سلمي: طيب يلا.
بعد شويه.
نور بابتسامة رجعت من السوق بدري : حماتي جبت لك الطلبات.
حماتها باستغراب: رجعتي بدري يعني.
نور بهدؤء: مفيش عم حسن مكنش عندو زحمة
والعيش خليت ام محمد تجيبه معاها وانا جبت الباقي بسرعه عاوزة حاجة تاني؟.
حماتها بطيبة: لا شكرا يا حبيبتي اطلعي ارتاحي انتي وانا هعمل الغداء قبل ما جوزك وسلفك ييجوا.
نور بابتسامة؛ حاضر.
طلعت شقتها وقعدت سمعت صوت جاي من الاوضه..
نور قامت باستغراب اتخضت يكون في حرامي بتتسحب بصمت وماسكت عصايا كبيرة ودخلت الاوضه بصدمة: احمد.
احمد بخضة: انتي بتعملي ايه هنا.
نور بزعيق: بعمل ايييي انتو اللي بتعملوا ايييي.
سلمي بخوف: متفهميش غلط يا نور انا مراته.
نور بصدمة: مرات ميييننن.
احمد ببرود: مراتي و اخرجي وسبينا بقا.
نور بغضب وصراخ : اخرج ايهههه انت بجححح.
احمد بغضب مسكها: اسمعي علشان انا اصلا زهقت منك انتي طالقققق خدي بعضك وامشي من هنا
نور سكتت بصدمه ودموع… لكن مسكها احمد بغضب وجرها علي برا و امه طالعة: في ايه يالهوي انت هنا وسلمي ب..
احمد بغضب: خلاص خلصنا.
شد نور وأمه واقفه مش فاهمه ولا عارفه حاجه وبتحاول توقفه لكن مفيش فايدة…
شدها ورمها برا البيت: غوري ومشوفش وشك هنا تاني.
وقفل في وشها الباب …
باااااااااااااااكككك..
يزن بهدؤء: انزلي.
نور بحزن: مش قادره.
يزن بحنان: نور انزلي انا جنبك عايزك تطمني.
نور ابتسمت بحزن ونزلت معه…
بتدخل معاه بتلاقي سلمي قاعده ببرود و حماتها فرحت لما شافتها.
عزة بفرحه: نورتي بيتك يا بنتي.
سلمي بسخرية: سابت الكبير وراحت علي الصغير ههه خدي بالك يا حماتي لتلف علي جوزك.
عزة ببرود: ليه انتي فاكرها انتي لا فوقي نور بنتي وست البيت مفهوم.
نور ابتسمت بهدؤء.
سلمي بصت لها بغضب ومشيت…
عزة بحنان: بقا تقعدي كل الشهور دي متتكلميش معايا.
نور بدموع في عينيها: حقك عليا بس انتي عارفه.
حضنتها حماتها: حقك انتي عليا يابنتي يلا يا يزن خد عروستك واطلع شقتك انا جهزت لكم كل حاجه.
يزن بهدؤء: يلا يا نور.
عند سلمي.
سلمي بغضب بتتصل علي احمد: الو يا احمد تعالي بسرعة في مصيبة.
احمد بملل: مصيبة ايه.
سلمي بسخرية: اخوك المصون اتجوز طليقتك يا عنيا.
احمد بغضب وصدمة: نعممممم…
#البارت_الثاني…
انتي بتخرفي بتقولي ايه اخويا اتجوز طليقتي ؟
سلمي بخبث: زي ما سمعت كده وامك زعقتلي وهزقتني عشانها لازم تيجي تتصرف .
احمد قفل في وشها بغضب و نزل استاذن من شغله وروح…
عند يزن.
يزن بهدؤء: نور انا عارف انتي عاوزة تقولي ايه بس انا عملت كدا عشان امي هي يلي فضلت تزن عليا عشانك لانها حاسة بالذنب ناحيتك.
نور بحزن: مكنش ينفع يا يزن انتو حطتوني في وجع مش هخلص منه.
يزن بهدؤء: لو تحبي اخدلك بيت برا ماشي.
نور لارد.
يزن اتنهد وقعد جنبها: بصي يا نور انا زي مانا متغيرتش وزي ما كنت معاكي هفضل معتبرك اختي.
نور بابتسامة: عارفة يا يزن.
يزن ابتسم وقاطعهم رزع علي الباب: افتح يا ييززن.
يزن ببرود قام فتح: خير.
احمد بغضب: انت ازاي تتجوز طليقتي من غير ما تقولي انت اتجننت ؟
يزن بلا مبالاة: انا حر وبعدين انت اتجوزت سلمي من غير م حد يعرف حد كلمك ؟.
احمد زقه ودخل لاقاها وقفه: اسمعي يابت انتي اكيد ضحكتي علي اخويا عشان يتجوزك ويرجعك هنا لكن سلمي كان معاها حق بس دا بعدك.
نور ببرود: هو انت فاكر الكل شبهك.
احمد بغضب لسه هيرفع ايده عليها لكن مسكه يزن: ايدك لو اترفعت علي مراتي هزعلك اوعا تنسي اني اخوك الكبير فاهم ؟ تاخد بعضك دلوقتي وتخرج برا شقتي ومتعتبش هنا تانى غير لما انا اكون موجود فاهم يا احمد ؟.
احمد بذهول: بتطردني عشانها.
يزن ببرود: اعتبر زي ما تعتبر .
احمد بص لنور بحقد: تمم تمم اوي
احمد خرج ويزن راح قرب علي نور : افرحي بقي دحنا حتي عرسان. تحبي ناكل انا جعان اوي بصراحه.
نور بابتسامة: حاضر هقوم اجهز الاكل .
عند احمد.
احمد بغضب: البت دي لازم يزن يطلقها.
سلمي بخبث: شوفت بقا انك لما طلقتها اترمت علي اخوك.
احمد بغضب: كان عندك حق البت دي لازم ارجعها ليا تاني .
سلمي بصدمة: نعم ؟ ترجعلك ؟
احمد بتوتر: مش القصد يا سلمي قصدي لازم ترجع اذلها وابهدلها زي زمان .
سلمي بغضب: اسمع ياحمد انا لو قلبت عليك هتندم وانت عارف اني مجنونة واقدر اعمل فيك ايهه.
احمد بخوف وتوتر: انتي زعلتي انا بهزر معاكي وبعدين انا بحبك انتي وهي خلاص رميتها.
سلمي بصتله بقرف ودخلت الاوضه.
تاني يوم.
يزن بابتسامة: صباح الخير.
نور بنعاس: اطفي النور واطلع برا.
يزن بضحك: اي شغل العيال دا قومي العصر هياذن.
نور بكسل: صحيني المغرب.
يزن بخبث: قومي بقي بطلي كسل ولا تحبي اجي اقومك بطريقتي ؟
نور بضحك لالا انا قايمه اهو
كانت سلمي بتسمعهم و حاطه ودنها علي الباب.
سلمي بهمس: الظاهر انها فرحانه اووي ماشي انا هوريكي.
نزلت بغضب.
عزة بهدؤء: نازلة بدري النهارده.
سلمي بخبث: عشان اساعدك يا خالتو.
عزة بسخرية: وانتي عملتي اني خالتك اوي.
سلمي بتمثيل الدموع: كدا يا خالتوا انا سلمي بنت اختك اه غلطت بس والله حبيت احمد انتي عارفه اني وحيدة ومليش حد غيركم…
بتعيط بتمثيل.
عزة بحنان: خلاص يا سلمي انتي بردو زي بنتي.
سلمي بخبث: ربنا يخليكي ليا يارب.
بعد شوية.
يزن بينزل لامه و نور قالت هتحصله.
الباب بيخبط.
نور لابست الطرحة وراحت تفتح: انت ؟
احمد زقها ودخل وقفل الباب:
نور بغضب: انت بتهبب اي اطلع برا.
احمد بغضب: انا عاوزك تطلقي من يزن وترجعيلي يا نور
نور لسه هتزعق حط ايده علي بوقها: اياااكي تفتحي بوقك والا هقول للكل انك انتي اللي جبتيني
نور بصدمه :
#البارت_الثالث..
نور بغضب زقته: اطلع بررراا يزززززن الحقني يا يزن .
يزن سمعها طلع جري.
احمد بغضب كان فاكر انها هتخاف منه يزن بيدخل بغضب: انت بتعمل ايه هنا.
عزة وسلمي بيطلعوا.
نور هتتكلم احمد سابقها بخبث: كنت نازل اعتذر ليها عشان كلام امبارح بس شكلها فهمتني غلط.
يزن بجمود: وانت دخلت وقفلت باب الشقة ليه.
نور بغضب: اقولك انا ليه المحترم جاي وبيطلب مني اني اطلق منك عشان ارجع له و بيهددني.
عزة بصدمة: نهار اسود ياحمد هي حصلت.
سلمي وقفه ببرود وباصة لاحمد اللي وشه قالب الوان.
