خرجت
مازن:ايه ي شروق كل دا عشان حقنه
شروق:ي مازن وجعتني
مازن:ماشي ي شروق وجعتك تعضيني انا ليه كنت عضي الممرضه
شروق:ما انت ال كنت ماسك ايدي
مازن:ماشي ي آخرة صبري
(اسيبهم يتهنوا ابدا ودي تيجي الباب خبط
مازن:ادخل
كان ال على الباب اللواء ممدوح
اللواء ممدوح:حمدلله على السلامة
بقلم خلود الطحان
شروق:الله يسلمك ي فندم
اللواء ممدوح:ياه انا قاعد قدامي اتنين ابطال واحد قبض على أكبر تاجر سلاح من كام سنه وخسر اعز أصدقائه بس قدر يقوم تاني ويطلع مهمات تانيه
والبطل التاني قدرا تقبض على تجار مخدرات بس خسرت حته منها وانا واثق انك مع بعض هتعدوا الأزمه دي زي ال قبلها
شروق:ميرسي جدا ي فندم على كلام حضرتك
مازن:كلامك دا وسام كبير اوي ي فندم نعتز بيه
(قاطعهم دخول مجدي وحبيبه
مجدي بمرح:طب مفيش كلمتين حلوين ليا انا كمان دا انا حتى لسه مخلص قضية القت*ل ومخدتش كلمتين حلوين من دول
اللواء ممدوح:اخرص ي مجدي بدال ما تاخد مرتبك من غير العلاوه بتاعت القضيه
مجدي:احلف هوا في علاوه على المرتب
اللواء ممدوح:اه والله في علاوه
مجدي وهوا بيبوس خده:والله انا بقول الداخليه مجبتش غير ممدوح باشا
اللواء ممدوح:اتلم يلا بدال ما تاخد نص المرتب ومن غير العلاوه كمان
مجدي:اللاه بهزر معاك مالك قفوش كدا ليه
اللواء ممدوح بزعيق:مجدييي
مجدي وهوا بيأدي التحيه العسكريه:تمام ي فندم
حبيبه بضحك:سيبك منه ي فندم بس هوا انا مليش علاوه انا كمان على قضية سهام نصر دا انا خلصتها ف اربع تيام
اللواء ممدوح:انتو الأتنين ملكوش مرتبات اصلا ي حبيبتي الشهر دا
حبيبه:اللاه ليه كدا ي بدوحه دا انا حتى ال بعملك الفطار
اللواء ممدوح:اتلمي ي بت عيب كدا الكلام دا بينا وبين بعض انا وانت وشوشو بلاش قدام العيال دي
مجدي:اشمعنا هيا بقا مزعقتلهاش
اللواء ممدوح:علشان انا بحبها هيا وشروق عشان بيجبولي الفطار وبنفطر سوا إنما انت و الواد مازن مبحبكوش عشان بتقرفوني بس المشكله ان دماغكم بتعجبني ف الشغل غير كدا كان زماني واقفكم عن العمل اصلا
مازن:ماهو دا العشم برضو
(ضحكوا كلهم سوا وبعد كدا مازن و مجدي و اللواء ممدوح خرجوا وسابوا حبيبه مع شروق
حبيبه:انت كويسه دلوقتي ي حبيبتي
شروق:اه الحمد لله تعالي بس ساعديني ادخل الحمام واغير هدومي انت معاكي هدوم ليا
حبيبه:اه وانا جايه عديت على البيت وجبتلك هدوم
شروق:طب قبل ما اغير وكدا اسأليلي مازن انا هخرج امتى
حبيبه:حاضر هطلع اسأله
بقلم خلود الطحان
(حبيبه طلعت عشان تسأل مازن
حبيبه:مازن هوا انت سألت الدكتور شروق هطتلع امتى
مازن:بصي هروح أسأل الدكتور اهو خليكي بس معاها
حبيبه:ماشي
مجدي:استني انا جاي معاك
(مجدي ومازن راحوا للدكتور بس كانت الأخبار غير مبشره
مازن:ها ي دوكتور اقدر اخدها امتى
الدكتور:انا بس عايزك ف مكتبه شويه
مازن:تمام تحت امرك
(مازن راح مع الدكتور وكمان مجدي معاه
الدكتور:للأسف الشديد المدام اتعرضت لإصابات شديده ف الرحم ودا طبعا خطر عليها جدا لو حصل حمل تاني
مازن:ايوه يعني مش هينفع تخلف تاني
الدكتور:لا طبعا هينفع بس بعد فتره مش قليله من العلاج عشان ميكونش في اي خطر على سلامتها او سلامة البيبي
وكمان ياريت تتابع مع دكتور متخصص عشان تتعافى بسرعه وفي حاجه كمان مينفعش اي مجهود خالص الفتره دي على الأقل اربع شهور
مازن بحزن:طيب هيا تقدر تخرج امتى
الدكتور:ممكن النهارده بس ياريت البيت يكون هدوء وكمان من غير اي ضغط نفسي او بدني ماشي
مازن:تمام ي دوكتور عن اذنك
(مازن و مجدي خرجو من عند الدكتور
مجدي:متزعلش ي صحبي انشاء الله هتبقى كويسه وهترجع زي الأول واحسن وكمان هتجبلك عيال كتير كدا عشان ابقى عمهم
مازن:ان شاء الله المهم عايزك لما تروح القسم تعمل اجازه سنه لشروق
مجدي:سنه بحالها
مازن:ايوه سنه تكون بقت كويسه
مجدي:حاضر اول ما هروح هقدملها على الأجازة
(دخل مازن لشروق وحبيبه سابتهم وطلعت
شروق:مازن انا هخرج امتى بقا انا مش بحب المستشفى
مازن:شروق لازم نتكلم شويه
شروق:في ايه مالك عامل كدا ليه
مازن قعد قدامها ومسك ايدها
مازن:شروق انت عارفه انك دلوقتي تعبانه ولازم عشان تبقي كويسه تقعدي اربع شهور من غير اي مجهود بدني أو عصبي دا غير في إصابات ف الرحم ممكن تأخر الحمل شويه وانا مش عايزك تزعلي انا جمبك وهنعدي المحنه دي سوا وانا خليت مجدي يأدملك على اجازه لمدة سنه ومن غير مناقشه انا بعمل كدا عشانك عشان تبقى كويسه
شروق بدموع:ايوه بس
قاطعها مازن وهوا بياخدها ف حضنه:اهدي بقى دا سنه هتعدي هوا اتفقنا
شروق:اتفقنا
مازن:هسيبك بقا وهبعتلك حبيبه عشان تغيري هدومك عشان نمشي
بقلم خلود الطحان
(مازن ساب شروق وطلع وحبيبه دخلتلها وساعدتها وبعد فتره شروق خلصت ومازن جه وشالها
مازن بحب:اصل الدكتور قال بلاش اي مجهود وانا عايز اسمع كلام الدكتور
شروق بكسوف:ماشي ي عم مازن
مازن بمرح:شروق انت تخنتي ولا ايه
شروق:نااعم تخنت ايه دا انا 60 كيلو بس
مازن:باس اخرصي انت هتشرشحي وانا شايلك كمان
شروق:خلاص يبقى متقولش تخنت دي سامع
مازن:حاضر ي باشا بس لاحظي إن انا على منك ف الرتبه
شروق:مش مهم تسمع كلامي برضو مفهوم
مازن:تمام ي فندم
مازن نزل شروق ف العربيه وروحوا البيت وطبعا مازن مكنش بيسيب شروق خالص وكملت علاجها لمدة أربع شهور ومازن كان على طول جمبها لحد ما عدا كمان تلت شهور وف يوم شروق بتحضر الفطار لمازن
شروق:مازن انا دايخه ووقعت من طولها على الأرض
مازن بقلق:شروق ي شروق انت كويسه قومي
(مازن شالها ووداها على الأوضه واتصل بدكتوره وبعدها بشويه وصلت ودخلت كشفت على شروق وطلعت
الدكتوره:حضرتك عايز بنت ولا ولد
مازن بصدمه:ايه
