ليلي السادس

” ليلي بصتلها ومسحت دموعها وبدأت تحكي كل اللي حصل من البدايه للأخر ”
ليلي بعياط : انا كدا غلطت لما سألته دي مين وجايه ليه وبيكلمها ليه يقولي دا مش تحقيق ومش عاوز اسمع صوتك هو اصلا ولا طايقني ولا طايق البيت من يوم ما البت دي طلعت في حياتنا اجي اتكلم واقول كدا ابقي اجرمت في حق مصطفي باشاا ” ومسحت دموعها ”
احلام اخدتها في حضــ,,ـنها : بصي انا مش هقولك غير كلمه واحده يا ليلي جوزك بيحبك لو انتي مش مرتاحه معاه البيت مفتوح اقعدي لحد ما نفسيتك ترتاح بعدين شوفي عايزه تعملي ايه
ليلي بصتلها : بقولك قالي لو خرجتي من باب الشقه تبقي طالق ارجع فين ولا نفسية اية اللي بتتكلمي عنها يا احلام انا مش راجعه عنده تاني
رشا : خلاص هدي نفسك اللي نفسك فيه اعمليه
” فضلو قاعدين شويه لحد ما جمال ومروه نزلو وفهمو الموضوع شويه والباب خبط ”
جمال : خليكو هفتح انا ” وقام فتخ وكان مصطفي ” ادخل يا ابو ليلي نورت البيت يا غالي
مصطفي سلم علي جمال : حبيبي يا جمال منور بيك يا محترم ” ودخل والكل رحب بيه ولسه هيتكلم قامت ليلي بكل غضب واقفه ”
ليلي بغضب : لو مفكر انك جاي ترجعني نجوم السما اقرب ليك من ان ارجعلك تاني محدش يستحمل يعيش معاك ولا ثانيه اصلا ولا يستحمل طبعك
احلام بغضب : ايه قلة الادب اللي انتي فيها دي تتكلمي مع جوزك بأدب حتي لو بينكم اييه اقعدي ومش عايزه اسمع صوتك
مصطفي بهدوء : لاء معلش ي ام اسراء ثواني بس هرد عليها وتسلملي علي الكلمتين دول انتي مين قالك ان انا جاي ارجعك وثواني انتي بتقولي ان انا محدش يستحملني ” وزعق ” روحي كدا اسألي صحابك اجوازهم بيتعاملو معاهم ازاي وابقي تعالي اتكلمي ” وبص لجمال ” اسمع ياعم جمال انا مش راجل صغير ان بنت عمك تطاول معايا بكلام انا بدادي وبدلع وبقول عيله انما هتوصل معايا لقلة القيمه يبقي ملهاش لازمه بقااا
جمال بحكمه : مفيش راجل بيقبل ان مراته تهزم شخصيته او تصغره لو حتي قدام نفسه اللي بين الراجل والست قبل ما تكون حياة زوجيه بتكون احترام وادب
مصطفي : عليك نوور وانا حاليا شايف ان مراتي مخوناني وشاكه فيا ومن غير اي سبب جاي اتكلم ولسه هنطق تقولي نجوم السما اقربلك مني طيب تمام خليكي عند اهلك لحد ما تتربي بقا ” وقام وقف ” السلام عليكم ” وتخد بعضه ومشي وهو مضايق جدا ”
ليلي بعياط : شايفين الكلام والمعامله مش فارقه معاه اصلا
احلام بغضب : الراجل جاي يصالحك ويتكلم معاكي تقومي قايمه شبهه المدفع تقوليله نجوم السما اقربلك مني ايه الاسلوب دا في واحده تقول لجوزها كدا
” ليلي معرفتش تتكلم بصت للأرض وعيطت اووي عيطت انها مش عارفه اذا كانت غلطانه ولا لاء حاسه انها تايهه ومش عارفه تعمل ايه هي بتمووت في جوزها وغارت عليه ليه هو مش فاهم كدا يمكن غارت بطريقه غلط مبقتش عارفه حاجه شالت بنتها وشنطتها ”
ليلي : تصبحو علي خير عايزه انام حاسه بدوخه ” ودخلت علي اوضتها قبل ما تتجوز في بيت جدها اخدت مسكن لصداع وعيطت في حضــ,,ـن سلمي ” معقول ههون عليه يسيبني ….. بس هو جالي وانا زعلته ….. بس هو اللي غبي ومش فاهم ان غيرانه عليه هو اللي قالي انتي طالق وقدر يقولي
دخلت مروه الاوضه ليها بعد ما خبطت شافت منظرها دا قعدت جنبها واخدتها في حضــ,,ـنها وليلي عيطت : لو عايزه تتكلمي انا سمعاكي يا ليلي انا معنديش اخوات بس ربي شاهد علي كلامي بعتبرك اختي
ليلي بصتلها ومسحت دموعها : عارفه لما انا حبيت مصطفي كنت عيله عندي 14 سنه وهو كان راحل واكبر مني بكتير بس انا عشــ,,ـقته بجنون يا مروه كنت اول ما اشوفه معدي من الشارع بس يومي بيحلو لحد ما خلصت الاعدادية ومسكت فون ” وضحكت ” اول كلمة بعتها ليه انا بحبك يابن الجبراني
مروه بضحك وغمزه : يااا شقي دا انتي واقعه في حبه من الدور السابعين يشيخهه المهم كملي
ليلي ابتسمت : فضل اكتر من اسبوع ميردش وانا طول الاسبوع دا مبعملش حاجه غير ان بتفرج علي صوره وبس لحد ما زهقت مره كان بيجيب سجاير من السوبر ماركت وانا هناك قولتله رد علي رسالتي لو سمحت ومشيت وانا ندمانهه ان قولتله ” وضحكت ” كان مصدوم مني اووي علشان كان بينا وبينهم مشاكل ملهاش حل
مروه : مكنتيش خايفه حد من العيله يعرف انك بتحبيه ؟
ليلي : العيله كلها كانت عارفه ان بدمنه مش بس بحبه بس انا معبرتش حد واختارته من بين الكل واتمسكت بيه زي ما اكون طفله اتمسكت بأبوها فضلت احبه من وانا عندي 14 سنه لحد اللحظه دي بس …
مروه مسكت اديها : بس ايه كملي ؟
ليلي بصتلها بدموع : انا بغير اوووي وبغير عليه بطريقه احيانا بتخنقني انا شخصيا بس اعمل ايه بتعاقب ليه علي ان بغير علي جوزي
مروه : حبيبتي مش بتتعقبي انتي بس غيرتك خليك مش عارفه انتي بتقولي ايه بس خلاص موقف وعدي وهترجعي ليه وكل حاجه هتتصلح
ليلي بعياط : زعلانه منه اوووي يا مروه اووي طالقني يا مروه قالي لو خرجتي تبقي طالق وانا خرجت اول مره ازعل منه كدا
” مروه حضــ,,ـنتها وليلي فضلت تعيط كتير اووي في حضــ,,ـنها ”
……………………………..
” في بيت عيلة الجبراني ”
” العيله كلها كانت قاعده بتتعشي مصطفي فتح بمفتاحه ودخل علي البيت ”
فاطمه بصتله : حماتك الله يرحمها كانت بتحبك يلا بسم الله اقعد يلاا
مصطفي ببتسامه : سبقتكم من بدري يا بطوط بالف هنا علي قلبكم ” وقعد علي الكنبه يقلب في التلفزيون ”
اميمه بصتله وحست ان فيه حاجه : مالك يا مصطفي مضايق من ايه او ايه مزعلك ؟
مصطفي بتنهيده : مالي يا ست الكل ما انا زي الفل اهوو ولا انتو مش مرتاحين في وجودي هناا بقي
غالي : مش مرتاحين ازاي دا انا عايز اقولك سيب البيت اللي هناك وتعالي ارجع شقتك وبينك وتخليك وسطنا ومش عارف اقولك ازاي
مصطفي مسح وشه : بفكر في كدا اصلا احيانا بتأخر في الشغل بخاف علي ليلي وسلمي لوحدهم في البيت
فاطمه : انت جيت من غيرهم ليه همووت واشوف بنتك مجبتهاش في ايدك ليه ؟
مصطفي بصلها : ليلي اخدت سلمي وراحت عند اهلها زياره يومين كدا
بسمله بستغراب : ليلي سابتك لوحدك تتنفس وراحت عندنا والله مصدق ابدا
مصطفي ضحك بحزن : لاء ي ام عمر صدقي عادي اهي سابتني لوحدي وراحت زياره الله اعلم هتيجي امتي تاني المهم انا طالع برا هشرب سيجاره ” وقام وقف طلع برا وغالب وراه ”
غالب ولع سيجارته ووقف جنبه : مالك ؟
مصطفي بصله ورجع بص قدامه واخد نفس من السيجاره وطلعه علي مراحل : طلقتها ؟
غالب بهدوء : طلقتها ازاي احكيلي اللي حصل
مصطفي : جت الدكتوره اميره البيت اتكلمت بمياعه شويه ليلي الغيره حرــ,,ـقتها اتخانقنا وصلت الخناقه انها عايزه تسيب البيت قولتلها لو خرجتي تبقي طالق وطبعا مراتي عقله علشان كدا طلعت وراحت عند اهلها
غالب بستغراب : واميره جايا عندك بيتك بتاع ايه
مصطفي مسح وشه : جابت نتيجة التحاليل اللي عملتها في المنصوره بس انا شايف ان الحوار مش مستاهل انها تيجي لحد البيت اميره مش حوارنا يا غالب
غالب : الا مش حوارنا دي هي الحوار نفسه مراتك مش بتحبك مراتك بتدمنك انت محور حياتها ليها وبس وغارت عليك انت ليه محتوتهاش ليه مقولتش ليها انها اللي ماليه عينك وانك بتحبها مضحكتش عليها بكلام ليه
مصطفي : وقتها معرفتش افكر حتي كل اللي كان في بالي هو ان مراتي واقفه قدامي تتشرط عليا وبتستجوبني مش عارف بقا كنت صح ولا غلط المهم دا اللي حصل روحتلها عند بيت اهلها اسلوبها زفت قولت والله ما انا مصالحها وسبتها وجيت
غالب طبطب علي ضهره : طيب انسي الكلام دا كله وشوية وقت وكل حاجه هتبقي زي الفل اطلع نام في شقتك دلوقتي ولا شوف عايز تعمل ايه والصباح رباح مش هيحل الحوار دا غير ست زيها
مصطفي رمي السيجاره ودسها تحت الجزمه : متعرفش حد بكلام دا لحد ما اشوف هعمل ايه
غالب : خلاص ولا كأنك قولت حاجه يلا اطلع ارتاح في شقتك شويه
” مصطفي دخل علي جوا قالهم انه عايز ينام وطلع علي شقته والكل حاسس ان فيه حاجه وهو مش مرتاح من غير ليلي ولا عارف ياكل ولا ينام ولا يعمل اي حاجه ريحتها مختفيه من حواليه ودي حاجه مضيقاه جدا دخل اخد شور وطلع قعد قدام التلفزيون شويه مجالوش نفس يتفرج قفله ودخل نام علي السرير وفضل يتفرج علي الفون حاسس بزهق وملل ”
مصطفي قام بضيق : استغفر الله العلي العظيم في ايه مش معقول مش عارف انام يعني ” ومسح وشه بغضب وطلع البلكونه يشم هوا ” حقيقي الحياه من غيرها صعبه ” وافتكر هزارهم وهزار بنته ابتسم عليهم ” بجد وحشتوني في اقل من ليله
” ليله اصعب من الصعب عديت علي مصطفي وليلي كل واخد جواه افتقاد لتاني بس كبريائهم متحكم فيهم ”
……………………………….
” في شقة جمال ”
” جمال قاعد بياكل سوداني قدام التلفزيون ومروه قاعده في حضــ,,ـنه بتاكل زبادي وسرحانه في ليلي ”
جمال بصلها : الجميل بتاعي سرحان في ايه اووي كدا ” وباس خدها ”
مروه ببتسامه حطت اديها علي خده : مش سرحانه بس بفكر في موضوع ليلي مش عارفه هي غلطانه ولا جوزها اللي غلطان بس انا شيفاها بتمــ,,ـوت في جوزها وحقها تغير عليه ولا انت شايف ايه ؟
جمال بجديه : بتحب جوزها يبقي تحترمه الزوجه لازم وواجب تحترم جوزها تفهم ان الحاجه دي بتزعله يبقي تبعد عنها الراجل مننا بيطحن في الشغل عايز يرجع يلاقي مراته مستنياه في البيت متشيكه تهون عليه التعب مش يجي يناهد معاها كمان
مروه دفــ,,ـنت وشها في رقابته : يلا ربنا يهدي حالهم يارب جمال انا مش حسه ان حامل ليه ” وضحكت ”
جمال بضحك : يخربيت ام الحمل انتي لحقتي يا بنتي دا انتي لسه في البدايه بكرا تطلعي ميتين اهلنا في حملك داا
مروه بصتله واديها في وسطها ورفعه حاجب : مش هتستحملني يعني ولا ايه ياسي جمال
جمال حضــ,,ـنها بضحك : هستحملك بس من بكرا لان دلوقتي عايز انام ومش شايف يلا ندخل ننام بقا
مروه : يلا اطفي التلفزيون علي ما ادخل الحجات دي المطبخ
جمال شدها : خدي بس كدا سيبي كل حاجه زي ما هي بكرا نعمل كل حاجه سوا ” وشالها ودخل الاوضه نيمها علي السرير ونام جنبها ”
مروه ببتسامه : مش عايزني اتعب نفسي علشان الحمل صح
جمال بنوم : تؤتؤ عايز انام ومش عايز اسمع دوشة حلل واطباق
مروه بصتله بغيظ : ايدك من علي ضهري كدا وابعد بعيد خالص علشان مش عايزه اتنرفز عليك علي المساا
جمال : متجوز سواق توكتوك يا عااالم ” وخبطها بالمخده ” نامي بدل ما اولع فيكي نااامي
…………………………
” في شقة غالب ”
” غالب راح في النوم خلاص ومصدق انه نام ”
بسمله : غالب غالب
غالب بنوم : اممم
بسمله : حبيبي اصحي اتكلم معايا نايم ليه ؟
غالب فتح عينه وبصلها : مخمود علشان عندي شغل وعايز اقوم فايق انتي بقي صاحيه لييه
بسمله بغيظ : ايام الخطوبه كنت احي اكلمك تقولي عايز انام اتجوز.نا عايز انام انااا فين بقي
غالب بغيظ اكبر : وانتي مبتجيش تدوري علي نفسك غير الساعه 12 بليل نامي يا بسمله الله يرضي عليكي
بسمله راحت جابت عمر وشالته في حضــ,,ـنها : روح ماما انت اللي باقي ليااا ” وباسته ”
غالب وهو مغمض : يسلااام لو جولة المحن دي تبقي في الصاله مثلا علشان اعرف اتخمد
بسمله : الاوضة بتاعي زي ما هي بتاعتك يعني متفكرش ان هسيب اوضتي علشان حضرتك عايز تنام
غالب غطي نفسه وغطي وشه : خليكي انتي حره بس عليا النعمه لو سمعت صوتك لقوم اطبقك ومبهزرش
بسمله بهمس : راجل مستبد وغلس والله بو الشرع محللي واخد كمان بس كنت اتجوزت عليك وجيبته يكيدك ” وحضــ,,ـنت عمر ونامت بغيظ ”
” بعد مرور اسبوع الكل بقي عارف ان في مشاكل بين ليلي ومصطفي وخصوصا ان مصطفي معبرش ليلي في الاسبوع دا ولا حتي فكر يكلمها و مفيش اي حاجه اتغيرت مصطفي معاند وليلي معانده اكتر منه والعناد اتمكن من الاتنين وفي يوم في الصباح صحي مصطفي علي جده اللي بينادي عليه فتح باب الشقه بعد ما فاق ونزل ليه تحت ”
مصطفي : صباح الخير يا جد في حاجه ولا ايه ؟
غالي : مش عارف الغفير جاب الورقه دي ليك وخاد بعصه ومشي
” مصطفي بستغراب اخد الورقه فتحها واتصدم صدمة مكنش يتخيلها في يوم من الايام ”
فاطمه : فيها ايه الورقه دي يا مصطفي ؟
مصطفي ببتسامه : احم مفيش يا بطوط انا طالع اغير هدومي بس ونازل علطول ” وطلع علي شقته وهو حرفيا مش مصدق حرفيا ان ليلي ممكن تعمل كدا ”
غالب طلع وراه لما حس ان فيه حاجه فتح ودخل : الورقه فيها ايه يا مصطفي
مصطفي وهو بيلبس هدومه بكل برود : مفيش ليلي رافعه قضية خلع عليااا ” وابتسم بسخريه “

الفصل الخامس عشر 15

” مصطفي نزل من عربيته بكل غصب قدام بيت الحبايبه ومعاه غالب اللي بيحاول يوقفه ويهديه راح خبط علي باب البيت جامد جدا لحد ما احلام فتحت بخضه وكانت العيله كلها بتاكل ”
مصطفي بصوت عالي : السلام عليكم وعليكم السلام عمي سالم في كلمتين حابب اقولهم لبنت اخوك قدامك اولا اسف علي طريقة دخولي بيتك بشكل دا ثانيا بنت اخوك رافعه قضية خلع ليه وعايزه تبهدل نفسها في المحاكم الامر ابسط من كدا كانت تيجي تقولي طلقني بتلاته وتقولي سبب واحد عملته ليها يخليها تطلق الطلاق وانا مش هتردد ثانيه واحده ” وبص لليلي بكل غضب ” عمري مديت ايدي عليكي قسيت عليكي هنتك عملت ايه ليكي استحق منك دا انطقييي
ليلي بصت ليه اووي دقنه طويله شويه بس لسه بيخطف قلبها بنظره وحشهاا اووي وقالت بكل هدوء : خلع ايه اللي بتتكلم عنه انا مرفعتش قواضي
مصطفي بضيق : مبحبش الكدب يا ام سلمي خليكي قد عملتك لو انتي عايزه تطلقي بتخلفي مني ليه ؟ ايه ذنب بنتنا بدل ما تعيش في حضــ,,ـننا سوا تتمرمط معاكي في محاكم الاسره ؟ ليه اصل لو مش هنربيها تربيه ايجابيه خلفناها ليه….؟ ” ومسح وشه وقال بهدوء عكس اللي جواه “لا متسكتيش انا عايز رد
ليلي دموعها نزلت بسبب كلامه وبصت ليه : ودي تتوقعها مني يا مصطفي تتوقع ان همرمط بنتي وجوزي اللي هو حبيبي في محاكم وقواضي ملهاش لازمه
” سالم غمز للكل وسابلهم الاوضه لوحدهم وطلعو ”
ليلي بدموع وهي بتبص في كل مكان الا عينه: سايبني بقالك اسبوع ولا كأنك تعرفني ولا سألت فياا ولا عبرتني ولا حتي عملت قيمه للي بينا ” وبصت لعيونه بحزن ” لدرجادي هونت عليك ؟
مصطفي بغضب : بقااالي اسبوع ولا عارف انام ولا اشتغل ولا اعيش ولا مرتاح في الشقه ولا في البيت مش قادر اجيلك ومش قادر اسيبك ” وشدها عليه وقالها بغضب قبل ما ينزل علي شفايفها يبوسها بكل اشتياق وغل ” انتي لعنه وانا الملعون
ليلي بصتله ودموع في عيونها : عايزه ارجع بيتي مش عايزه افضل هنا مش مرتاحه ومش عارفه انام
مصطفي غمض عينه ببتسامه : هنرجع بس عايز افهم ازاي مرفوع قضية خلع عليا منك وانتي زي ما بتقولي مرفعتيش حاجه
في الوقت دا سالم خبط ودخل ليهم وقعد بكل هدوء : عرفتو انكم ملكوش غير بعض الحياه امانه وثقه لازم تكوني واثقه من جوزك يا ليلي وواثقه انه مش هيبص لحد غيرك وانت يا مصطفي مراتك بتحبك وبتغير عليك ابقي ريحها ياعم وقولها وخلاص ومفيش قواضي اترفعت انا اللي زورت الورقه وبعت الغفير بيها يمكن تعرفو قيمة بعض يلاااا خد مراتك وبلاش المواقف دي تاني
ليلي باست ايد عمها وبصت لمصطفي : مليش بركة غير مصطفي اشيله في عيوني يا عمي
مصطفي ببتسامه : مش عارف اشكرك ولا اقولك ايه علي الخوف اللي دب في قلبي لما حسيت ان ممكن اكون خسرتها انا اصلا مليش حياه غيرها هو مينفعش اكون غير معاها اصلا ” وبص لليلي ” هاتي سلمي علشان وحشاني وجهزي هدومك علشان نمشي
” ليلي هزت راسها فعلا راحت تجهز شنطتها وصحت سلمي راحت لمصطفي جري بشتياق ”
مروه دخلت ليها تلم معاها هدومها : ليلي مش قادره اخبي عليكي انا زعلانه ان هترجعي لجوزك هرجع لوحدي تاني
ليلي ضحكت : انا نفسي هفتقدك يا مروه والله
مروه بضحك : خلاص اطلعي قوليلو مش جايا معاك انا عايزه افضل هنااا
ليلي بصتلها : بس انا عايزه جوزي حبيبي جوزي بيكم كلكم الواد مز اخر حاجه دا احلو اكتر ما هو كان حلو والعين عليه اخاف اسيبه اكتر من كدا يتشقط مني
مروه ضحكت : مش دا اللي مش هرجعله اللي هونتي عليه القاسي المفتري القادر
ليلي بهزار : دا كلام وقت غضب يا مروه متدقيش لكن انا بأمانه معرفش اعيش من غير اكتر من كدا
احلام دخلت عليهم الاوضه وفي اديها شنطة اكل حطيتها جنب الباب وبصتله : اياااك نحترم نفسنا ونحترم راجلناا بقاا علشان وربي لو لقيت قلة ادب تاني منك لجوزك لطلع روحك في ايدي
ليلي استخبت ورا مروه وقالت : يوليه صلي علي النبي بقاا ساعة شيطان ودخلت بينااا دا الاسبوع اللي قعدتو عندك كرهتيني في نفسي من كلامك ليااا
احلام : عليه الصلاة والسلام يلاا خلصي هدومك والبسي علشان تمشي مع جوزك
” ليلي لبست الاسدال وسابت طرحته علي رقابتها وجهزت كل حجاتها واخدتهم طلعتهم برا وكانت رايحه توديهم العربيه وقفها صوت جوزها الغاضب ”
مصطفي : انتي رايحه فين كدا بشعرك يا عسل ؟
ليلي بصتله وبصت لشنطة اللي في اديها : كنت طالعه…!
مصطفي بغضب : طلعت روحك…. انتي كنتي بتطلعي بشعرك براا عادي ولا ايه الدنياااا ؟
ليلي برعب : ابدا والله مكنتش بطلع برا اصلا حتي اسألهم
مصطفي شد الطرحه بقسوه حطها علي دماغها : اسأل مين ما انا شوفت بنفسي اهوو مش هنتكلم هنا لينا بيت يلمنا وانا اصلا ناويلك علي نيه سودااا ” واخد الشنطة من ايدها وراح بيها علي العربيه وسلمو علي الكل ومشيو ”
ليلي بتفكر هو ناوي ليها علي ايه هيضرــ,,ـبها ولا هيعمل ايه وقالت بكل تلقائيه : انت هتضرــ,,ـبني امتي ؟
مصطفي بص لطريق وكمل قدامه : لما نروح همسكك ارنك علقه دا اول حاجه بعدين احرــ,,ـقك بسجاير في جسمك واجيب كرباج واجلدك ودا طبعا قبل ما اقص شعرك
ليلي بصتله برعب : انت بتهزر صح ؟
مصطفي بصلها : انتي شايفه ايه هل انا عمري مديت ايدي عليكي حتي لو في عز مشاكلنا ؟
” ليلي هزت راسها ب لاء ”
مصطفي مسك اديها وباسها برقه : يبقي ليه السؤال دا انا عمري ما رفعت عيني في ست هقوم اضرــ,,ـبها ولما اجي اضرــ,,ـب هضرــ,,ـب مراتي اللي بحبها وام بنتي ؟
ليلي نامت علي كتفه وهمست : تعرف وحشتني اووي كنت من غيرك تايهه حسه ان مليش حد حسه ان وحيده برغم ان الكل كان معايا بس انت بتكملني يابن الجبراني
مصطفي : يا شيخه اتقي الله فيااا دا انا من يوم ما اتخانقنا وانتي عدماني العافيه ايه البلوكات اللي عملاها ليااا دي كلها
ليلي بغيظ : اقولك وحشتني تقولي عدماني العافيه لاء انا عايزه جوزي الرومانسي مليش فيه
مصطفي بهمس : في البيت بقاااا اوريكي الرومانسي وكل اللي انتي عايزه تشوفيه لكن هنا بصراحه معنديش ادني استعداد اتمسك بفضيحه في الطريق العام ” وضحك ”
ليلي بخجل : علي فكره انت قليل الادب انا قصدي رومانسي يعني تقول كلام حلو مش اللي في بالك
مصطفي بص لسلمي في المرايا اللي قاعده ورا ومعاها فونه ومندمجه فيه : حبيب بابا ساكت ليه كدا
سلمي بصتله بزعل : انا مخصماك
مصطفي بصلها ومثل الصدمه : ينهار ابيض القمر بتاعي مخاصمني مره واحده دا ليه ان شاء الله بقاا
سلمي بغضب طفولي : بتقول لماما كلام رومانسي وانا لاء اشمعنا يا استاذ بابا
” ليلي ومصطفي بصو لبعض وادركو ان سلمي بدأت تاخد بالها من كلامهم وتصرفاتهم ودا في حد ذاته غلط ”
ليلي اخدتها قعدتها علي رجلها : بابا كان بيجيب لينا كل يوم حاجه حلوه قبل ما نروح عند احلام وكنا بنفرح انا وانتي وبناكل اندومي وشيبسي دا الحجات الرومانسيه يعني بابا جايب لينا حجات هناك دا اللي كان يقصده بالرومانسيه
سلمي بفرحه : جايب كاكولا ولبااان وشيبسي واندومي ومصاصه يا بابا
مصطفي قرب منها وباس خدها : جايب يا عمر بابا ” وقالها بهمس ” وعلشان بابا بيحبك اكتر من ماما جايب ليكي لعبه حلوه شبهك كدا
سلمي سقفت علي اديها : الله احسن بابا في الدنيا
ليلي بصت لمصطفي بعشــ,,ـق وهي نايمه علي الكرسي : تعرف ان بحبك اووي
مصطفي بثقه : عارف
ليلي بغيظ : تصدق بالله انا غلطانه بدلع في مييين دكتور بيتعامل مع البقر وبسس
” مصطفي ضحك بصوته كله وشدها ضمها لص.دره واديه محاوطه كتفها ”
……………………….
” سليم قاعد في العربيه مستني كنز تنزل فضل مستني كتير اووي لدرجة انه بدء بتنرفز نزل من العربيه وبص علي الباب كانت جايا بتقفل الباب وهي بتجري ”
راحت عليه بسرعه وهي بتنهج : والله العظيم كنت بلبس وانا علي السلم اسفهه علي التأخير
سليم بصلها بحب : تأخير اييه اسكتي ايه الحلاوه والرقه دي يا كنوز
كنز ببتسامه : انا جنبك ولا حاجه يعم ايه الشياكه دي كلهاا ” وغمزتله ”
سليم : لاء بما ان الموضوع في غمز اركبي العربيه علشان يومنااا طويل